YOELI 3:6 - Bibilia Kui Mdedie fo Kimochi

⁶ Muleduo wandu wa Yuda na Yerusalemu kuleshe na oruka lowo na iwakumba ko Wagiriki.

YOELI 3:6 ပူးပေါင်းရင်းမြစ်များ

EZEKIELI 27:13

Wandu wa Yavani, Tubali na Mesheki walewekapa mbucha na iyo, wakakuinenga masinga na shindo sha aṟeṟa kundu waidime ihuṟa shindo sho shapfo.

YOELI 3:3

na ikuhawia wandu wako ko kuṟukuhya. Walekumba wanake kundu watae wameluki, na ikumba singididi kundu wahure mvinyo, na inango.

YOELI 3:8

Njechitewa wana wanu wa kisoṟo na wa kika wakumbo usingenyi ko Wayuda, nawo wechiwakumbia Washeba, wandu wa mkambo fo kuleshe mnu; nyi inyi Mndumii-Ruwa menyi matorito ngahamba.”

ZEKARIA 9:13

Yuda njechimhaluo nawe wuda na Efraimu nawe mfi foko. Iyo Sioni! Wandu wapfo njechiwahaluo wawe oshu lopufukia wandu wa Ugiriki; njewahaluo cha oshu lo mndu mkari o shida.

NGUMBUO YA MAWAWASO 28:32

Wana wanu wa kisoṟo na wa kika wechiinengio ko wandu wengi kunu mochituluya meso mfiri puti mochiwedia wawuye, kyaindi mochiidima iwuta kindokyo kyosepfo.

NGUMBUO YA MAWAWASO 28:68

Mndumii-Ruwa nechimuwihiṟa na Misri kui ngalawa ing'anyi kyaṟo aleteṟia ke echimuwihiṟase na Misripfo mpfo kundu mochiheṟia ikukumba ko wakituwa wanu muwe masinga, kyaindi kuwode mndu echimuhuṟapfo.’”