YOHANE 1:32 - Bibilia Kui Mdedie fo Kimochi

³² Na Yohane kawika kiṟingishyo kahamba, “Njilewona Mumuyo fo Ruwa echimsokya ai cha mbeta awuka ruwehu kacha ikaa nao.

YOHANE 1:32 ပူးပေါင်းရင်းမြစ်များ

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

MATAYO 3:16

Kyasia Yesu amedima ipatiso, kado alya mṟingenyi. Naho kudi kulya ruwehu kukaṟuhuka; kawona Mumuyo o Ruwa kesoka akeri cha mbeta, ikakaa huyake.

MARIKO 1:10

Nalyo liyenyi kechido alya mṟingenyi, kawona ruwehu kochiṟuhuka, nao Mumuyo kechimsokya cha mbeta.

LUKA 3:22

na Mumuyo Mwele kamsokia ai cha mbeta; na ṟu likawewuka kulya ruwehu likahamba, “Iyo nyi ui manoko mkunde unjichihiṟie.”

YOHANE 1:31

Na inyi njimonyi njiwemwichipfo. Indi o kundu namanyike na pata ipfo ko wandu wa Israeli nkyo kindo njilechea njipatise na mṟinga.”

YOHANE 1:7

O alecha kyewika-ho wuṟingishi kundu nawikye sa yo kiṟingishyo wandu washike iidikia wose.

YOHANE 5:32

Indi nyi kuipfo ungi monjiṟingisha. Na inyi njiichi ke kiṟingishyo anjiṟingishya nyi kya lohi.