YOELI 1:2 - Bibilia Kui Mdedie fo Kimochi

² Adanyienyi nyo wameku; dehenyi madu hanu nyo wandu wa oruka lo Yuda! Ngesa kulemeutika kindo cha iki kiidi ya mfiri yanu, ang'u kiheri kya wameku wanu?

YOELI 1:2 ပူးပေါင်းရင်းမြစ်များ

YOBU 12:12

Wulaanyi wui ko wameeku, wuṟango nyi kowo wui kipfa kya moo fowo mleshe.

YOBU 15:10

Kiidi kyadu kuwode wameeku wawode wulaanyi; wawode maka ifoi kota ndeo.

YOBU 21:7

Kitewe wenyi wukika wai na moo mṟasa inu? Nkili pfinya tsawo tsaengeṟeka mṟasa wukunyi?

YOBU 8:8

Hoi kulaterewo keluloshe ko walya wawesonguo, uwewada mbonyi tsilya waku wadu waletsimanya.

SHIIMBO SHA DAWIDI 49:1

Adanyienyi ishi, nyo wa mkambo yose! Adanyienyi, nyo mkeri kunu wuyana;

YESAYA 34:1

Tikirienyi, nyo mkambo fo wandu, muidime iicho; adanyienyi, nyo njoshari tsa wandu; wuyana wuicho, na ikyo kiwuichuṟie, oruka na shose shekewuto nyi lo.

YESAYA 7:17

Mndumii nechiende huye yapfo, na huye ya wandu wapfo, na huye ya mba ya ndeo, mkonu ilalemeche, wokia mkonu fulya Efraimu alewuka kiidi kya Yuda; mangi o Ashuru.”

YEREMIA 30:7

Lohi, mkonu fo nyi fung'anyi, kuwode fungi cha ifo pfo; nyi mkonu fo kiwi ko wandu wa Yakobo; ma kudo wechikiṟo pfo.

YEREMIA 5:21

“Adanyienyi idedo li nyo masembo mulaichi kindo, muwode meso kyaindi mulawonyi kindo; muwode madu kyaindi mulaidime iicho.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

HOSEA 5:1

Keadanyienyi lanye wakohanyi! Keadanyienyi nyo Waisraeli! Keadanyienyi nyo oshari lo kimangi. Nyi kiwemuwaṟi muhoṟokie wusumhanyi, kyaindi nyi mulehaluka mdeho kulya Mispa. Mukawehaluka mdeho ipfo Tabori;

YOELI 1:14

Wutenyi iwawaso wandu wakuotoye; lahenyi kisanzio kya wuindi. Sanyienyi wanene na wandu wose wa oruka, wache hekalunyi lya Mndumii-Ruwa, Ruwa onu, na ipfo mufihiṟie Mndumii-Ruwa.

YOELI 2:2

Mkonu fo nyi fo mema na isumkia; nyi mkonu fo mapuchi na mtima. Mbahanyi ing'anyi ya nzihe ikeri kufui, ikeri cha isulia lya mema liliale mafumvunyi. Kindo cha iki kilemeutike male-pfo, ma kechikaa kiutike se marika hose haicha-pfo.

AMOSI 3:1

Adanyienyi idedo lyi Mndumii alehamba kyanu, nyo wana wa Israeli, kiidi kya oshari lonu loose njilemdosa wuka orukenyi lo Misiri, njehamba.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 5:1

Adanyienyi idedo lyi njikeri ilihamba liwe kifuhiyo na imsotsia fowa, nyo mba ya Israeli,

MIKA 1:2

Adanyienyi, nyo wandu wa njoshari tsose, adanyia, iyo oruka, na nyo mose muipfo; Mndumii-Ruwa naṟingishie kyanu, Mndumii-chu awukie hekalunyi lyake liele.

MIKA 3:1

Wulalu adanyienyi nyo wanene wa oshari lo Yakobo! Adanyienyi nyo wa oshari lo Israeli! Nyi kimuwaṟi nyo imanya mbonyi tsa wusumhanyi.

MIKA 3:9

Adanyienyi mbonyi i nyo wasongoru wa oshari lo Yakobo, adanyienyi nyo waitoṟi wa Israeli. Nyo musuo mbonyi tsa wulohi mukadetsa chile.

MATAYO 13:9

Ichu awode madu headanya naweadanya!”

MATAYO 24:21

Cha kipfa kukamshika mandi nalyo kuche shiwira sa shiingi sa shilalemewoneke kiwokia lilya mawokioonyi ha wuyana itane mandi ha ha wulalu. Ma ili numa shechiwonekase shidopfo.

OTAMBAHALUO LO YOHANE 2:7

Ichu awode madu naicho iki Mumuyo aiwia siṟi tsi. Sa wechiwinga njechiwaenenga wawe molya ndunda tsa ikidi lilya lyende moo likeri ipfo mhundenyi fo Ruwa.