YOHANE 13:18 - Bibilia Kui Mdedie fo Kimochi

¹⁸ “Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’

YOHANE 13:18 ပူးပေါင်းရင်းမြစ်များ

SHIIMBO SHA DAWIDI 41:9

Mbuya yako ya mrima iya mbemkusirie, sa lulelya nao kitela kimu, aichu anjiiria kishishindo kyake.

YEREMIA 41:2

Ishmaeli mana o Nethania kimu na walya ikumi, walekure wakahoya Gedalia mana o Ahikamu mchuku o Shafani wakambaha. Gedalia nyi awemsambuṟe nyi mangi ya Babeli nawe mwitoṟi o oruka.

MATAYO 10:36

Na wakituwa wa mndu kiwe nyiwo wana wa kanyi koke.

MATAYO 26:21

Wechilya shelya kahamba, “Nyi kya lohi ngambia, umu o kunu kiidi kyanu echinjidambika-ho.”

MATAYO 26:23

Nao kahaluo kahamba, “Nyi icho njechisotsya nao owoko ipfo kitelenyi nyio echinjidambika-ho.

MARIKO 14:17

Ili kyukanyi, Yesu kacha na wa kiloshyonyi kyake walya ikumi na wawi.

MARIKO 14:18

Wai kiliiyonyi Yesu kahamba, “Na kya lohi ngambia, umu onu-ho, ailya na inyi, echinjidambika.”

MARIKO 14:20

Yesu kawawia, “Nyi umu onu nyo ikumi na wawi sa luikapa nao mkate kunu kitelenyi.

LUKA 22:21

Kyaindi ambuyenyi owoko lo monjiṟiingia ailu lui kunu mesenyi hamu na inyi.

YOHANE 13:21

Kyasia Yesu kekihamba iki kawado nyi rihima mnu ipfo mrimenyi kahamba napata, “Nyi lohi kya lohi ngamuwia ke iya kiidi kyanu umu-ho nyi echinjitwaṟa.”

YOHANE 13:22

Nalyo walya wa kiloshyonyi wakaambuyana mndu na odoe wai kitambisa walamanye kya mndu adeda kyake.

YOHANE 13:26

Naho Yesu kahalwo. “Nyio ichu njechimchoweṟya itangamra na ilimnengya.” Kachoweṟa itangamra kalinengya Yuda mana o Simon Iskariote.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:19

Kima muwei wa kiwuyana, wuyana wu wuwechimukunda nyo mlai wandu wawo. Indi ili nyo wa mlai kiwuyana na inyi njilemusambuṟa njemletsa na wuyana-wu lyo lyatewa wuyana wu womsuo.

YOHANE 15:25

Kya indi kilehendaka kido kundu idedo lilya liinukye-ho lilya lii-ṟehye ipfo wuwawasonyi wowo lyehamba, ‘Walenjisuo isuo lilawode tewe.’”

YOHANE 17:12

Mandi njiwei nawo njilewa mowaringa wawe weindya rina lyo lyapfo ulenjienenga. Nyi njiwepfo njewalaya choowe, ma kwipfo umu owo aledekapfo shile nyi mana chu o odetso kundu kidedo kilya Kiele kiinukie.

YOHANE 18:32

Nakyo kikahenda kido kundu idedo lilya lya Yesu lihende iinukya lilya alehamba lyetongya opfu lulya echihenda ipfa.)

YOHANE 19:24

Wakawiana mndu na odoe, “Kyayo lulairandwo randwo lae, luwike nayo kuṟu kuhya yambuyo ho mndu echiduo.” Kikahenda kido kundu kochihoya Kiṟehio Kiele kilya kii-kiṟehye kehamba, “Nyi walehawana nguo tsako na maṟaonyi hako wakawika naho kuṟu kuhya.” Wasikari walya nyi wudo walewuta.

YOHANE 19:36

Na kyenenga kikawutika kido nyi kundu Kiṟehio Kiele kyechiinukya kehamba, “Kuwode fuo lyake lyechifunjo manya limu-pfo.”

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

YOHANE 6:70

Yesu kawahalwo, “A chio inyi njilemusambuṟa nyo ikumi na wawi? Na ipfo kiidi kyanu umuho kawuya iwa mkumbi?”

MAWUTO HA WASU 1:16

“A lanyewo wasoṟo na wanawawama, nyi kiwewaṟi kiṟehyo kiinutsyo, kilya Mumuyo Mwele adedye kacha kui dumbu lya Dawidi kya mbonyi tsa Yuda ulya alewa mosongoya walya walewada Yesu.

MAWUTO HA WASU 1:2

Itane mfiri fulya alewawasya wasu walya wake awasambuṟye kyando kyawo kui Mumuyo Mwele kadao huye.

2 WAKORINTO 4:5

Kyamba lulakeri ikuhamba so luwenyi, kya indi nyi luihamba Kristo Yesu mndumii, naso luwenyi lui masinga hemsingya nyo kimaduma kya Yesu.

WAEBRANIA 4:13

Ma kuipfo kindo kii kiwike kiwode kundo kulawono odatsinyi lokepfo; indi shii kitaṟe shii shialie na pata mesonyi hake shose. Nyio amonyi luimhamba.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.