YOHANE 12:20 - Bibilia Kui Mdedie fo Kimochi

²⁰ Na ipfo kiidi kya wandu walya waledo na Yerusalemu wahendewikya Ruwa wuindi mkonu fulya mnene kukawekaa-pfo na Wagriki waangu.

YOHANE 12:20 ပူးပေါင်းရင်းမြစ်များ

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

MARIKO 7:26

Na mka ulya awekeri mndu Mgriki o ipfo mbaṟinyi ya Wafoenyike wa Kisiria. Katerewa Yesu ke nafune mṟufu ulya o ngafu nauke mana-cho oke o waka.

YOHANE 12:1

Nahong'u kuwetsuheṟe mfiri iṟandaṟu mkonu mnene fo Pasaka fukishike Yesu kashika kulya Betania kundo Lasaro awekyekaa ulya Yesu emṟutsa wapfunyi.

YOHANE 12:19

Nalyo Wafarisayo walya wakawiana mndu na odoye, “Muwonyi da? Loidima kindopfo! Ambuya wuyana wose wuimwosha.”

YOHANE 7:35

Nahong'u Wasongoru wa Wayuda walya wakadeda wo wenyi na wenyi, “Akawo mndu chu nyi hanga aihenda napfo naso lude lulamkoya-se? Kulako akunda ishika ko Wayuda walya wanyanyaṟikye ipfo masangenyi ha Wagriki nahendelosha-pfo Wagriki wo?

MAWUTO HA WASU 14:1

Na kulya Ikonio na wudo kukahendeka, wakahenda sinagogenyi lya Wayuda wakaongwo-pfo wado, naho mamwingi sa fung'anyi fo ko Wayuda na fo Wagriki wakaidikya.

MAWUTO HA WASU 16:1

Kyasia Paulo kashika Deribe na Lisitra. Na ipfo koipfo o kiloshyonyi umu ewio rina lyake Timoteo ai mana o mka Myuda mwidiki na ndee nyi wei Mgriki.

MAWUTO HA WASU 17:4

Maata-ho wakaidikya wakasanzya ora lo Paulo na Sila na Wagriki wahendeli sa wafoi na waka wa wanene chi weikenapfo.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

MAWUTO HA WASU 21:28

“Lanye wasoṟo wa Israeli, kenjonyi muche wikya ngaya! A ichu mndu aanga molosha orio mndu ose kundo kose kya isutsa mkambo fu na wuwawaso wu na kundo ku kwele. Na kinene ya isho nyio aitsye Wagriki na hekalunyi kafanyitsa ado kundo ku kwele.”

MAWUTO HA WASU 8:27

Nao kakure-pfo kakuhendya napfo Naho adi a ulya mndu Mhabeshi ai mnzenge mheki o mangi iya mka Kandake o kulya Habeshi ai na mnjama oke awemdambikye kisa kyake kyose nakikalye. Nao awecheye kulya Yerusalemu iterewa-pfo.

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 10:12

Nyiko wandu wose; kwiho mletsano foletsana Wayuda na Wagrikipfo. Kyamba ichu umu nyio Mndumii owo wose nyi aisuṟia iwo wechimterewa wose.

WAGALATIA 2:3

Kya indi na Tito mokyando oko ili ai Mgriki manya alewawaso nahende idinopfo.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAKOLOSE 3:11

Mpfondo kulawode ai Mgriki na Myuda, mdine na alamdine, o mtsudu na o nuka, isinga na isumba, indi shose nyi Kristo, o akuwode nasho shose.