YOHANE 10:27 - Bibilia Kui Mdedie fo Kimochi

²⁷ Machondi ho hako nyi haicho ṟu lyako. Na inyi njihaichi naho hanjilatya.

YOHANE 10:27 ပူးပေါင်းရင်းမြစ်များ

1WAMANGI 18:21

Elia kasembelia wandu wose kahamba, “Mochihingahinga kiidi kya mahio hanu hawi mtane indi? Mndumii kokoya nyio Ruwa, mwoshenyi, kyaindi kokoya Baali nyio Ruwa, kyasia mwosheni o.” Wandu walya walamhaluo ma kidedo.

YESAYA 66:22

Chandu ruwehu njihya na oruka luhya, njechitsiwika, na chandu tsekaa oshangunyi loko, Mndumii ahamba, nyi wudo oshari lonu na rina lyanu lechiwa.

MATAYO 16:24

Nalyo Yesu kawia walya wa kiloshionyi kyake, “Ichu echikunda icha na inyi iya num-ko naa nakukane amonyi nakudike na msalaba foke nache oshana na inyi.

MATAYO 17:5

Kededa kudi a ili ipuchi liwode ngela likacha wawikya maṟishe, nalyo a lilya na ṟu lyawuka alya kiidi kya ipuchi likahamba, “Aichu Manoko a mkunde ichu njii mchihie nyio! Nyio mochimwadanya.”

MATAYO 25:12

Nao kahaluo kawawia, ‘Njimwichi nyopfo.’

MATAYO 7:23

Indi inyi nyi njechiwawia na pata njihambe, ‘Njilememmanye-nyofo, kenyiwukenyi mui wandu muwutie sha mkika!’”

MARIKO 10:21

Yesu kamambuya kamkunda kambia, “Utsuheṟe kindo kimu, kehenda nokumbe isho uwode noenengye wakiwa, naho ochiwada kisa kya shindo shifoi ipfo ruwehu. Komidima, uche oshana na inyi.”

MARIKO 8:34

Numa Kalaha kituṟu kya wandu handu hamu na wa kiloshyonyi kyake kawawia, “Kokoya mndu akunda oshana na inyi, kimbaṟi nakukane amonyi, nakudike na msalaba foke, naoshane na inyi.

LUKA 13:27

Nao nyiechimmbia nyo, ‘Njimwichi kundu muwukiepfo; kurenyi iya koko nyo moose muwuteie sha wukika!’

LUKA 9:23

Kawuya iwia wose, “Mndu akundi yawishana na inyi, nakukane amonyi, nakudikie msalaba foke nache injiosha-ng'u.

YOHANE 10:14

Mlisi mcha nyio inyi. Na inyi njiichi iho hai hako, naho hakawekunjimanya.

YOHANE 10:16

Njiwode na machondi hengi-se halakeri ha mfiṟihafu. Kyaho nangaki na njihaende naho. Naho na hecheicho ṟu lyako. Naho kochikaa-ho ipo limu tupu na mlisi na umu mfi.”

YOHANE 10:8

Walya walenjisongoya nyi wawekeri waiwi na wasoki wose kya indi machondi halawaadanye.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

YOHANE 21:22

Yesu kambia, “Kokoya ngakunda ichu nakae-pfo njitane ngawuya a ikyo kikuwode ki iyo? Iyo kenjiosha tupu.”

YOHANE 5:25

Nyi lohi kya lohi ngamuwia, Kukaa kuche kiheri na wulalu na kikeri-pfo da lyondo wapfu wechiicho ṟu lya Mana o Ruwa na iwo weliicho wechiwona moo.

YOHANE 8:12

Nahong'u Yesu kawuya kadeda nawo lingi kahamba, “Inyi nyi sa ya wuyana. Mndu anjilatya nakihenda-se memenyipfo. Nechikaa ai na sa yende moo.”

YOHANE 8:43

A kimaduma nyi ki ili mulamanya mdedye foko? Manya mulaidima yadanya idedo li lyako.

MAWUTO HA WASU 3:23

Nakyo nyi kyechiwa ke orio mndu alaadanya mwikimbi cho nyi echirumatso mkambonyi.

1 WAKORINTO 8:3

Chila nyi mndu akundi Ruwa; ichu nyi ammanye nyio.

WAGALATIA 4:9

Indi maheri ha wulalu ili muichi Ruwa, kya ngoseṟa muichio nyi Ruwa, moidima-se muda ikuwihiṟa muwenyi na ko shindo shilya shifafa shikiwa shindo muwekundi iwuya ishisingya?

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

WAEBRANIA 3:7

Kihendekye chando Mumuyo Mwele ahambie, “Ili moicho inu ṟu lyake.

OTAMBAHALUO LO YOHANE 14:4

Nyiwo iwo walawekuterefutsye na imelukameluka wawekaa wakeha. Nyiwo wekeoshana na Kidahina ki orio hando kihenda. Nyiwo wametalao ipfo wandunyi wakasonguo italayo-ho Ruwa na Kidahina ki.

OTAMBAHALUO LO YOHANE 3:20

Ambuya, ngahahoṟoka aa mongo njiikapakapa mongo. Mndu kaicho ṟu lyako kapengeluo mlango, nyi ipfo koke njechiida naapfo njechilya kimu nao, nao nechilya kimu na inyi.”