YOBU 42:8 - Bibilia Kui Mdedie fo Kimochi

⁸ Ko ikyo duonyi mapung'a mfungade na masuwa mfungade, muhende ko mṟundi oko Yobu, muwute mwano fomanya modonyi kipfa kyanu. Na mṟundi oko Yobu nechimuterewia, na inyi njechiadanyia kiterewo kyake, na inyi njechida njilamuwutie kihiyanyi na wutondo wonu, kipfa mulededa kya lohi kinjiwaṟi chandu mṟundi oko Yobu alewuta-pfo.”

YOBU 42:8 ပူးပေါင်းရင်းမြစ်များ

MAWOOKIONYI 20:17

Abrahamu katerewa Ruwa; nao Ruwa kakiṟa Abimeleki, na mka oke na masinga hake ha kika, nawo wakafee wana.

MAWOOKIONYI 20:7

Ko ikyo nowihiṟe mkachu o mndu wulalu kipfa o nyi mwikimbi nao nechikuterewia nokie. Indi koda kulambihiṟa manya kya lohi ke nochipfa iyo na wandu wose ui nawo.

1MBONYI TSA MAHERI 15:26

Wakainenga Ruwa shidaso sha mapung'a ha mbe mfungade na masuwa mfungade kipfa ili Ruwa alewaringa kiheri wawekudikie isanduku lilya lya mkundana lya Mndumii-Ruwa.

2MBONYI TSA MAHERI 29:21

Wakaduofo mapung'a mfungade, masuwa mfungade, shioṟo mfungade, shiwe nyi shidaso sheleheṟa wunyamaṟi wo wandu wa kanyi ko mangi, na handu haele, na wunyamaṟi wo wandu wose wa Yuda. Nyilyondi, mangi alewia wakohanyi wa luwa lya Aroni washidase na ishimaya modonyi rasionyi lya Mndumii-Ruwa.

YOBU 1:5

Mfuho fukamesia, Yobu kalaha wana wo kundu-nawaheṟemtse kwi kidaso na mwaano kipfa nalehamba, “Kofia wanawo waleuṟnda wunyamaṟi na ikuiṟingisha mrimenyi yawo wakadekio Ruwa.”

YOBU 1:8

Mndumii-Ruwa kawia Satana, “Kofia na uichi mṟundi oko elaho nyi Yobu. Ipfo wuyanenyi kose kuwode mndu chaopfo. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho.”

YOBU 22:30

Nekekiṟa ulya alawode mti; Ee Da! Nochikiṟo kipfa kya mawuto hapfo mecha.”

YOBU 35:8

Wuwicho wopfo wochiwa wuwicho ko mndu o wandu cha iyo, wucha wopfo wochitarama mndu cha iyo.

YOBU 42:9

Kyasia, Elifasi Mtemani, Bildadi-Mshua na Sofari Mnaamathi, wakawuta chandu Mndumii-Ruwa alewawia. Mndumii-Ruwa kaambia kiterewo kya Yobu.

SHIIMBO SHA DAWIDI 103:10

Aleluwutia chandu kihianyi na manyamaṟo hadupfo; manya alelutaa chandu mawicho hadu hakeripfo.

IWUKA 18:12

Yetro ndee o mka o Mose kawikia Mndumii-Ruwa kidaso kemaya madonyi. Aroni kacha, na wameku wose wa Waisraeli, walye kelya handu hamu na ndee o mka o Mose oshangunyi lo Ruwa.

YESAYA 60:14

Wana wa wandu walya walekulisa wukiwa, Wechicha na kopfo wakuolokie; Walya wose walekupiṟa Wechioloka washike madendenyi hapfo; nawo wechikulaha, “Mṟi fo Mndumii,” Sioni o Mwele o Israeli.

YEREMIA 14:11

Nao Mndumii kanjiwia, “Kulaterewie wandu-wa mboṟa.

YEREMIA 15:1

Kyasia Mndumii-Ruwa kanjiwia, “Makokoya Mose na Samweli wawechihoṟoka oshangunyi loko na injiterewa njisaṟie wandu wa, njiwewasaria-pfo. Wawute iya oshangunyi loko. Waleke wakuhendie kowo.

EZEKIELI 14:14

Manya kokoya wandu wa waṟaṟu Noe, Danieli na Yobu wawekoya wai kiidi kyawo, nyi wawechikiṟo wo wawenyi tupu kipfa kya wusumuhanyi wowo.” Nyi wudo Mndumii-Ruwa ahamba.

EZEKIELI 45:23

Orio mkonu, ko mfiri ya mfungade nyi echiwutia Mndumii-Ruwa kidaso kya mapung'a mfungade, na masuwa mfungade halawode kifaṟe wahende ikoṟa modonyi. Kii kidi nyi kimbaṟi nawute kidaso ki orio mfiri na kyo kihende iwa kidaso kewuta wunyamaṟi.

MAITALA 23:1

Balaamu kawia Balaki, “Kenjisungusia rasionyi mfungade iya numa nonjiendie mapung'a mfungade na masuwa mfungade.”

MAITALA 23:14

Kyasia, Balaki kaduo Balaamu demenyi lya Sofimu huye kitoṟomosonyi kya fumvu lya Pisga. Kawikaho rasio mfungade na iwutiaho kidaso orio rasio ipung'a limu na isuwa limu.

MAITALA 23:29

Balaamu kawia Balaki, “Njisungusia rasio mfungade iya, noṟeheṟe pung'a mfungade na masuwa mfungade.”

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

2TIMOTEO 4:14

Aleksandria mpfuru ulya alenjiwutia mawicho hafoi Mndumii echimtaa kisumhanye mawuto hake.

WAEBRANIA 10:4

Kyamba samu ya chau na ya oṟo ilai na pfinya yewuta-ho manyamaṟo.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

YAKOBO 5:14

Kokoya konu kwipfo aluo, o nalahe wameku wa siṟi, wahende imterewya-ho na imshia mafuda kui rina lya Mndumii.

YAKOBO 5:16

Kyasia tochianenyi njonyamaṟo muwenyi-na wenyi mochiterewiana kundu muhende ichia. Iterewa lya mndu asumhanyi lyaidima kindo king'anyi liwe li-iwike na mrima msanze.

1YOHANE 5:16

Ili mndu awona manomae echinyamaṟa wunyamaṟi wulaende-opfu namterewie ko Ruwa. Kuwode wunyamaṟi wuende opfu, kyawo ngahamba naterewepfo.

1YOHANE 5:6

Yesu Kristo nyio ichu alecha kui mṟinga fo wupatiso woke na kui samu ya opfu loke. Chi alecha kui mṟinga tupupfo, kya indi kui mṟinga na kui samu. Na Mumuyo alewa-moṟingishya, kyamba Mumuyo nyi akeri kii-lohi kilya.

OTAMBAHALUO LO YOHANE 3:9

Ambuya, njechiende wa siṟi ya Satana, nyi iwa wakuhamba wawenyi ke Wayuda nawo walai Wayuda indi wakutana wadi wongo. Ee daa, keweambuya-wo njechiwaende wache wapfire ndi wanda ipfo madendenyi hapfo wakuwutye-ho imanya ke nkya lohi njikukundi iyo.

1SAMWELI 25:35

Naho, Dawidi kaambia shindo shose Abigaili alemendie, kawia Abigaili, “Wuya na kanyi kopfo na ofoṟo. Ambuya, inyi ngaicho isho ohamba; na kiterewo kyapfo ngakiambia.”