YOELI 2:28 - Bibilia Kui Mdedie fo Kimochi

²⁸ “Kyasia kuwode kiheri kiicha, mkonu njechipusuya mumuyo foko huya wandu wose. Kiheri kyo wana wanu wakika na wakisoṟo wechiwuta wuiikimbi, na wameku wanu wechiilodia ndodo, na wanake wanu wechiwona ndodo.

YOELI 2:28 ပူးပေါင်းရင်းမြစ်များ

MFANANO 1:23

Halukenyi kipfa kya wuwawaso woko; ambuya njechimuletsia mumuyo foko; Na imumanyishya madedo hako.

YESAYA 32:15

Mṟasa mumuyo fuche huye yadu fuwuka huye; mṟasa kundu ko nuka kuhoye olele kochiwa mdemi fuiṟaa mnu; na mdemifo fokeṟaa mnu fusendo nyi ngeṟa.

YESAYA 40:5

Na Wuitoṟi wo Mndumii wochiwono, Na wose wenyi mbihu wechiwona kimu; kipfa nyi dumbu lya Mndumii lyadeda ishi.”

YESAYA 44:3

Kipfa njechiletsia mṟinga foko mdohu ko ichu amwangari na shimeda handu hahadutsu; njechipusuya Mumuyo foko huye ya oshari lopfo, na ona loko ko iwo ochiwafee,

YESAYA 49:26

Iwo wekekuwonyia njechiwarutsa nyama tsawo wawenyi, nawo wechinango kui samu yawo wawenyi wainyo, cha mvinyo fo kipfuo; wandu wose wamanye ke inyi nyi mkiṟa opfo njii Mndumii menyi Matoṟito o Yakobo.”

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 54:13

Wana wapfo wose wechilosho nyi Mndumii; na ofoṟo lo wana wapfo lochifo.

YEREMIA 23:25

Njileicho isho waikimbi walehamba shisuku sha wongo kui rina lyako wehamba, ‘Ngalodia ndodo! Ngalodia ndodo!’

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

EZEKIELI 36:27

“Cha kipfa njikeri iwaomoya mumuyo foko kiidi kyanu, njiwemwinenga pfinya yeosha wuwawaso woko na mbutie yako.

EZEKIELI 37:14

Ambuya njikeri ihenda iwika mumuyo foko kiidi kyanu nanyo nyi mochihenda iwada moo, njiwemuwikase kulya orukenyi lonu muwenyi. Kipfa kya ikyo mochiwutaho imanya ke nyi Inyi Mndumii-Ruwa ngahamba, na nyi wudo njihenda iwuta. Nyi Inyi Mndumii-Ruwa ngahamba.”

EZEKIELI 39:29

Kyamba ili mandi njihenda ipusuya Wasraeli mumuyo foko, njechiwaowiasepfo. Nyi Inyi Mndumii-Ruwa ngahamba.”

DANIELI 7:1

Maka fo kuwoka fo Belshaza Mangi ya Babeli, Danieli kalodia alee kio kitaṟenyi kyake; kaṟehia ndodo iya, kawika shose handu hamu.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MAITALA 11:17

Njechisoka napfo njidede na iyo; njechiwuta kienga kya mumuyo njilekuinenga, njiwainenge wanduwo. Nawo wechikudika mhanda foringa wanduwo handu hamu na iyo, kulache ikudika mhandafo iyo kumonyi.

MAITALA 12:6

Kiidima Mndumii-Ruwa kawawia, “Adanyenyi madedo ha hako: kokoya kuwode mwikimbi kiidi kyanu, inyi Mndumii-Ruwa njekekuloṟa koke kui mawonesio ngadeda nao kiidi kya ndodo.

LUKA 1:67

Na Sakaria ulya ndee kaichuṟo Mumuyo Mwele kahamba kisuku kya Ruwa kahamba,

LUKA 3:6

Na orio wai na mbihu, na wehiwona okiio lo Ruwa.”

YOHANE 7:39

Nakyo nyi alededa kya macheyenyi ha fo Mumuyo Mwele, fulya wandu wamwidikye wekaa wafuambie. Kyamba mandi halya Mumuyo Mwele fulawemsoke kipfa Yesu alawemeng'anyisho.

MAWUTO HA WASU 2:33

Kyasia amemaa idoso itane kuwokonyi ko kulyo ko Ruwa na yambya kiwantasyo kilya kya Mumuyo Mwele ko Wande kadika iki mukiwonyi na ikiicho wulalu.

MAWUTO HA WASU 2:39

Kyamba kiwantasyo ki nyi kikyanu na wana wanu na wandu wose wa ombo na ombo wesa Ruwa Mndumii odu echiwalahya-ho.”

MAWUTO HA WASU 21:9

Mndu chu awewoṟde wana wake wawaka waana wechihamba shisuku.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

1SAMWELI 19:20

Nlyondi Sauli aleduma wandu wakembada. Kyaindi wekikoya mamwingi fo waikimbi wechihamba shisuku na Samweli kechilisongoya, mumuyo fo Ruwa fukasokia waṟundi walya wa Sauli, nawo wakawooka ihamba shisuku.

1SAMWELI 19:21

Kiheri Sauli alewio mbonyitso naledumase waṟundi wengi, nawo wakawewooka ihamba shisuku. Sauli kaduma waṟundi wengise kamba lya kaṟaṟu, nawo daa walewoka ihamba shisuku.

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.