YOHANE 1:45 - Bibilia Kui Mdedie fo Kimochi

⁴⁵ Filipo kawona Natanaeli kambia, “Hoo lomekuwonya ichu amhambe nyi Mose na waikimbi, nyio Yesu o Yosefu ulya o kulya Nasareti.”

YOHANE 1:45 ပူးပေါင်းရင်းမြစ်များ

MAWOOKIONYI 22:18

na kiidi kya oshari lopfo mkambo ya wandu yose wechicha iwikio ona; kipfa kya ili ohendelia ṟu lyako.’”

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

YESAYA 4:2

Mkonufo njana ya Mndumii yechichia, iwode wuitoṟi na ndunda tsa oruka tsechiwa njicha mnu, na ichihiṟa, kipfa kya Israel walya walekiṟo.

YESAYA 53:2

Kipfa nawei cha iṟa lilehetsi, Cha mri fui handu hahadutsu; Awode wumba lichapfo; Ma fana yemlanga awodepfo.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

ZEKARIA 6:12

Nombie Mndumii Menyi Matorito nahamba adi, Ambuya mndu chu alaho nyi Njana nyio echiwika hekalu lya Mndumii.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

MATAYO 10:3

Filipo na Bartolomayo, Toma na Matayo ichu awei msanyi o okamba, Yakobo ai mana o Alifayo na Lebayo,

MATAYO 13:55

Ichu chi mana o ichu mopacha shidi? Na Mae chi ewio nyi Maria na wanawamae chi Yakobo na Yosefu na Simon na Yuda?

MATAYO 2:23

Kacha ilaa kulya mṟinyi fo Nasareti, kundu kuhoye kilya ki-kidede kui dumbu lya mwikimbi, ke nyi echilaho nyi Mnasarayo.

MATAYO 21:11

Na wandu walya mamwingi wakahamba, “Ichu nyi mwikimbi nyi Yesu awukye kulya Nasareti ya kulya Galilaya.”

MARIKO 14:67

Kawona Petro, kechioda modo, kamwambuya kambia, “Na iyo na kuwekeri na mndu cho Yesu o kulya Nasareti.”

MARIKO 6:3

Ichu chi ulya motsana shidi, ai mana o Maria na manomae o Yakobo na o Yose na o Yuda na o Simon? Na washiki wake chi wakeri iya kodu?” Wakawa kiṟuma ṟuma kipfa kyake.

LUKA 18:37

Wakamwongoya ke nyi Yesu o Nasareti aiida.

LUKA 2:4

Na Yosefu nao kawewuka kulya Galilaya, mṟinyi fo Nasareti, kahenda ido na kulya Yudaya, mṟinyi fo Dawidi, fumlahe nyi Betlehemu, kipfa awekeri mndu o mbaṟinyiya Dawidi, mpfo kikunyi kyake.

LUKA 2:48

Kyasia ndee na mae wambona wakauma mkahai, na mae kambia, “Nki ili olutana kudi manoko? Keambuya nyi lomekushiha mnu na madima ndeo na inyi.”

LUKA 24:27

Nao kawoka alya ko Mose na waikimbi wose kawatambahaluya shilya shi-shidede sha mbonyi tsake kadung'atsa mṟeho yose.

LUKA 3:23

Nao Yesu amonyi lilyandi alewooka ilosha wandu nyiaweshikie kufui na mndu o maka makumi haṟaṟu, kyake nyi eeichio ke nyi ai mana o Yosefu nao ai o Eli;

LUKA 4:22

Kyasia wose wakachihiyo kyake, wakaṟihio shidedo shilya sheloda shilewuka dumbunyi lyake wakahamba, “Aka ichu chi mana o Yosefu?”

YOHANE 1:44

Na Filipo awei mndu o Betisaida, o mṟi fulya fo Andrea na Petro.

YOHANE 12:21

Wo wakachea Filipo o kulya Betisaida ya kulya Galilaya. Wakamterewa wakahamba, “Hoi Mndumii, lulangie iwona Yesu.”

YOHANE 14:8

Adi Filipo kambia, “Hoi Mndumii, keluloṟe-wo Wande chuo, naso lochifuda.”

YOHANE 18:5

Wakamhalwo, “Nyi Yesu ichu Mnasareti.” Kawawia, “Nyio inyi.” Nahong'u kukahoṟoka-pfo na Yuda ulya amṟingya arianyi nawo.

YOHANE 18:7

Yesu kawawesa lya kawi, “A mndu mwimpfula nyi wu?” Nawo wakahamba, “Nyi Yesu chu Mnasareti.”

YOHANE 19:19

Kyasia Pilato kaṟehya kiṟehyo kyeolongya kaikapya oo msalabehu huye. Na kindo kii-kirehye-ho nyi kikeri kiile “YESU MNASARETI MANGI YA WAYUDA.”

YOHANE 21:2

Nyi Simon Petro wawekeri handu hamu na Toma (ulya alaho o mbasa) na Natanaeli o kulya Kana ya Galilaya na wana walya wa Sebedayo na wengi-se wawi wa ipfo kiloshyonyi kyake.

YOHANE 6:42

Wakahamba, “Ashika-wo ichu chio Yesu ai mana o Yosefu? Nde na mae na luwaichi. Nyi kyawa kida ili ahamba ke nyi asoke ruwehu?”

YOHANE 6:5

Nahong'u Yesu kekiirya meso hake kekiwona mamingi fung'anyi fochikuchea na alyando ai nao kawia Filipo, “A kundo lochihuṟa mkate fo wandu wa wakulie nyi ku ngesa?” (

YOHANE 6:7

Filipo kamhalwo, “Kyakyo ma mkate fo shilingi (dinari) mahana hawi fochiwashika mndu nawone-ho ma kipeṟengupfo.”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 2:22

“Lanye womi Waisraeli kundenyi muanguye madedo-ho madu. Yesu chu o Nasareti nyi mndu aledumo konu nyi Ruwa kechimanyisho kui maṟihio na ngata na shichano shi, sha Ruwa aweshiwuta kui kuwoko koke kiidi kyanu chando muichi muwenyi.

MAWUTO HA WASU 22:8

Ngahaluo, ‘Iyo nyi iyo wu hoi Mndumii?’ Kanjiwia, ‘Inyi nyio Yesu o Nasareti ichu okemterengya iyo.’

MAWUTO HA WASU 26:9

“Nao inyi na njiwekudumbuye koko ke nyi kiwaṟi iwikya mwongoye fo rina lya Yesu o Nasareti tunja na mweke fo shindo shifoi.

MAWUTO HA WASU 3:6

Petro kahamba, “Njiwode ma fesa ma sahabupfo. Kya indi kilya njiwode nyikyo sa njechikuinenga, Kui rina lya Yesu Kristo Mnasareti hoṟoka nochumie!”