YOHANE 14:12 - Bibilia Kui Mdedie fo Kimochi

¹² Ni lohi kya lohi ngamuwia, Mndu kanjiidikya inyi, mawuta ngawuta nao da echiwuta, na manenenene kota ho echihawuta, nyi kipfa inyi nyi ipfo ko Wande njihenda.

YOHANE 14:12 ပူးပေါင်းရင်းမြစ်များ

MATAYO 21:21

Yesu kahaluo kawawia, “Nyi kya lohi ngambia, kokoya muwode idikya mkada mlawado nyi mkeu-keu ma chi ikyo kya mkuyu tupu mochiwutapfo. Indi ma kokoya nyi fumwu li nyi mochiliwia, kuṟuka ukumbo kulya ipalyipalyinyi, na kewutika kido.

MARIKO 11:13

Kawona mkuyu ai aleshe, fuwode mambale hafoi. Kacha, ke kulako kyechiwona-pfo ndunda; Amcha afui alawone-pfo manya ndunda shila mambale tupu. Kipfa kulawei kiheri kya ndunda tsa mkuyu.

MARIKO 16:17

Na shiṟingishyo sheimya iwo waidikye nyi shikeri shii-le, nyi kui rina lyako wefuna nalyo waṟufu wawicho, na ideda kui mdedie mhya.

YOHANE 14:28

Nyi muleicho njechimuwia ke njihenda; na iwuya njechiwuya na konu. Ukoye muwenjikundi nyi muwechichihio ili njihenda ko Wande kipfa o nanjing'anyi inyi.

YOHANE 16:7

Na inyi ngamuwia kya lohi, Ili njihenda nyo mokuwutyaho kiira. Kyamba kokoya ngada njilahenda Mkarishi ulya echimchea nyopfo. Indi kiheri ngamaa ishika njechimduma konu.

YOHANE 4:37

Kipfa mdedie fu fuhambie, “Mokumba mbeu nyi ungi na mosambwo kawa ungi.

YOHANE 5:20

Kyamba o Wande nyi akundi Mana, kamloṟa orio kindo aitana amonyi shose. Nao echimloṟa na shetana shing'anyi kota isho mukuwutye-ho iṟihio.

YOHANE 7:33

Yesu kahamba, “Nyi kiheri sa kyangu njitsinda-se nanyo njihende ko ichu alenjiduma.

YOHANE 7:39

Nakyo nyi alededa kya macheyenyi ha fo Mumuyo Mwele, fulya wandu wamwidikye wekaa wafuambie. Kyamba mandi halya Mumuyo Mwele fulawemsoke kipfa Yesu alawemeng'anyisho.

MAWUTO HA WASU 10:46

Kyamba walewaicho wechideda na njolimi njihya wechiichimbiṟa Ruwa. Nalyo Petro kahaluo kahamba,

MAWUTO HA WASU 16:18

Kawa mowuta ado mfiri ifoi. Na Paulo kapfuluko kainduka kawia mumuyo ulya, “Ngakuwawasa kui rina lya Yesu Kristo, wuka ko mndu chu!” Kambuka saa na iya.

MAWUTO HA WASU 19:12

Kukatana wandu waluo waendyo shidami na nguo tsikuwashye na mbihu foke na ndaṟe tsawo tsikawawuka na waṟufu wawicho wakasama.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 2:41

Na walya waleambya idedo lyake na sia wakapatiso. Mfiri fulya kukaengeṟyo-ho wandu washika shiku shiṟaṟu.

MAWUTO HA WASU 4:16

Wakahamba, “Luwutye ki wandu wa? Kyamba nyi ṟiho imanyikye na pata waiwutye, imanyikye ko wandu wose wai Yerusalemu, manya lochiidima iikanapfo.

MAWUTO HA WASU 4:33

Na wasu wakawa weṟingishya iṟuka lya Mndumii Yesu na pfinya ing'anyi, nawo wakawonesyana wucha wung'anyi wose.

MAWUTO HA WASU 4:4

Na walya weadanya dedo wafoi wakakuidikya na mfoe fo wasoṟo walya fukashika shiku shitanu.

MAWUTO HA WASU 5:15

Koikyo kukatana wandu waluo wawa moleṟyo ipfo njiehu tsing'anyi wawalaṟe njonyi-hu na shitaṟe-hu kundu Petro kacha kiṟishe kyake tupu kiwikye umu-ho owo mṟishe.

MAWUTO HA WASU 6:7

Nahong'u idedo lya Ruwa likadung'ana, mtalie fo wa kiloshyonyi fukapfumbuka mnu kulya Yerusalemu, na wakohanyi wafoi wakahaluka wechiidikya.

MAWUTO HA WASU 8:7

Kyamba wandu wafoi wawewodo nyi mṟufu mbicho walehenda iletso ikawuka-ho yechifihiṟa mnu, na wahuli wafoi na wawetiliwanyi shiwungo wakahenda ichiṟo.

MAWUTO HA WASU 9:34

Petro kambia, “Ainea, Yesu Kristo akuchiṟa. Kure noale kitaṟa kyapfo iyo kumonyi.” Oweṟe nalo kakure.

MAWUTO HA WASU 9:40

Kyasia Petro kawafuna-ho wose kapfiria ndi katerewa aindukye mnying'a fulya kahamba, “Tabita kure!” Nao katambaṟuo meso hake kekiwona Petro kakuira kadamya.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.