YOHANE 11:47 - Bibilia Kui Mdedie fo Kimochi

⁴⁷ Ko ikyo wakohanyi wang'anyi wakasangana na Wafarisayo wakalaha chila iya ing'anyi ya wanjama wakahamba, “A luwike luda ili mndu chu awa mowuta ngata tsifoi tsido?

YOHANE 11:47 ပူးပေါင်းရင်းမြစ်များ

MATAYO 26:3

Nalyo wakohanyi walya wanene wakasanza handu hamu na wasongoru wa ipfo wandunyi wakasanzia alya osehu lo mkohanyi mnene ulya ewio nyi Kayafa.

MATAYO 5:22

Indi inyi nyi ngambia, orio mndu ose moṟikia manomae nyashi mrimenyi nyi mndu mohenda dao ko wachili wedumbuo kya wandu wanyamaṟie!

MARIKO 14:1

Kuwetsuheṟe mfiri iwi kushike mfiri fo Pasaka na fo Mkate Ilantarang'ashe. Wakohanyi wanene wasanganyi na walosha wa wuwawaso wakapfula, chando wechimbada na mtambo, wambahe.

LUKA 22:2

Na wakohanyi wang'anyi na walaanyi wa shitapu wakashiha mweke fombaaha; kipfa nyi waweowoye wandu.

YOHANE 11:57

Na wakohanyi walya wang'anyi na Wafarisayo wo wakawawasa na pata wehamba, “Kokoya mndu ammanya kundo Yesu akeri naende mbonyi kundu wakoye imbada.”

YOHANE 12:19

Nalyo Wafarisayo walya wakawiana mndu na odoye, “Muwonyi da? Loidima kindopfo! Ambuya wuyana wose wuimwosha.”

YOHANE 2:11

Yesu nalewoka iwuta ṟiho i ya kuwoka Kana ya Galilaya. Kaloṟa wuitoṟi woke, na walya wa kiloshyonyi kyake wakamwidikya.

YOHANE 6:2

Mamingi fung'anyi fo wandu wakamwosha kipfa ili wandu wo walewona ṟiho alewuta tsechiṟa wandu waluo.

YOHANE 7:32

Wafarisayo wakaicho wandu waideda kya Yesu shiwehewehe shidi naho wakohanyi walya wang'anyi na Wafarisayo wakasangana wakaduma wasoṟo wawo wahende imbada.

YOHANE 7:45

Nahong'u wasoṟo walya wadume wakawuya na kulya ko wakohanyi wanene na Wafarisayo. Nawo wakawawia, “A nyi ki kyaima mulamwende?”

MAWUTO HA WASU 5:21

Nawo wekiicho iki wakahenda kilawo kulya hekalunyi wakawoka ilosha. Mkohanyi ang'anyi kacha arianyi na walya wake wakalaha chila iya ing'anyi sanza-pfo na wameku wasambuṟe waana wa Israeli wose wakaduma wandu kulya kipfungyonyi wawaendepfo.

MAWUTO HA WASU 5:24

Mchili o hekalu na wakohanyi walya wanene waicho wadi isho wakahoyo nyi ipfiio nyi mdo kipfa kyawo wakahamba, “Iki nyi kirie iwa-se kida ngesa?”