YOHANE 11:25 - Bibilia Kui Mdedie fo Kimochi

²⁵ Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 11:25 ပူးပေါင်းရင်းမြစ်များ

SHIIMBO SHA DAWIDI 36:9

Kipfa kopfo iyo kuipfo soka ya moo; kiidi kya sa yapfo lochiwona sa.

YESAYA 26:19

Wapfu wapfo wechiwada moo, mnying'a yako yechiṟuka; kurenyi, imbenyi, nyo mui kilulinyi, kipfa ṟauṟa yapfo ii cha ṟauṟa ya maṟa, na teri yechiṟutsa wapfiie.

YESAYA 38:16

Hoi Mndumii, Kipfa kya mbonyi tso wandu wekekaa na moo; Na moo fo mrima foko fui kiidi kya isho; Koikyo unjikiṟe na injiwihiṟia moo.

LUKA 23:43

Nao kambia, “Nkya lohi ngakuwia, Na inu tichi ochiwona kui na inyi kulya Paradiso.”

YOHANE 1:4

Lyo liwerie moo, na moo fu fukawa sa ya wandu.

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 5:21

Kyamba chando Wande aṟutsa walya wapfu kawainenga moo, nao Mana na wudo-ng'u iwo akunda kawainenga moo.

YOHANE 5:26

Kyamba chando Wande awode moo fuwukye ipfo kiidi kyake kwenyi nyi wudo da aleinenga Mana ikaa na moo fuwukye ipfo kiidi kyake kwenyi.

YOHANE 6:35

Yesu kawawia, “Nyio inyi njikeri mkate fu fo moo. Mndu akuchea na koko akiwado-se nyi njaapfo, na mndu awa monjiidikya nakirohyo-se nyi nyoda ma indipfo.

YOHANE 6:44

Kwipfo mndu eidima icha na kokopfo, kulawode wande ichu alenjiduma amhomwo napfo, na inyi njechimṟutsa Mkonu fulya foimarisya.

MAWUTO HA WASU 3:15

Kyasia nyo mlewaaha mangi iya ya moo na Ruwa nyi alemṟutsa opfunyi, naso nyi waringishi wa mbonyi tso.

WAROMA 4:17

Kisumhanye kilya kii-kiṟehie, “Ngamekuwika mku o mkambo ifoi.” Kikawa kido ipfo sumuhana na Ruwa cha Abrahamu awemwidikie ichu ai moṟutsa wapfu na kui idedo lyake shindo shilaiho shikawewa.

WAROMA 8:2

Kyamba wuwawaso-wu wo Mumuyo moende moo fukeri Kristo-hu Yesu, nyiwo wulenjiletsa na wuwawaso wulya woende wunyamaṟi na opfu.

1 WAKORINTO 15:18

Akawo na walya-ng'u walemhenda ilaa wekusirye na Kristo nyi wawedeka.

1 WAKORINTO 15:29

Alewo wepatisa walya nyi wechikuwutya-ho ki wakupatisyo wai wepfa? Kokoya wepfa walashika iṟuka manyale nyi ki wakupatisyo kyawo?

2 WAKORINTO 4:14

Nyi luichi ke o ichu aṟutsye Mndumii Yesu echiluṟutsa naso lui kimu na Yesu na iluhoṟotsa-ho handu hamu nanyo.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

1WATESALONYIKYE 4:14

Kipfa kokoya lokusirya ke Yesu alempfa kaweṟuka, na wudo Ruwa echiduo walya wai wainutsye njia imu nao iisume nyi Yesu.

OTAMBAHALUO LO YOHANE 1:18

Njii menyi-moo. Na njiwei mpfu indi ambuya njii menyi-moo fochikaa mlungana. Na njopfunguo tsa mongo fo opfu na fo ipfo ko shi nyi inyi njitsiwode.

OTAMBAHALUO LO YOHANE 20:5

Wapfu walya wengi walawade moo itane maka iya kiku kimu ilemsia.) Nalyo nyilyo iṟuka lya kuwoka.

OTAMBAHALUO LO YOHANE 21:4

Nao echiangatsa mchenyeṟe yawo yose ipfo mesonyi hawo, na opfu lochikikaa-ho-sepfo, manya mbadiko manya kifuhyo manya mawawyo, kyamba shilya sha mbika ya kuwoka shilemsia.”

OTAMBAHALUO LO YOHANE 22:1

Nao malaika kanjiloṟa meda fo mṟinga mharami cha kilo la furie moo fuwei miili fuwode ngesa fuṟukye ipfo loṟikenyi lo Ruwa na Kidahina kilya.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.