YOELI 1:13 - Bibilia Kui Mdedie fo Kimochi

¹³ Yoeli awia wandu ṟaenyi makunyia na isumukia nyo makohanyi, fihiṟenyi nyo waṟundi wa kitaṟa kedasia. Hendenyi hekalunyi muṟee makunyia mufuhiye Ruwa kio kyose! Nyo waṟundi wa Ruwa oko. Kipfa shidaso sha shilimu ma sha mfinyo shiendose hekalunyi lya Ruwa pfo.

YOELI 1:13 ပူးပေါင်းရင်းမြစ်များ

2SAMWELI 12:16

Dawidi katerewa Ruwa mana ulya nawone nanga. Kahenda kiṟihenyi kyake kalaa wanda taṟaṟaa mṟasa kukakya alalye kelya, kechiterewa Ruwa.

1WAMANGI 21:27

Ahabu kekiicho madedo ho, karanduo nguo tsake, kaṟaa makunyia mbihunyi foke kakuotoya, kapfa makunyienyi kahenda sa kyomboho.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YESAYA 61:6

Kyaindi nyo nyi mochilaho nyi, “Wakohanyi wa Mndumii;” wandu wechimlaha nyi wahidi wa Ruwa odu; mochilya wusuṟi wo wandu wa mkambo, na ikuṟumisha kya wuitoṟi wowo.

YEREMIA 4:8

Kokoya mbonyi nyi wudo tsii, ṟaenyi nguo tsa masaṟa; fihiṟenyi na ikuinadia hamu na ikuotoya; kipfa nyashi njiwawo ya Mndumii ilakunda iololia na iluda.

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

EZEKIELI 21:12

Kapa kilio Iyo mndu, kyamba oshu lui huye ya wandu wako, luwekeri huye ya wanene wose wa Israeli. Wose iwa wahenda ipfo hamu na wandu wako, kapa kipeta kyapfo ko fowa.

EZEKIELI 27:31

Waleoda njui kipfa kyapfo, na iṟa nguo tsa makunyia Nyi wechifihiṟa kilio king'anyi, kiwukie mṟimenyi kipfa kyapfo.

EZEKIELI 7:18

Nawo nyi wechiṟaa maṟao ha makunyia, na iwodo nyi wuowu wung'anyi. Wechikapo sonu njoshangunyi tsawo, na mdo yawo yechiila njohaa pang'a.

HOSEA 9:5

Ambuya, nyi kiki mochiwuta mkonu fulya mnene fumteseheṟe? Ang'u mkonu fulya fo mfuho fo Mndumii-Ruwa?

YOELI 2:12

“Kyaindi Ma ulalu, Inyi Mndumii-Ruwa ngahamba, ‘Njihalukienyi na mrima yanu yose, ko ikuotoya na ifihiṟa na iwado nyi fowa.

YOELI 2:14

Nyiu iaichi? Kofia Ruwa nechiidima imusaṟia; na imuinenga mboṟa tsa mademehu, mumnenge shidaso sha mbeu na shenyo.

YOELI 2:17

Makuhanyi na waṟundi wa Ruwa, wahoṟoke kiidi kya wandu na rasionyi wechifihiṟa na iterewa: ‘Saṟia wandu wapfo, hoi Mndumii-Ruwa odu. Kulaleke wandu walaichi Ruwa wawachilie, kipfa nyi wandu wapfo. Makulalekie wandu walaichi Ruwa wawamine na iwataluo wechihamba, ‘Oku Ruwa owo? Nai mfafa na awode pfinya pfo.’”

MAITALA 28:14

Kiheo kya mwano fo kindo kenyo kikundikie nyi lita tsiwi tsa mvinyo ko orio ipung'a; lita imu na kienga ya mvinyo ko orio isuwa, na lita imu ko orio kisuwa kitutu. Ifu nyifo mwano fokoṟa modonyi fo orio meri ko maka fose.

MAITALA 28:4

Ichondi kimu liwuto ngamenyi na lya kawi liwuto kyukanyi;

MAITALA 28:7

Mwano fo mvinyo fochiwuto handu hamu na orio ichondi na lita imu ya mvinyo. Nochiletsia mwanofu fo kindo kenyo kenanza handu haele.

MAITALA 29:6

Mochilekia shindoshi na shilya shekekoṟo orio meri mhya na mwano fulya fokyo fo mso, na mwano fo orio mkonu fokoṟa modonyi handu hamu na mwano fokyo fo mso na mwano yakyo ya mvinyo chandu kiwaṟi fuwe mpfaamo mcha fuchihiṟie, nyi mwano fo Mndumii-Ruwa fumkoṟe na modo.”

1 WAKORINTO 4:1

Na wudo so orio mndu nalutane waṟundi wa Kristo na waheki wa kyama ki-koome kya Ruwa.

1 WAKORINTO 9:13

Mulaichi ke walya wepfuṟukanya sha hekalunyi nyi wekelya ohawi luwukye kosho, na walya wedasya-ho shidaso nyi wekehawyo sha rasionyi?

2 WAKORINTO 11:23

Wo nyi wapfuṟukanyi wa Kristo? Hondo ngadeda njisuko, ke na inyi kawi; njiwewodo nyi shiwira sheida shingi, njiwepfungo mapfungo herohya kota njiwekapa makapo nguka njiwerie ihenda ipfa njopfu tsifoi.

2 WAKORINTO 3:6

Nao nyio alutanyie watechi wepfuruṟukanya mkundano fu mhya fulai fo mṟeho indi nyi fo Mumuyo; kyamba mṟeho foende opfu, indi Mumuyo awikye moo.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

OTAMBAHALUO LO YOHANE 11:3

Na inyi njechiwika-ho wangochi wako wawi, nawo wawe wechihamba mbiia tsa wuikimbi wo Ruwa mkonu kiku kimu na mahana hawi na makumi haṟandaṟu waṟee makunyia.