YOHANE 14:17 - Bibilia Kui Mdedie fo Kimochi

¹⁷ Nyio Mumuyo o wukilohi, ichu wuyana wu wulaidima imbada kipfa wulawode meso hembona ma wuṟango wommanya. Nyo nyi mommanya kipfa nyi aimukaya kechitsinda mrimenyi yanu.

YOHANE 14:17 ပူးပေါင်းရင်းမြစ်များ

MFANANO 14:10

Mrima fuichi iwawio lya mbihu, Manya mhenu echisonja manya sia yake pfo.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 59:21

Mndumii ahamba, “Mumuyo foko fui huye yapfo na madedo hako hai dumbunyi lyapfo, hechiwuka dumbunyi lyapfo ma dumbunyi lya wana wapfo, ma dumbunyi lya wachuku wapfo-pfo, Mndumii ahamba, wokia inu itane mlungana.”

EZEKIELI 36:27

“Cha kipfa njikeri iwaomoya mumuyo foko kiidi kyanu, njiwemwinenga pfinya yeosha wuwawaso woko na mbutie yako.

MATAYO 10:20

Nyi ili wededa-ho chi nyofo, nyi Mumuyo o Ndeyanu ededa ai nanyo.

YOHANE 14:16

Na inyi njechiterewa Wande nao echimwenenga Mtarami ungi nawe mokaa nanyo itane mlungana.

YOHANE 14:23

Yesu kahalwo kambia “Mndu kakaa-ho anjikundi nyi idedo lyo lyako echiliringa, nawo Wande chu oko echimkunda naso nyi lochicha ikaa koke.

YOHANE 15:26

“Ilindi Mkarishi echicha ichu njechimdumya inyi njii ko Wande nyio Mumuyo o wukilohi awukye ko Wande nao nyi echiwika-ho kiṟingishyo kyenjiṟingishya inyi.

YOHANE 16:13

Indi kiheri ichu echicha ai Mumuyo o wukilohi, o echimuwiia mateteṟa momwitsa wukilohinyi wose, kyamba alechideda kui wuitiki woke amonyi, kya indi shilya aicho nyisho echideda, na shilya shirie iwa nyisho echimwongoya.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

1 WAKORINTO 14:15

Akashika nyi kyawa-se kida? Nyi njechiterewa kui mumuyo, njiweterewa na kui mhio; njichiimba kui mumuyo njiweiimba na kui mhio.

1 WAKORINTO 2:14

Indi mndu o mhendeshye fo kiwandu ekeambyana na shilya shii sha Mumuyo o Ruwapfo, kyamba shembiia wutondo nalaidime ishimanya, kipfa shekewa itichyo kui njia ya Mumuyo tupu.

1 WAKORINTO 3:16

Mulaichi ke, nyo nyi hekalu lya Ruwa na ke, Mumuyo mwele ai mokaa nanyo sho?

1 WAKORINTO 6:19

Ang'u mulaichi ke mbihu fonu nyi fomba hekalu lya Mumuyo Mwele aikaa nanyo, ichu muleinengo nyi Ruwa. Nanyo chi mukeri wanu muwenyipfo.

2 WAKORINTO 13:5

Kuheshenyi nyo muwenyi kokoya mukeri wuidiki-hu, muhendekekutichya muwenyi. Ang'u mulakuichyo muwenyi ke Yesu Kristo akukerye konu? Kilamewa ke mui-wallakia.

2 WAKORINTO 6:16

Na maidikyano m maki ha hekalu lya Ruwa na mfano ya maruwa ha wongo? Kyamba so lui hekalu lya Ruwa menyi moo; chando Ruwa ahambye, ke ipfo kowo njechitana kanyi koko njehendekyaho, inyi njechiwawiia Ruwa owo nawo wechinjiwiia mkambo foko.

WAGALATIA 4:6

Indi ili mui wana kawemdikya mumuyo fo Mana oke ipfo ngoonyi tsanu kemfuhia, hoi Aba, hoi Wande!

WAEFESO 2:22

Kui ikulunga nao, nanyo da mochiengeṟyo-ho napfo ipfo mbikenyi muwe kanyi ko Ruwa kui Mumuyo.

WAEFESO 3:17

Kundu Kristo nakape kanyi koke ipfo ngoonyi tsanu kawe kui wuidiki mochikaa mokapya mri ipfo kiwanjenyi kilya kii kikunda.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

2TIMOTEO 1:14

Kilya kicha ulemsumbo kewekiringe-wo necha kui pfinya ya Mumuyo Mwele ichu ai kiidi kyadu.

1YOHANE 2:27

Nanyo, mshimbuo-fu momwambya fuwukye ipfo koke mfo fookaa nanyo. Nanyo muwuṟye mndu mompfundapfo. Kya indi chando mshimbuo foke fuimlosha kya shose nafo fui lohi fulai wongo, na chando fulemlosha nyo kaenyi nafo.

1YOHANE 3:24

Na mokihendelya mawawaso ha Ruwa nyi aka amlunge na Ruwa, nao Ruwa alunganyi nao. Na kilya kyalutarama imanya ke luiwalunge na Ruwa nyi mumuyo fu Ruwa ameluenengya.

1YOHANE 4:4

Nyo, wana, mupaṟikye ko Ruwa mulemmaa iwinza waikimbi. Kipfa ichu akeri nanyo nyi ang'anyi kota ichu ai kunu wuyana mulemmaa iwinza waikimbi-wo wa wongo.

1YOHANE 4:6

So nyi ipfo ko Ruwa lupaṟikye. Mokimanya Ruwa nyi aluicho. Ichu alapaṟikye ko Ruwa ekeluichopfo. Lyo nyilyo lyaluinengya imanya Mumuyo o kii-lohi na mumuyo fo wongo.

1YOHANE 5:7

Waṟingishi wai-ho nyi waṟaṟu.

OTAMBAHALUO LO YOHANE 2:17

“Ichu awode-madu naadanye iki Mumuyo aiwia siṟi tsi.” Sa wechiwinga njechiwainenga manna iya ii-njiṟike njiwewainenga na kiho kii kiili pang'a kii kiṟehyo rina lyihya. Ma kulaipfo alimanya chila walya weliambya.