YOHANE 12:16 - Bibilia Kui Mdedie fo Kimochi

¹⁶ Nakyo chando kikeri wa kiloshyonyi wake waweichi kuwokapfo. Nyi mandi halya Yesu amhenda iwiko mwitoṟi lyo mandi walekumbwo ke nyi wudo kii-kiṟehye kyake na iwuta wakawembutya wado da.

YOHANE 12:16 ပူးပေါင်းရင်းမြစ်များ

MARIKO 16:19

Na Mndumii Yesu amededa ado nawo, kairio huye ruwehu, kahenda idamya ora lo kulyo lo Ruwa.

MARIKO 9:32

Wakiloshionyi walamanye, ili awawia ado, wakaowuo imbesa.

LUKA 18:34

Na iki walakimanyie ma kitung'tu. Idedo-lyo likawaṟikikia, walalimanye kimaduma, walamanye kilya lyahamba.

LUKA 24:25

Nao kawawia, “Nyo mulaichi mbonyi mui mudo na ngoo njilemeri iidikia shilya waikimbi wa Ruwa wahambie.

LUKA 24:45

Nahong'u katambaṟuo wuṟango wulya wowo wakatamuo mṟeho iya mwele.

LUKA 9:45

Nawo walamanyie kidedo-kyo, kikawatambisa walatambahalukio, wakaowuo imbesa kya kidedo kyo.

YOHANE 12:23

Na Yesu kawahalwo kahamba, “Aikyo kiheri kyamshika Mana chu o mndu nahende iwiko mwitoṟi.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 16:4

Ili ngamuwia njido nyi kundu ilindi kiheri kyawo kyechishika muhende itamwo kyawo ke inyi njimonyi njilewoka imuwia njido.” “Njilemuwia mbonyitsi wokia mawokenyipfo kipfa njiweri nanyo.

YOHANE 17:5

Na wulalu, Hoi Wande, njing'anyisha-ng'u ipfo oshangunyi lopfo kochinjienenga wuitoṟi wulya njiwewode ipfo kopfo lilyandi wuyana wu wulawemeumbo.

YOHANE 2:22

Nahong'u lilyandi aleṟuka awuka ko wapfu waloshe wake wakawuya ikumbwo ke nkyo ikyo alemhamba, wakaweidikya Maṟehyo halya Maele na idedo lilya Yesu awehambye.

YOHANE 7:39

Nakyo nyi alededa kya macheyenyi ha fo Mumuyo Mwele, fulya wandu wamwidikye wekaa wafuambie. Kyamba mandi halya Mumuyo Mwele fulawemsoke kipfa Yesu alawemeng'anyisho.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

MAWUTO HA WASU 3:13

Nyi Ruwa chu o Abrahamu akeri na o Isaki na o Yakobo, Ruwa chu o waku wadu nyi alewika mana ulya oke Yesu wuitoṟinyi, ulya mulemdambika mukawemkana alya oshangunyi lo Pilato lyandi kedumbwo ke nalekyo.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 8:1

Indi kilya kikeri mdo-hu kiidye ishi lomaa ihamba shose kikeri kidi; ke luwode mkohanyi ai mnene adi akudamiṟye ora lo kulyo lo kidembo kya wuitoṟi wo Ipfo maruwehu.