YOELI 3:17 - Bibilia Kui Mdedie fo Kimochi

¹⁷ “Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

YOELI 3:17 ပူးပေါင်းရင်းမြစ်များ

YOBU 15:19

iwo Ruwa alewainenga oruka lowo wawenyi, ma kuwode mhenu aleida kiidi kyawo pfo.

SHIIMBO SHA DAWIDI 76:2

Kimchalo kyake da ki Salemu; na handu hake hekaa nyi ipfo Sioni.

SHIIMBO SHA DAWIDI 9:11

Imbienyi Mndumii ai kulya Sioni, Onguonyi mbonyi tsake masangenyi kose.

IWUKA 16:12

“Njileicho mnunuwo fo wana wa Waisraeli; dedang'u nawo, nowawie, ‘Kiheri kya kyukanyi mochilya nyama, na kiheri kya ngamenyi mochiihuda mkate; nanyo mochimanya ke Inyi njii Mndumii-Ruwa onu.’”

YESAYA 11:9

Wechinyamaṟa ma iwuta kindo kiwicho kiidi kya fumvu lyako liele pfo; kipfa wuyana wochiichuṟo nyi imanya Mndumii, chandu mṟinga fuichuṟa ipalyipalyi.

YESAYA 12:6

Koṟoṟoma, fahia, wenyi wa Sioni; Kipfa Mwele o Israeli nyi ang'anyi kiidi kyapfo.”

YESAYA 35:8

Handu ho kochiwada njia ing'anyi, nayo yechilaho, “Njia ya Waele;” Walai waele wechiidahopfo; kyaindi yechiwa kipfa kya wandu wo wakyaṟo, ma chandu wai matondo wechidekapfo.

YESAYA 4:3

Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

YESAYA 46:13

Inyi njiende wukiilohi woko hafui wochikaa haleshepfo, okiṟo loko lochikeleopfo; inyi njechiwika okiṟo loko ipfo ko Sioni kipfa kya Israeli wuitoṟi woko.

YESAYA 52:1

Kure, kure, kuṟike pfinya, Iyo Sioni! Ṟaa nguwo tsapfo njicha, Ee Yerusalemu, mṟi Mwele. Kyamba wulalu kuwode momu Fo mndu alamdine ma afanyi ngafu Echiida na ipfo mṟinyipfo.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YEREMIA 31:23

Mndumii-Ruwa menyi Matorito, Ruwa o Israeli, nahamba adi, “Kiheri-kyo njechimuinenga-se mboṟa nyo wandu wa Israeli, wo wechionguo-se kiidi kya oruka lo Yuda na kiidi kya mṟi yake wechihamba: “Mndumii-Ruwa nakuwikie ona iyo oruka lusumhanyi, nakuwikie ona iyo fumvu lyele!”

YEREMIA 31:40

Pichi lyose lileṟiko wapfu na ikumbo-pfo ifu, madema hose, mṟasa kimeda kya Kidroni, mṟasa ora lo kichumi kya frasi woambuya ora lo ngamenyi, lochiwa luele lo Mndumii-Ruwa. Kuwode kindo kechinyamaṟo pfo pfo ma iwunduyo se mlungana pfo.”

EZEKIELI 20:40

Ko ifumvu lyako liele, ifumvu lileshe lya Israeli, Mndumii-Ruwa nahamba adi, wandu wo wa Israeli na walya wose wai kulya orukenyi wechicha injiindia, na inyi njechiwaambia, wawenjiendie shidaso shawo na shiinengo shawo shiele wasambuṟie.

EZEKIELI 37:6

Njikerihenda iwainenga mri na nyama, njiwewashikia na njonyi na iwawikia mṟufu kiidi kyanu nanyo muhende iwada moo. Nyi lyondo mochiwutaho imanya ke Inyi nyi Mndumii-Ruwa.”

EZEKIELI 43:12

Ili nyi lyo iwawaso lya hekalu li kyamba orukalu luṟingichie hekaluli iya fumvuhu nyi litane liele. Ambuyang'u ili nyi lyo iwawaso lya hekalu.”

EZEKIELI 44:9

Kyaindi wulalu Inyi Mndumii-Ruwa nyi ngahamba njidi. Kuwode mndu oose o mkambo ya wandu, alai mdine ang'u ulya alanjiwadie wuindi awode momu foida na kunu mbenyi yako pfo manya iwo wai kiidi kya wana wa Israeli wawode momupfo.’”

EZEKIELI 48:35

Wuleshe wo njomombo tso nyi mita shiku kenda (9,000). Rina lya mṟi fo wokia wulalu nyi lyechiwa: “Mndumii-Ruwa nyi akeri iya.”

DANIELI 11:45

Nechihoṟotsa mahema hake ha wumangi kiidi kya ipalyipalyi na fumvu yele lya wucha; kyaindi nechishika mtsitsionyi foke, ma kulawode mo momtarama.”

DANIELI 9:16

Hoi Mndumii-Ruwa, ngakuterewa chandu kirianyi na wukiilohi wopfo, nyashi yapfo ukunde ihooṟa, na ida mṟi fu fo Yerusalemu fumvu lyapfo lyele; kipfa kya wunyamaṟi wodu na wuwicho wo wandeadu, mṟi fu fo Yerusalemu foisalucho nyi wandu wose waluṟingichie.

YOELI 2:27

Nyi lyondi mochimanya ke njikeri kiidi kyanu, nyo wandu wa Israeli; mochimanya ke inyi Mndumii-Ruwa, nyio Ruwa onu, manya kuwode Ruwa ungi-pfo. Wandu wako wechikaa waminose nyi mndu malepfo.”

YOELI 3:21

Njechikapa walya wose walepusuo samu ya wandu wa Yuda; ma njechitsuhaṟa mndu ose awode-mtipfo. Nyi, Inyi inyi Ruwa Menyi Matoṟito njekekaa Sioni.”

MIKA 4:7

Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

NAHUMU 1:15

Ambuya madende ha moende mbonyi njicha tsa sia hakeri icha shitoṟomosohu, na ihamba ofoṟo. Wada mkonu yapfo nnene, iyo Yuda, inutsya kyasa kyapfo, kipfa ulya mokulisa wukiwa echichase-pfo alememariso ikumbo haleshe.

ZEKARIA 8:3

Mndumii nahamba, njilewuya Sioni na wulalu njechikaa makidi hawi ha Yerusalemu; na Yerusalemu yechilaho mṟi fo lohi, fumvu lya Mndumii menyi Matorito, fumvu yele.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.