YOHANE 13:10 - Bibilia Kui Mdedie fo Kimochi

¹⁰ Yesu kambia “Ichu amsamba awode echikisanjosepfo, shile madende ho tupu, Kya indi nyi a mheṟemtsu-ng'u ose. Nyo mui waheṟemtsu kya indi ma chi wosepfo.” (

YOHANE 13:10 ပူးပေါင်းရင်းမြစ်များ

KOHELETI 7:20

Kya lohi, kuwode mhendeli kunu wuyana sa ekewuta mecha kiheri kyose alawute wunyamaṟi malepfo.

SHIIMBO SHA SOLOMONI 4:7

Mkunde oko, nyi ui mcha kya lohi, ma kiidi kyapfo kuwode manya paṟi-pfo.

YEREMIA 50:20

Mafiri ho na maheri ho, wuwicho wochishiho orukenyi lo Israeli, indi lochiwonopfo pfo; wunyamaṟi wochishiho orukenyi lo Yuda, indi wochiwonopfo pfo, kipfa inyi njechihoṟia walya njilewatsuhaṟa. Nyi inyi Mndumii-Ruwa ngahamba.

WALEWI 16:26

“Na mndu ulya molekia mburu ya Azazeli ikuhendie nechisanja nguo tsake, na isamba mbihu foke na mṟinga, na numa naide na mfiṟihenyi.

WALEWI 16:28

Na icho moshikoṟa na modo nechisanja nguo tsake, nawesamba mbihu foke na mṟinga na numa naide na mfiṟihenyi.”

MATAYO 6:12

Uludeye sile tsṞafo luwode, chaso luwedeya wasile wadu.

YOHANE 13:18

“Chi ngadeda njido kyanu mosepfo. Inyi njiichi iwa njilewasambuṟa. Kya indi nyi kochihoya kyeinutsa ki-kiṟehye kehamba, ‘Ichu alie mkate foko nahaluka injiterengia.’

YOHANE 13:9

Adi Simon Petro kambia, “Ho Mndumii njisanja, ma chi madende hako tupupfo, indi na mawoko ha na mdo fu.”

YOHANE 15:3

Nyo mulemba watsane kui mweeke fo idedo lyo njilemuwia.

2 WAKORINTO 5:17

Nkyo kyaenenga kokoya mndu ai Kristo-hu nyi amba mbika njihya; sha kacha shamesia, ate shose shamhenda ilawuka.

2 WAKORINTO 5:21

Ichu alaweichi wunyamaṟi nyio alemtana wunyamaṟi kimaduma kyadu so, kundu so luwe wenyi-wuhoṟotsu wo Ruwa lui mbihu-hu foke.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

1WATESALONYIKYE 5:23

Nao Ruwa menyi ofoṟo amonyi namuilishe wuilishi wuchie wose. Na mumuyo fonu fuawukie na mrima na mbihu ilawade pari ikae mbedienyi yewedya iwuya lya Mndumii odu Yesu Kristo.

WAEBRANIA 9:10

Shiwekuwode na shelya na shenyo shiishenyi na maolyo ha mbaṟi ii na ii, sha sungusihu tsa shinyama tsiweindikye tseringa kiheri kya wusumhanzo itane kishike iwoneka.

YAKOBO 3:2

Kyamba so lose piu lokedeko kafoi. Kokoya kwipfo aladeko ili echideda ichu awei msoṟo msanze na kamu aidima yaapfinya na mbihu fose.