YOHANE 10:31 - Bibilia Kui Mdedie fo Kimochi

³¹ Nalyo Wayuda walya wakawuya yende maho wamkape naho.

YOHANE 10:31 ပူးပေါင်းရင်းမြစ်များ

IWUKA 17:4

Mose kafihiṟia Mndumii-Ruwa, kechihamba, “Njiwutie kiki wanduwa? Kutsuhee kitutu na wo wanjikapena maho.”

MATAYO 12:14

Kyasia Wafarisayo wakahenda nja wakamdedya kyama kundu wambahe.

MATAYO 21:35

Na wademi walya wakaduo masinga halya hake. Ichu umu wakamkapa, ichu ungi wakambaha, ichu ungi wakamkumbya maho.

MATAYO 23:35

Nanyo kundu mochicheo nyi samu yose ii nyiole kunu masangenyi ya wandu walawode kindo wanyamaṟye, iche huye yanu iwokia samu ya mndu ulya o wusumuhanyi Abeli ukoe samu iya ya Sakaria ai mana o Barakia ulya mulewaha o makiidi hawi ha hekalu lya Ruwa na kitaṟa kyedasia.

YOHANE 1:19

Na kiṟingishyo kilya kya Yohane kikeri kii-le lya mandi Wayuda walemdumya wandu wakohanyi na Walewi wawuka kulya Yerusalemu wahende imbesa wahambe, “A iyo nyi ukeri o wu?”

YOHANE 10:24

Nalyo Wayuda walya wakacha imtengetia wakahamba, “Mtano indi ochiluwika mkeumkeu? Kokoya ukeri Kristo iyo, keluwie-wo na pata ṟaa.”

YOHANE 10:32

Yesu kawahalwo, “Maṟunda hafoi sa mecha ngamaa imbonesya nyo hawuka ko Wande. Ipfo kiidi kyaho nyi liki lyemtewa munjikape na maho ngesa?”

YOHANE 11:8

Walya wa kiloshyonyi wakambia, “Hoi Maaria, kandi Wayuda walya werie ikukapa na maho, na iyo owuya napfo lingi?”

YOHANE 5:18

Nakyo kikaengeṟa iitika Wayuda wapfule mwaanya fombaha chi kipfa atahachye Sabato tupupfo kya indi nyi ili ahamba ke Ruwa nyi ndee amonyi kechikung'ang'anyisha adi na Ruwa.

YOHANE 8:59

Nahong'u Wayuda walya wakaira maho wamkumbye. Nao Yesu kasheṟuka kawuka ipfo hekalunyi.

MAWUTO HA WASU 7:52

Nyi ku kuwei mwikimbi waku wanu wakada walamterengya. Ee lae na iwaha wakawewaha walya weesongwo ihamba mbonyi tsa macheenyi ha ichu mhorotsu, ichu nyo mlewa wulalu watwaṟi wake na wawahi.

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.