YOHANE 1:18 - Bibilia Kui Mdedie fo Kimochi

¹⁸ Kuipfo mndu alemewona Ruwa ma indipfo. Ichu akeri Mana oke kimumu mfi ai cha Ruwa alunganyi na wande, nyio aleluongoya mbonyi tsa Ruwa.

YOHANE 1:18 ပူးပေါင်းရင်းမြစ်များ

MAWOOKIONYI 16:13

Hajiri kalaha rina lya Mndumii-Ruwa ulya alededa nao, “Iyo nyi ui Ruwa okewona;” kipfa nalehamba, “Na iya ngawewona Ruwa ichu anjiwonyi, kawededa na inyi.?”

MAWOOKIONYI 18:33

Nahong'u Mndumii-Ruwa kekimarisa ideda na Abrahamu, kakuhendia, nao Abrahamu kawekuwuya handu hake.

IWUKA 23:21

Kuringenyi oshangunyi loke, mwadanyie ṟu lyake; manya mulamdose nyashi; kyamba; echimuhoṟia madeko hanupfo; cha kipfa rina lyako lyii ipfo kiidi kyake.

IWUKA 24:10

wakawona Ruwa o Waisraeli; shi ya madende hake kuwei cha maho mailyi pang'a hekelaho Yakuti hafanyi samawi, cha maloalo halya kui wucha woke.

MFANANO 8:30

Nlyo mbei nao, cha mwaaria o iṟunda, Ngawa sia yake orio mkonu; Njechichihiyo mfiri yose oshangunyi loke;

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

SHILIO 2:12

Wakeri ieṟeṟia wamayawo: Kelya nyi ku kikeri, mṟinga nyiku fui? Kunu nyi wakeri iuma, cha wandu wafaṟe kiidi kya mtandara ya mṟinyi, wakapfiia wamayawo ipfo mawokonyi hawo.

MAITALA 12:8

Inyi njekededa nao napata kyamu kui kyamu chi kui semeṟipfo. O nekewona mbihu foko inyi Mndumii-Ruwa. Nkiling'u mlaleowuo ideda owicho mṟundichu oko Mose?”

MATAYO 11:27

Shindo shose njiledambikyo nyi Wande. Ma kuipfo aichi Manapfo chila na Wande, ma kuipfo aichi Wandepfo chila na Mana na ichu Mana echikunda imdambuya.

LUKA 10:22

Kaindukia walya wa kiloshionyi kyake kahamba, “Shindo shose nyi njiledambikio nyi Wande, ma kuwode msa aichi ke Mana nyiupfo, shile na Wande, ma ke Wande nyiu, shila na Mana, na ichu Mana akundi imdambuya.”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

YOHANE 12:41

Nyi wudo Yesaya alededa lya alewona wuitoṟi woke kawa modeda kyake.

YOHANE 13:23

Na kwipfo umu o wa kiloshyonyi kyake adamye-ho echikuihetsa kipetehu kya Yesu ai mkunde oke.

YOHANE 14:9

Adi Yesu kambia, Filipo kiheri ki kyose ngamekaa nanyo na iyo kulanjimanye? Ichu amenjiwona inyi ammaa iwona Wande. A kyawa kida ili ohamba, keluloṟe-wo Wande chu?

YOHANE 17:26

Inyi njilewamanyishia rina lyi lyapfo na njechikaa njechiwuta njido, kundu ikunda lyapfo uliwode koko fuwakaye ipfo mrimenyi yawo, na inyi njikae njimlunge nawo.’”

YOHANE 17:6

“Rina lyi lyapfo lyo njiletambaṟuya wandu wa ulewanjienenga na iwawuta kunu wuyana. Wawei wandu wapfo, na iyo kowanjienenga, nawo nyi wamewada idedo lyo lyapfo.

YOHANE 3:11

Kya lohi na lohi ngakuwia, Kilya lomemanya nakyo lochekehamba na kilya lomewona nakyo lochekeongwo kya iṟingishya lyadu. Na kiṟingishyo kyo kyadu nyo mulakiidikye.

YOHANE 6:46

Chi kikeri cha ili kwipfo mndu alemewona Wandepfo, shila nyi ichu awukie ko Ruwa, nyio alemewona Wande.

2 WAKORINTO 4:4

Nawo nyiwo Ruwa lya kiwulalu ki lilewaha mhie ya walaidiki wo, ngeela ya ndumi ya sia ya wuitoṟi wo Kristo ilahende iwalimika. Nao nyi awake Ruwa.

NGUMBUO YA MAWAWASO 4:12

Nahong'u Mndumii-Ruwa kadeda nanyo kuwuka makidi hawi ha modo fulya; muleicho madedo alehamba kyaindi mlembonapfo; mleicho ṟu lyake tupu.

WAKOLOSE 1:15

Kristo nyio mfano fo lohi fo Ruwa chu elekewono, ai Mowee o kuwoka mnene o shiumbe shose.

1TIMOTEO 1:17

Indi mangi ii ya maheri halunganyi ichu alasia alawono, o Ruwa amonyi nakae echiindyo na iichiko maheri hose na hose halunganyi. Amenyi.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.

YOSHUA 5:13

Kyasia mkonu fumu Yoshua ahoṟoki hafui na mṟi fulya fo Yeriko, kudi peṟeseng'u kawona aichu mndu oshangunyi loke arie oshu mawokonyi hake. Nalyo Yoshua kamhendia kambesa, “Ngesa iyo nyi ukeri umu odu ang'u nyi umu o wakituwa wadu?”

1YOHANE 4:12

Kuwode mndu alemewona Ruwa ma indipfo. Ilindi lukundanyi luwenyi na wenyi lyo lyaenenga Ruwa akaa naso, na ikunda Ruwa likaawukya ichia kodu.

1YOHANE 4:20

Kokoya kwipfo mohamba, “Njikundi Ruwa”, nao asuo manomae, nyi mndu mowongo. Kipfa mndu ada alakunda manomae awonyo, eidima ikunda Ruwa alambonyi-pfo.

1YOHANE 4:9

Hando kunda lya Ruwa lyammanyikya-ho na pata ipfo kidi kyadu, nyi ili Ruwa aleduma Mana-chu oke kimumu mfi kunu wuyana kundu luhende iwonyo moo nyio.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.