YOHANE 14:19 - Bibilia Kui Mdedie fo Kimochi

¹⁹ Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 14:19 ပူးပေါင်းရင်းမြစ်များ

YOHANE 11:25

Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 12:35

Yesu kawawia, “Kutsuhae-ho kiheri sa kyangu sa ii ikeri-se nanyo. Chumie ili mukeri na sa ii mulawone mohenda ihoyo meema, kyamba ichu mochumia memenyi aichi ma kundo ashikapfo.

YOHANE 13:33

Wana wako, njitsinda nanyo hando ha oweṟe da. Nyi mochinjipfula nalyo kivewa kidi chando njilewia wasongoru wa Wayuda ngahamba, ‘Kundo kulya njikuhendya moidima icha naho-pfo.’ Nanyo na wudo ngamuwia wulalu.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 16:16

“Mwaanya sa kitutu nanyo mochinjiwonasepfo, na maanya fungi kitutu na mowuya injiwona.”

YOHANE 16:22

Nanyo na wudo da, kiheri kya wulalu muisokyo nyi fowa. Indi njechiwonana nanyo lingi, na mrima yanu yechichihio na msiha fu fonu kwipfo mndu eidima imsokasepfo.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 7:33

Yesu kahamba, “Nyi kiheri sa kyangu njitsinda-se nanyo njihende ko ichu alenjiduma.

YOHANE 8:21

Yesu kawuya kawawia lingi, “Inyi njikuhendya nanyo mochinjipfula. Na mochikupfia ipfo wunyamarinyi wonu. Kundo kulya inyi njikuhendya nyo mochiidima ishika-ho pfo.”

MAWUTO HA WASU 10:41

Nawewono chi nyi wandu wosepfo, kya indi nyi wangochi walya wawei wasambuṟe nyi woko-so lulie na inyo kimu nao ili alemaa iṟuka wapfunyi.

WAROMA 5:10

Kyamba kokoya lomhenda yoloṟyo Ruwa kui ipfa lya Mana-chu oke lilyandi luwei kituwenyi, nyi wuda kya ngoseṟa lochikaa luiwaringe ipfo kundo aitsinda na moo ili lui-waoloṟye ludi.

WAROMA 8:34

Ichu echihutsya owingo nyi wu? Kwipfo-pfo? Kristo Yesu aiho, nyio sa alepfa na kya ngoseṟa nyi aleṟutso, awuka ko wapfu, o akukerye ipfo ko kulyo ko Ruwa Kawa moluterewya-ho so!

1 WAKORINTO 15:20

Kya indi wulalu Kristo aṟukye-ng'u wapfunyi, nyi amba mopaṟasaka o walya walee.

1 WAKORINTO 15:45

Nyi kuukuṟehye kudi, Adamu mndu o kuwoka nyi alewa mrima fuwode moo.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

OTAMBAHALUO LO YOHANE 20:4

Na ngawewona loṟika tsa wuitoṟi na wandu wadamie hoi wakainengo momu fodumbuo mondu. Ngawewonase na mrima ya walya waledumbuo mdo kimaduma kya kiṟingishyo kyeṟingishia Yesu na kimaduma kya idedo lya Ruwa na ya walya walaleindia indo lilya manya mfano folyo ma walaweambye ofano lulya lolyo ipfo oshangunyi lowo ma ipfo owoko-hu. Wo wakawada moo wakawa wakachilia hamu na Kristo maka kiku kimu. (