YOBU 6:10 - Bibilia Kui Mdedie fo Kimochi

¹⁰ Njiwechiwihiṟiyo moo na ikesa kiidi kya mawawio hako halawode isaṟia.

YOBU 6:10 ပူးပေါင်းရင်းမြစ်များ

YOBU 11:4

Iyo nohamba: Iki ngadeda nyi lohi, Ee-da, mbode mwanduye-ko Ruwa-pfo.

YOBU 15:11

Ale, Ruwa kakuwihiṟia moo nyi kitutu mnu? Ang'u idedo lyake lya wuhoo chi kindo?

YOBU 21:33

Wandu wafoi wechimuosha numa na wengi - se wakamsongoya. Kaṟiko, teri ikawihiṟio kyombo ho - kyomboho.

YOBU 22:22

Ngakuterewa uambie kiloshio kya dumbu lyake, na madedo hake uhawike mrimenyi fopfo.

YOBU 23:11

Odende loko luwadanyi na ndifo tsake, njiwode njia tsake tapu ma njilarendeuke.

YOBU 23:12

Njilewuya numa ngada wuwawaso wo dumbu lyake pfo, njileringa madedo ha dumbu lyake kota kando kako.

YOBU 3:22

Mndu cha icho nechichihiyo na ikesa, nechichihiyo ilyi echipfa na iṟiko.

YOBU 9:4

O nawode wuṟango wumg'anyi na pfinya, nyiu alemelyimbana nao kawinga?

SHIIMBO SHA DAWIDI 119:13

Kui momu yako njileonguo, Mdumbuye yose ya dumbu lyapfo.

SHIIMBO SHA DAWIDI 119:50

Ikyo nkyo kiwihiṟia moo kyako kiidi kya wukiwa woko, Ke kyasa kyapfo kilenjiamtsa.

SHIIMBO SHA DAWIDI 37:30

Dumbu lya mndu o lohi lyededa osaaṟe, na olimi loke lokedumbuo mondu.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

HOSEA 11:9

Ambuya njikeri itirisiya, ambuya njihenda irumatsa se Efraimu pfo, kyamba inyi nyi Ruwa manya chi mndu o wandu pfo, njikeri mwele kiidi kyanu, koikyo njechicha inyamaṟapfo.

WALEWI 19:2

“Wia mkambo fose fo Waisraeli kudi: Nkimuwaṟi muwe waele kipfa Inyi Ruwa Menyipfinya, Ruwa onu njii mwele.

HABAKUKI 1:12

“Hoi Mndumii, Ruwa oko mwele iyo chi o mlungana? Ulekepfa. Iyo nyi Ruwa oko na mringi oko; Ee, nyi iyo ulesambuṟa Wakaldayo kowainenga pfinya kundu walukape;

HABAKUKI 3:3

Ruwa kacha awuka Temani, Icho ai mwele awuka fumvunyi lya Parani. Wuitoṟi woke wukashikia ruwehu, na oruka lukaichuo kiṟumi kyake.

MAWUTO HA WASU 20:20

Nyi mwichi ke njilemṟika nyo idedo ma limu lii kiiṟa kyanupfo. Kya indi njiweimwongoya na imulosha ma njiwei patehu ma njiwewa ipfo mba.

MAWUTO HA WASU 20:27

Kyamba njilekushowa nde ndamwongoya kya chila ya Ruwa yosepfo.

WAROMA 8:32

Ruwa Amda alanunya ma Mana-chu oke kimumu mfi katana amdambika kipfa kyadu so lose, nyi wuda echida alaluinenga shicha shose, nalusumbe nasho ngesa?

NGUMBUO YA MAWAWASO 29:20

Mndumii-Ruwa echihoṟia mnduchopfo, nyashi ya Mndumii-Ruwa na wunyenyi woke shechiakia mnducho, njoseso tsose tsinjiṟehie kunu kitapu tsechimchea, nao Mndumii-Ruwa nechiangatsa nakamu rina lya mnducho kunu wuyana

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.

OTAMBAHALUO LO YOHANE 4:8

Na maṟimu halya haana orio lyimu liwode makungo haṟandaṟu. Naho hawewode meso mbihu rambatanyi na ora lo kya nja na mba. Naho haideda mfiri na kio halaitsa-ho meke foonyonya hechihamba, “Mwele, mwele, mwele nyio Mndumii-Ruwa menyi pfinya tsose. Nyio aweipfo, ai-pfo mokaa echikaa-pfo ai echicha.”

1SAMWELI 2:2

Kuwode msa ai mwele cha Mndumii-Ruwapfo; kuwode oose ai chaopfo; kuwode ai Iṟaṟa cha Ruwa odupfo.