YOHANE 1:33 - Bibilia Kui Mdedie fo Kimochi

³³ Na inyi njiwemwichipfo, indi ichu alenjiduma njipatise wandu na mṟinga nyio alenjiwia, ‘Mndu-chu ochimbona Mumuyo fo Ruwa fochimsokia fuwuka ruwehu fukamkaya nyio echiwa mopatisa na Mumuyo Mwele.

YOHANE 1:33 ပူးပေါင်းရင်းမြစ်များ

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

LUKA 3:16

Naalyo Yohane kahaluo kawawia, “Inyi nyi njekempatisa na mṟinga; kyaindi nyi kukeri icha msa anjieṟie, nao kinsumuhanyie ma yoṟowuo ngowa tsa shadu shakepfo, o nyio echikaa nampatise na Mumuyo Mwele na modo.

YOHANE 1:31

Na inyi njimonyi njiwemwichipfo. Indi o kundu namanyike na pata ipfo ko wandu wa Israeli nkyo kindo njilechea njipatise na mṟinga.”

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

YOHANE 3:34

Icho Ruwa alemduma nyi mbia tsa Ruwa aihamba, kyamba Ruwa aimnengya Mumuyo kulaipfo iikenya.

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

YOHANE 7:39

Nakyo nyi alededa kya macheyenyi ha fo Mumuyo Mwele, fulya wandu wamwidikye wekaa wafuambie. Kyamba mandi halya Mumuyo Mwele fulawemsoke kipfa Yesu alawemeng'anyisho.

MAWUTO HA WASU 1:5

Cha kipfa Yohane nyi alewa mopatisa kwi mṟinga indi nyo mochipatiso kwi Mumuyo Mwele ma kulatiṟe-se kafoi kiwokia mafiri hapfo.”

MAWUTO HA WASU 2:4

Wakaichuṟo Mumuyo Mwele wose wakawoka ideda kui shishomo shingi chando Mumuyo ewainenga ideda.

1 WAKORINTO 12:13

Kyamba so lose lulempatisyo mbihu fumu kui Mumuyo umu, kiwe luui Wayuda ang'u kiwe lui Wagriki, kiwe lui masinga ang'u kiwe lui masumba. Nyi luiwarutsye Mumuyo chu umu so lose.