YOHANE 14:24 - Bibilia Kui Mdedie fo Kimochi

²⁴ Mndu kada alanjikunda ma madedo ho hako aharingapfo. Na idedo lyo moliicho chi lyako inyi njimonyipfo kya indi nyi Wande ichu alenjiduma.

YOHANE 14:24 ပူးပေါင်းရင်းမြစ်များ

MATAYO 19:21

Yesu kambia, “Kokunda uwe mndu moholotsya shose kehenda kumba shilya uwode ushiinenge wandu wakiwa naho ochiwada kisa kya shindo shifoi ipfo ruwe hu. Komeidima uche oshana na inyi.”

YOHANE 14:10

Alewo kulaidikye ke inyi njii-msanze na Wande nao Wande ai-msanze na inyi? Madedo ho ngamuwia moose manya hawukye koko njimonyipfo. Ni Wande chu ai kiidi kyako nyi awa moṟundya-ho mawuto hake.

YOHANE 14:15

"Kokoya monjikunda nyi mochiwada mawawaso ho hako.

YOHANE 14:25

Isho nyisho ngammaa imuwia kiheri ki njii nanyo.

YOHANE 3:11

Kya lohi na lohi ngakuwia, Kilya lomemanya nakyo lochekehamba na kilya lomewona nakyo lochekeongwo kya iṟingishya lyadu. Na kiṟingishyo kyo kyadu nyo mulakiidikye.

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

YOHANE 5:19

Nahong'u Yesu kahalwo kawawia, “Nyi lohi kya lohi ngamuwia, Mana echiidima itana kindo kui chila yake amonyi kulawode nyi ikyo awona Nde aitana-pfo. Kyamba kindo ndee atana na Mana nakyo kawekitana ado da.

YOHANE 5:38

Ma idedo li lyake mukuwodye nalyo likae ipfo mrimenyi-pfo kipfa ichu alemduma mulalemwidikya.

YOHANE 7:16

Nahong'u Yesu kawahalwo kahamba, “Mloshye yo yako njilosha nayo chi yako inyipfo kya indi nyi ya ichu alenjiduma.

YOHANE 7:28

Lyo likaenenga Yesu ipfo hekalunyi kundo ailosha kaira ṟu kahamba, “Ee-da na muwenjiichi na kundo njiwukye na muweichi da. Na inyi njicheye kui chila yako njimonyipfo. Kwipfo mokilohi alenjiduma, nao ma mulamwichi nyo.

YOHANE 8:26

Njiwode shifoi shededa kyanu na idumbwo kyanu. Kya indi ichu alenjiduma akeri menyi-wukilohi, na inyi shilya njileicho shiwuka koke nsho njiiwia wa wuyana.”

YOHANE 8:28

Nahong'u Yesu kahamba, “Mukamshika iiria Mana chu o mndu mpfondo mochimanya ke, ‘Inyi nyio;’ na imanya ke njiwode kindo ngiwuta ki kya chila yako njimonyi-pfo kyaindi ikyo Wande alenjilosha nkyo njihamba.

YOHANE 8:38

Inyi kilya njiwonyi ipfo ko Wande nkyo njikeri ihamba. Nanyo kilya momicho kiwukye ko ndeanu nkyo muiwuta.”

YOHANE 8:42

Yesu kawawia, “Ukoye Ruwa awei Ndeyanu nyi muwenjikunda inyi kyamba inyi njilecha njiwuka ko Ruwa na wulalu njikeri iya. Njilecha kui kyama kyako inyi njimonypfo. Ruwa alenjiduma.