YOHANE 14:23 - Bibilia Kui Mdedie fo Kimochi

²³ Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 14:23 ပူးပေါင်းရင်းမြစ်များ

MAWOOKIONYI 1:26

Ruwa kahamba: “Kyendenying'u luwumbe mndu kui ofano lodu; o mfananye fodu; wawechilia makunga ha ipfo mṟingenyi na malehe ha shia ruwehu na shumasho na orukalu lose, na orio kindo kekekukuruo wanda kyose.”

MAWOOKIONYI 11:7

Lusokeng'u napfo, luwarahanyitse mdediefo fowo kundu walaadanyanese madedo wo wenyi ko wenyi.”

SHIIMBO SHA DAWIDI 90:1

Iyo, Mndumii, nukeri handu hadu hekaa; kishari numa ya kishari.

SHIIMBO SHA DAWIDI 91:1

Adamie handu ha kiṟika hake Ai huye, Nechikaa kiidi kya maṟinje ha Mndumii menyi pfinya.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YOHANE 10:30

Inyi na wande lui wamu.”

YOHANE 14:15

"Kokoya monjikunda nyi mochiwada mawawaso ho hako.

YOHANE 14:17

Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:21

Mndu akuwode na mawawaso hako kawa moharinga nyio mndu anjikundi. Na mndu anjikundi nyi echikundo nyi Wande oko. Nao inyi njechimkunda na ikuloṟa nao.”

YOHANE 14:24

Mndu kada alanjikunda ma madedo ho hako aharingapfo. Na idedo lyo moliicho chi lyako inyi njimonyipfo kya indi nyi Wande ichu alenjiduma.

YOHANE 15:10

Kokoya moringa mawawaso ho hako nalyong'u mochikaa mukuwode na ikunda lyo lyako. Chando na inyi njileringa mawawaso ha Wande chu oko ngawekaa njikuwode na ikunda lyo lyake.

YOHANE 16:27

Kyamba o Wande namukundi nyo amony cha kipfa nyi mulenjikunda mukawenjiidikya ke ipfo ko Ruwa njicheye.

YOHANE 6:56

Na mndu kalya nyama tsako kawenyo samu yako nyio akaa kiidi kyako na inyi njikaa kiidi kyake.

YOHANE 8:51

Nyi lohi kya lohi ngamuwia, Mndu awada madedoho hako echipfa ma indiipfo.”

YOHANE 8:52

Wayuda walya wakambia, “Wulalu lomanyang'u ke uwodo oṟuṟe! Abrahamu nalepfa na waikimbi wakawepfo da; na iyo kohamba, ‘Ichu echikuwada na idedo lyapfo echipfa ma indipfo.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

1YOHANE 2:24

Lilya mulemwicho lya mawokyonyi likae nanyo. Lilya momeliicho lya mawokyonyi likakaa nanyo nyi mochikaa na Mana na Wande.

1YOHANE 2:5

Indi Mokihendelya dedo lyake lohi, ipfo koke ikunda Ruwa lyamshika yawukya. Lyo lyaluenenga imanya ke lohi lukulungye nao.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

1YOHANE 5:3

Kipfa ikunda Ruwa lii-pfo ipfo kundo luihendelya mawawaso hake. Na mawawaso hake hai malemeripfo.

2YOHANE 1:6

Na mkundye-fu fukeri fuile, luchumie mhendekye fuidikyanyi na mawawaso ha Ruwa. Iwawaso lilya mlelyiicho wokia kacha lii-le, ke luhendeke lui-waitike nyi ikunda.

OTAMBAHALUO LO YOHANE 21:22

Indi mba ya hekalu njileiwona-hopfo, kyamba Mndumii-Ruwa Menyi Pfinya tsose ai hekalu lyawo wo hamu na Kidahina kilya.

OTAMBAHALUO LO YOHANE 21:3

Ngaicho ṟu ling'anyi lyiuka ipfo loṟikenyi lo wuitoṟi lyechihamba, “Aika kanyi ka Ruwa awode hamu na wandu. Nao echitsinda kowo nawo wechiwa wandu wake. Nao Ruwa amonyi nyechiwa Ruwa owo.

OTAMBAHALUO LO YOHANE 22:3

Na handu ho kuwode-se mbakapfo ma kindo kisese kyechiida kihopfo. Na loṟika lo wuitoṟi lui lo Ruwa na Kidahina kilya lochikaa iipfo, kiidi kya mṟi na wasoṟo wake wechimpfuṟukanya.