YOHANE 10:2 - Bibilia Kui Mdedie fo Kimochi

² Indi ichu aiida napfo aida oo mongonyi nyio ai mlisi o machondi.

YOHANE 10:2 ပူးပေါင်းရင်းမြစ်များ

SHIIMBO SHA DAWIDI 23:1

Mndumii-Ruwa nyio mlisi oko, Njechiwuṟa kindo pfo.

SHIIMBO SHA DAWIDI 80:1

Iyo okelisiṟa Israeli, adanyia, iyo oketeteṟa Yosefu cha ipo, iyo odamie huye ya makyerubi, waa sa.

KOHELETI 12:11

Madedo ha walaanyi hafananyi na heolongia; cha msumari yekapia na iwadia kindo, nyi wudo wakeri walya madedo hawo iwo wai wanene wa wandu madedo hawukie ko mlisi umu.

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

YESAYA 63:11

Nlyo mandi alekumbuo mafiri halya ha kuwoka, kiheri kya Mose na wandu wake kehamba, “Oku ulya alemdosa wuka ipalyipalyinyi hamu na walisi wa ipo lyake? Oku ichu alewika Mumuyo Mwele kiidi kyawo?

EZEKIELI 34:23

Ambuya njikeri iwawikia mlisi umu huye yawo, mangi ai cha mṟundi oko Dawidi. Ichu nyi echiwalisa, nawewa mlisi owo.

MIKA 5:5

Kwi shisha shawo wechiitoṟia oruka lo Ashuru, na ichilia oruka lo Nimrodi. Wechiluashuo mawokonyi ha Waashuru, ili wechishika mṟasenyi fo oruka lodu na iwoka iṟinjawia oruka lodu.

ZEKARIA 11:3

Walisi waichuo wukiwa na isumukia ling'anyi! Kipfa kiṟumi kyawo kyadeka; Ṟu lya malea ha miiso! Kipfa orikiki lo Yordani lomefurunjika.

ZEKARIA 11:5

lilya wenyi lyo wekeshinja, wakakuwona ke wawode mti pfo; na iwo wekumba wakahamba, Mndumii nainengo kiṟumi kipfa inyi njii msuṟi; na walisi wawenyi walawasaṟie.

ZEKARIA 11:8

Kyasia ngawaaha walisi waṟaṟu kiidi kya meri fumu, kipfa mrima foko fulelehela kipfa kyawo, nawo wawenjisuo.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

MATAYO 15:11

Kiteṟefutsie mndu wuwicho chi iki kehenda dumbunyipfo, nyi iki kyawuka dumbunyi nkyo kindo keterefutsa mndu wuwicho!”

YOHANE 10:14

Mlisi mcha nyio inyi. Na inyi njiichi iho hai hako, naho hakawekunjimanya.

YOHANE 10:7

Nahong'u Yesu kawawiase, “Nyi lohi kya lohi ngamuwia, inyi nyi mongo fohenda kundo machondi hai.

YOHANE 10:9

Ngiṟi iya nyio inyi. Mndu aida napfo aidia koko nyechikiṟo na yanga napfo na iwuka napfo nawekoya na ura.

MAWUTO HA WASU 20:28

Kekuṟisenying'u nyo muwenyi, mbelisa na ipoo lyose ilyo Mumuyo Mwele ambikye kiidi kyalyo wakaṟa kundu mochilisa wuarya siṟi ii ya Ruwa alekuwonya kui samu ya Mana oke amonyi.

1TIMOTEO 4:14

Ma ulaseheṟe kitonga kilya ki na iyo uleinengo kui wuikimbi wuele mandi olehekyo mawoko nyi wameku.

TITO 1:5

Kitewe kilennenga ngakuda kulya Krete nyi kundu umarise isungusia shilya shiwetsuhae shesungusia nohende iwika-pfo wameku orio mṟinyi yose njia iya njilekuwawasya.

WAEBRANIA 13:20

Indi Ruwa ai menyi-ofoṟo nyi aletambachuo mlisi o machondi ipfo ko wapfu ichu ang'anyi kuisamu yewika-ho owiko lo mlungana, Mndumii odu Yesu.

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.

1PETRO 5:4

Mukamba mudo nyi mochikudaya oṟo ilechinaa yehamba wuitoṟi matika na halya mlisi chu ang'anyi ewonekya.

OTAMBAHALUO LO YOHANE 1:20

Ke-ṟehya kyama kilya kiikoome kya nyenyeri tsilya mfungade uletsiwona tsikeri owokonyi loko lo kulyo na kya shimnaṟa shilya sha taa mfungade sha sahabu nyi le: Nyenyeri tsilya mfungade nyi wasu wa siṟi tsilya mfungade na shimnaṟa shilya mfungade nyitso siṟi tsilya mfungade tsiinjienyi.