YOELI 1:7 - Bibilia Kui Mdedie fo Kimochi

⁷ Tsamerumatsa madema hadu ha misabibu, na idapfuna mashidi hadu ha mkuyu hakawa shinana. Tsamepichuo makoko hayo na ihaombotsa wanda, na maṟamba hayo hakadeo maili.

YOELI 1:7 ပူးပေါင်းရင်းမြစ်များ

SHIIMBO SHA DAWIDI 105:33

Kakapa msabibu yawo na makuyu hawo, kafunja mashidi ha mṟasenyi yawo.

IWUKA 10:14

Na nzihe tso tsikarunduka huya oruka lose lo Misri, tsikalaa orukenyi lose lo Misri, tsiwenjiwawo iki kiwicho-wicho; kulalemekaepfo nzihe cha itso kiheri kyo kyose, manya numa ya itso kochiwoneka tsingi cha itsopfo.

IWUKA 10:15

Cha kipfa tsileshikia oruka lose, itane meema focha; tsikalya shilimu shose sha orukenyi, na ndunda tsose tsa mashidi tsiletsuhaṟo nyi mvuo iya ya manzaho; kuledeo manya iṟa limupfo, ikidi manya kilimu kya mdeminyipfo, kulya orukenyi lose lo Misri.

YESAYA 24:7

Kipfuo kya mvinyo kikapa kilio, msabibu fonaa, wandu wose wawewode mrima foikesa awalya waluo.

YESAYA 32:12

Wechikapa shipeta kipfa kya madema mecha, kipfa kya msabibu fuleṟaa mnu.

YESAYA 5:6

na inyi njechilinyamaṟa; kuwode modema ma isisapfo, lyechialutsa mbeche na msha; nyi njechiima mapuchi halalekie mvuo inose ho.

YEREMIA 8:13

“Njechiwarumatsa piu, Mndumii ahamba kuwode ndunda tsa msabibu mashidinyi ha msabibupfo, ma mkuyu kiidi kya mkuyu pfo, maṟa hechinaa, na shindo shilya njilewainenga shechiwadekia.

HOSEA 2:12

Njechirumatsa msabibu yake na mkuyu, ekehamba nyi wueri kuwuka ko wakunde wake. Njechiitana iwe ngeṟa, na mando ha ngeṟenyi hechiilya.

YOELI 1:12

Mashidi ha msabibu hauma, na mkuyu yanaa; mikongomanga, mitende na mitofaa yauma, ee da mashidi hose ha demenyi hauma. Sia kiidi kya wandu yadeka.

AMOSI 4:9

Na inyi ngawemukapa na wuumu wo kwaari; madema hanu ha msabibu na mkuyu njicha na mashidi ha msinepfu shose shikalio makuṟu na nzihe, mulakunde ihaluka munjiwuuye, Mndumii ahamba.

HABAKUKI 3:17

Kipfa mkuyu fochiwaṟa shiwaṟo-pfo, Manya ndunda tsa msabibu tsechiwono-pfo; Wukiwa wo msinepfu wowa wo wulya, Kochiwono-se kilimu demenyi-pfo, Kuwode kindo mfiṟihenyi-pfo, Kuwode mbe tsewono mfiṟihenyi-pfo,

MALAKI 3:11

Na inyi kipfa kyanu njechidedia molya, manya echinyamaṟa mbeu tsa demenyipfo; ma msabibu fonu fochiolotsa ndunda kiheri kilameshika-pfo, Mndumii menyi Matoṟito ahamba.