YOHANE 10:28 - Bibilia Kui Mdedie fo Kimochi

²⁸ Na inyi ngahaenenga moo fo mlungana. Naho ma hechikaa hadeke-se ma mlunganapfo. Ma kwipfo mndu echiharakwo kunu owokonyi lokopfo.

YOHANE 10:28 ပူးပေါင်းရင်းမြစ်များ

YOBU 17:9

Indi mndu o lohi nechichumia njienyi tsake, na awode mecha neengeṟa iwada pfinya.

SHIIMBO SHA DAWIDI 31:5

Ngawika mumuyo foko mawokonyi hapfo; Nyi ulenjikiṟa hoi Mndumii, Ruwa oko o lohi.

SHIIMBO SHA DAWIDI 37:28

Kipfa Ruwa nyiakundi lohi, ma echilekia wecha wake pfo, mo wekeringo mlungama, Indi Oshari lo wanyamaṟi lochinyamaṟo.

MFANANO 24:16

Kipfa mndu o wusumhanyi nechiomboka kamfungade kakurese Indi walai na wusumhanyi wekeimo nyi mawicho.

MFANANO 4:18

Indi njia ya wenyi wusumhanyi ii cha sa iwaa, Ikaweengeṟa iwaa mfiri puti.

YESAYA 27:3

Inyi Mndumii njiliringa, Njechililetsia mṟinga orio kiheri, Kulache mndu molinyamaṟa, Kio na mfiri njechiliringa.

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 54:17

Orio kisha kechiteseheṟo huye yapfo kechiawukia-pfo, na orio olimi lochideda kyapfo nochiluanduya madeko. Iki nyi kyooṟa kya waṟundi wa Ruwa, na wusumhanyi wuwukie koko inyi, nyi wudo Mndumii ahamba.”

YESAYA 55:3

Dehenyi madu hanu, na injichea; Njiadanyienyi nanyo mochiwada moo; Inyi njechiwika mkundana fo mlungana, ee, osaṟiyo lo Dawidi luwanzi.

YEREMIA 23:4

Njechiwika walisi wechilisa necha ma hechiowuosepfo ma iwado nyi fowapfo, kuwode ma limu lechidekapfo. Mndumii ahamba.

YEREMIA 31:3

inyi Mndumii-Ruwa ngawachea njiwuka haleshe. Inyi njikundi kui ikunda lya lohi, ko ikyo ngaweengeṟa iwa mhendeli kopfo.

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

YEREMIA 32:40

Njechiwika nawo mkundana fo mlungana, njechida njilakuwutia mecha pfo, njechiwika ipfo mrimenyi fowo wuowu na wuindi kundu walanjide se.

MARIKO 13:22

Kipfa kochikure-pfo Wakristo wa wongo na waikimbi wa wongo na iwuta mawuto ha kiṟingishyo na ha kiṟiha, kundu watewe na walya Ruwa awasamburie, nokoe nyi kiwechiwa.

LUKA 23:46

Na Yesu kalesha ṟu na pfinya kahamba, “Hoi Wande, ngadambika mumuyo foko ipfo mawokonyi hapfo.” Amaa ihamba ado kalekia moo.

YOHANE 10:29

O Wande ahanjienengye nyi ang'anye wose. Ma kwipfo mndu aidima iharakwo ipfo mawokonyi ha Wandepfo.

YOHANE 11:25

Yesu kambia, “Inyi nyio wuṟuki na moo. Na mndu anjiidikye nekaa-ho na moo ma kapfa.

YOHANE 14:19

Kutsuhae kiheri sa kyangu wuhana wu wulenjiwona-se. Indi nyo ni mochinjiwona kipfa inyi njii na moo nanyo da mochikaa na moo.

YOHANE 17:2

Kyamba uleinengya Mana chu itoṟya wandu wose kundu nawasumbe wose ulemwenenga moo fo mlungana.

YOHANE 18:9

(Kikahenda kido kundu kilya alededa kihende iinukya kilya kehamba, “Walya ulenjienenga wawe wako nyiledetsa-ho ma umupfo.”)

YOHANE 3:36

Mndu aidikye Mana o nakuwode na moo fo mlungana. Na mndu ada alaidikya Mana cho o echiwona moo fo mlunganapfo kya indi tuuke ya Ruwa yechikaa irianyi nao.”

YOHANE 4:14

Indi mndu kanyo mṟinga fu njechimnenga inyi ewado nyoda ma indipfo shika mlungana. Kya indi mṟinga fu inyi njechimenega ipfo koke nyi fochiwa soka ya mṟinga fuwode moo, na fochimnenga moo fo mlungana.”

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

YOHANE 6:37

Iwo wose Wande amenjienenga wo wechikuchea na koko. Na mndu akuchea na koko njechimfunya njapfo.

YOHANE 6:47

Nyi lohi kya lohi ngamuwia, Ichu aidikie nyi awode moo fo mlungana.

YOHANE 6:68

Simon Petro kamhalwo, “Hoi Mndumii lukuhendye ko u ngesa? Nyio iyo uwode madedo haende moo fo mlungana.

MAWUTO HA WASU 7:59

Wakakumbya Stefano maho nao katerewa kahamba, “Hoi Mndumii Yesu, ambya mumuyo foko!”

WAROMA 5:17

Nkya lohi wunyamaṟi wo mndu ichu umu wuletewa opfu luchilie wose kimarete kya ichu umu-ho, nyi wuda kya ngoseṟa iwa weambya mfeṟa fo wutonga na fo kisumbo kya wuhoṟotsu wulya nyi wechiwa mangi tsekuachia na moo wakuwode na ichu umu nyio Yesu Kristo.

WAROMA 5:2

Nao nyio aluinengye mtengele fulya foluduo ipfo kundo kuwode wutonga-wu wo Ruwa lukuilikishye nawo na ikuṟumisha kui owedi lowedya wuitoṟi wo Ruwa.

WAROMA 5:21

Nyi kyawa kido kundu chando wunyamaṟi wuwei mangi yededa na pfinya ya opfu nyi wudo wutonga wuwe mangi ipfo mengenyi ya wuhoṟotsu wochiwika moo fo mlungana fo ipfo Mndumii-hu odu Yesu Kristo.

WAROMA 5:9

Kikawa kido naso lui-watane wahoṟotsu wulalu oshangunyi lo Ruwa kui pfinya ya samu iya yake, nyi wuda kya ngoseṟa lochikaa luhende iletso nyio tuuke iya ya Ruwa.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

WAROMA 8:1

Kyasia ili kii kido wulalu kwiho oseso lohoya walya wai Kristo-hu Yesu-pfo.

WAROMA 8:29

Kitewe nyi kipfa iwo alesonguo iwamanya kawesonguo na iwasambuṟa wawe wefanana na mfananye fo Mana-chu oke, kundu o nawe wawae o wana wa wee limu wafoi.

NGUMBUO YA MAWAWASO 33:3

Mndumii-Ruwa nawekundi wandu wake; na nekeringa waele wake wose. Ko ikyo wamalaika wake wekeosha njayo tsake, na iambia wuikimbi kuwuka koke.

WAFILIPI 1:6

Nakyo nyikyo kinengye ikusirya ke ichu aweasye imbika nyo mbika iya njicha nyi echiimarisa ishikemarisika mkonu fulya fo Kristo Yesu.

2WATESALONYIKYE 2:13

Indi kyalukoya so iana Ruwa kiheri kyose kimaduma kyanu, nyo wanawawama mui wakunde nyi Mndumii, kyamba Ruwa alemsambuṟa nyo wokia mawokyonyi mukiṟo mochiilisho nyi Mumuyo muwe wandu muidikyo kii-lohi kilya.

1TIMOTEO 1:16

Indi nakyo kilenenga ngasaṟyo njidi kundu Kristo Yesu nasonguo imanyishya koko wuhoo woke wose kya ipfungya mtaato walya wechimwidikya wawade moo fo mlungana.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 2:19

Nyi wammbuka kambenyi lyadu, kya indi walawepaṟikye kodu. Kyamba kima wawepaṟikye kodu wawechikaa naso. Indi kilehendeka kido kundu washike imanyika na pata ke chi wose wapaṟikye kimu nasopfo.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.

1YOHANE 5:11

Na kiṟingishyo kilya kikeri kii-le, ke Ruwa ameluenenga moo fulunganyi, nafo nyifo moo fukukerye ipfo ko Manoke.

YUDA 1:1

Inyi Yuda njii isinga lya Yesu Kristo na manomae o Yakobo ngaiṟikiṟa walahe walya wa Ruwa waiwakunde nyi Ruwa Wande wakaa wai-waringye Yesu Kristo.

YUDA 1:21

Ke-kuringenyi muwenyi mukae mochikunda Ruwa muwe mochiwedya osaṟio lo Mndumii odu Yesu Kristo loshitsya hando hawode moo fulechisia.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.

1SAMWELI 2:9

Moo ya waidiki wake nekyeiringa, kyaindi moo ya wawicho nekeiarisia kuleshe memenyi. Kyaindi mndu o wandu echiidima iwinga kui pfinya tsakepfo.