YOHANE 12:43 - Bibilia Kui Mdedie fo Kimochi

⁴³ Kyamba nyi wawekundi iṟumisho nyi wandu kota irumisho nyi Ruwa.

YOHANE 12:43 ပူးပေါင်းရင်းမြစ်များ

SHIIMBO SHA DAWIDI 22:29

Wandu wa orikiki wose wa wuyana wechilya na ihamba matumatu, Wepfira-ndi wose na iarama kilulinyi; Ee, ma ulya alaidima iletsa moo foke.

MFANANO 29:25

Iowuo wandu liendie mdeho; Indi mokusirya Mndumii nyi echikaa kipuo.

MATAYO 6:2

Na iyo koshika ilekia shindo shapfo shesaṟia, ma kulakape ombe lukusongoye chando makulembetsere halya hekewuta wai ifo sinagogenyi ipfo kikumbuhananyonyi kya njia tsa mṟinyi nawo nyi kundu waṟumisho nyi wandu! Nyi kya lohi ngambia, ‘Wo walemmaa iduo kya woṟunda wowo!’

LUKA 16:15

Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

LUKA 19:17

Nao kambia, ‘Hoona! Iyo msoṟo mcha, kipfa ui mṟeheṟi o shindo shitutu, wa-ng'u mwitoṟi o mṟi ikumi.’

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 5:41

“Kitewe kyako chi iwona kiṟumi ko wandupfo.

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

YOHANE 7:18

Ichu ekyekuhambia kyake tupu o apfula iwikyo kiṟumi o amonyi. Indi mndu atambahanya iwonya ichu alemduma kiṟumi o akeri mhendeli alawode mtaambo, o lohi.

YOHANE 8:54

Yesu kahalwo, “Kokoya ngakung'anyisha njimonyi mng'ano foko fuwechiwa kindopfo. Wande chu oko mochekehamba nyio Ndeanu nyio ainjing'anyisha.

WAROMA 2:29

Kya indi sa ai Myuda o lohi nyi ichu akukerye adi Myuda kya mba na odino nyi lukukerye ipfo kundo ngoo iinjitsane. Likawa kui Mumuyo likawewa kui mweke fo iwawaso. Na mndu ai adi kiichiko kyake ewikyo kiwukye ko wandupfo shila nyi ko Ruwa amonyi.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 10:18

Kyamba chi ichu akuhamba amonyi awa mtechipfo shila nyi ichu aihambo nyi Mndumii.

1WATESALONYIKYE 2:6

Manya lulelalakya kiṟumi kiwukye wandunyipfo, ma kya konu ma kya ko wengipfo.

1PETRO 3:4

Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

1SAMWELI 15:30

Sauli kahaluo kambia, “Njilewuta wunyamaṟi. Handu hamu na ikyo, kenjidediaho kicha oshangunyi lo wameku wa wandu wako na Waisraeli. Kenjiinengawo momu njiwuye handu hamu na iyo njihende iindia Mndumii-Ruwa, Ruwa opfo.”

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.