YOELI 3:5 - Bibilia Kui Mdedie fo Kimochi

⁵ Muleduo fesa na sahabu tsako, mukokudika na masaa hako ha wuhuru wung'anyi, mukaduo mahekalunyi hanu.

YOELI 3:5 ပူးပေါင်းရင်းမြစ်များ

2WAMANGI 12:18

Yoashi mangi o Yuda kaduo shiano shose shiweishiwikie ona nyi wasahuye wake wamangi wa Yuda: wai Yehoshafati, Yehoramu na Ahazia, kaengeṟa na iya yake, hamu na sahabu yose iwei kisenyi kya mba ya Mndumii-Ruwa na kanyi ko mangi, kadika ko Hazaeli, mangi o Aramu. Hazaeli kawuka Yerusalemu.

2WAMANGI 16:8

Ahazia kaduo fesa na sahabu iwei mbenyi ya Mndumii-Ruwa na kisa kiwei kiidi kya mba ya mangi na iiduo cha kindo kya nnga ko mangi o Ashuru.

2WAMANGI 24:13

Na wudo da chandu Mndumii-Ruwa awehambie, Nebukadneza naleduo masaa hose hawei mbenyi ii ya Mndumii-Ruwa na mbenyi ya Mangi. Nalemanyamanya shihia shose sha sahabu shilya shilesungusio na Solomoni mangi o Israeli. Shihia sho shiwei mbenyi ya Mndumii-Ruwa.

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YEREMIA 23:7

Ko ikyo ambuya mkonu ikeri icha, Mndumii ahamba walechihamba, “So Mndumii ai na moo,” alewuta wana wa Israeli orukenyi lo Misri.

YEREMIA 50:28

“Adanyia! Wadichi na walya walesheṟuka wawuka orukenyi lo Babeli wakeri icha ipfo Siyoni ionguo chandu Mndumii-Ruwa aletaa kiṟache kipfa kya hekalu lyake.

YEREMIA 51:11

Mndumii-Ruwa nasuwia mrima ya wamangi wa Mede, kipfa nakusaṟie irumatsa Babeli. Ee da, ikyo nyi kyo kiṟache kya Mndumii-Ruwa, nataa kiṟache kipfa kya hekalu lyake. Nuonyi mfi yanu! Irenyi ngawo.

EZEKIELI 37:12

Koikyo waongoye wuikimbi ochiwawia, Mndumii-Ruwa nahamba adi: Nyo wandu wako nyi njihenda itaṟawuo shifu shanu njiwewaṟutsa muwuke shipfunyi shanu. Njiwewawihiṟa na kanyi konu kulya orukenyi lo Israeli.

DANIELI 11:38

Indi handu hake nechiindia ruwa handu haikare; na ruwa wandee walawemwichi nechiwaindia, kui sahabu, na fesa, na okisa lo shindo sha wuhuru wung'anyi na shindo shichihiṟie.

OBADIA 1:17

Indi kiidi kya fumvu lya Sioni kochikaapfo sa wechikia, nalyo lyechiwa liele, na mba ya Yakobo wechiikolonyia wuikolonyi wowo.