YOBU 40:4 - Bibilia Kui Mdedie fo Kimochi

⁴ "Ambuya inyi chi kindo-pfo njikuhaluo-ki? Ngawika owoko loko aa-dumbunyi lyako.

YOBU 40:4 ပူးပေါင်းရင်းမြစ်များ

MAWOOKIONYI 18:27

Abrahamu kahaluo, kahamba, “Nahong'u ngakoya ideda na Mndumii-Ruwa na inyi njii kilulyi na mafu tupu.

MAWOOKIONYI 32:10

Inyi njiwaṟi manyalepfo isaṟialyo lyose na lohi yo yose kulewutia isinga lyapfo; kyamba njileambada medafo fo Yordani na ndichi yako tupu, na wulalu ngamewa makamba hawi.

2SAMWELI 24:10

Kyasia, Dawidi ameambilia mbonyi tsila tsa wandu waitalo, mrima foke fukasokio nyi fowa kadeda na Ruwa kambia, “Mndumii-Ruwa, ngakudekio mnu ko kindoki ngawuta. Ngaterewa nonjileheṟe kipfa kya utondo wu woko wung'anyi mnu.”

1WAMANGI 19:4

Nao kachumia ohendo lo mfiri puti kaafukia nuka ya msanga. Kyasia kashika handu kadamia wanda ya ikidi lya mretemu. Kalanga opfu kahamba, “Kyashika, njiidima se-pfo. Hoi Mndumii-Ruwa, kunjiwutie moo foko. Inyi njii mcha kota wandie wako-pfo.”

EZRA 9:15

Hoi Mndumii-Ruwa o Israeli, nyi iyo kumonyi ui mhoṟotsu indi koluashuo lukakaa na moo mṟasa inu. Kyeambuyawo, ke so nyi lui wadeko oshangunyi lopfo ma kuwode umu odu echiidima ihoṟoka oo oshangunyi lopfo pfo.”

EZRA 9:6

“Hoi Mndumii-Ruwa njiwodo nyi sonu tsing'anyi iiria mdo foko oshangunyi lopfo. Nyi kipfa njonyamaṟo tsadu tsikuumbie tsikaika huye ya mdo yadu, natso nyi tsidoye tsikaida ipfo ruwehu.

NEHEMIA 9:33

Ambuya chandu ulelukapa nyi kisumhanyi, cha kipfa iyo nyi ui mhendeli, kyaindi so luwei wewuta wunyamaṟi.

YOBU 16:21

Kima mndu awechiidima ideda na iwia Ruwa mbonyi Nadede kembutia owingo mndu o wandu oshangunyi lo wamṟasa oke.

YOBU 21:5

Njiambuyenyi muṟihiyo shikienyi madumbu hanu na mawoko.

YOBU 29:9

Wanene wakatsia waladede, wakawika mawoko hawo momuhu yawo.

YOBU 31:37

Njiwechimbia itala lya ndifo tsako, Njiwechihenda kufui cha mana o mangi

YOBU 37:19

Luloshe chandu lochiwia Ruwa, kipfa makusaṟo hadu hai senyi-pfo lui meemenyi.

YOBU 40:3

Naalyo Yobu kahaluo Ruwa na ihamba:

YOBU 42:6

Ko ikyo matumatu hamu na ikushia kiluli na ifu, ngakuwona inyi njimonyi chi kindo-pfo."

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

MFANANO 30:32

Kokoya nowuta wutondo kokuṟumisha; Ang'u kokoya nokusaṟa mawicho; Kyasia wika owoko lopfo huya dumbu lyapfo.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YESAYA 6:5

Nalyo ngahamba, ochia loko kipfa njidekie; kipfa njiwode dumbu liichuo wunyamaṟi, na njikeri kiidi kya wandu wafanyi wunyamaṟi madumbunyi hawo; na meso hako hamewona Mangi, Mndumii menyi Matorito.

YESAYA 64:6

Kipfa so lose lui cha mndu afanyi, na mawuto hadu hose hai cha nguo ifanyi ngafu; so lose luinaa cha maṟa na mawicho hadu hakaluwuta chandu otanu lokewiwita.

SHILIO 3:29

Kyamba nyi kiwaṟi ikuhutsa wanda lochikunyiiṟa, Kyamba nyi kuwode mkusirie.

EZEKIELI 16:63

Kyamba njihenda ikuhoṟia mawicho hapfo hose, na ili mandi ochihakumbuo uhende wado nyi sonu ulekaria iiria dumbu lyapfo udede kindo.” Nyi wudo Mndumii ahamba.

DANIELI 9:5

Lulenyamaṟa, lukawewada ngoo njiumu, lukatana mawicho, lukakuda iyo, ee da, lukaweda mawawaso hapfo na chile tsapfo.

DANIELI 9:7

Hoi Mndumii-Ruwa wokia mlungana wukiilohi wui na iyo, kyaindi kodu kuwode iṟeenze itane inu; wandu wa Yuda, na wenyi Yerusalemu na ko Waisraeli wose, wai kufui na kuleshe, kiidi kya njoruka tsose ulewafuna, kipfa kya madeko hawo walekudekio.

WALEWI 13:12

Na kokoya sakayo ikamchea njonyinyi yake, na saka ikamdung'ana njonyinyi yose, wokia mdohu tane madendenyi, chandu mkohanyi awona;

MIKA 7:16

Kundu wandu wa mkambo ili wechiwona, isho waichuo sonu ma kokoya wawode pfinya. Wawe mkahai wawuṟe kededa, wawe cha wapfu madu.

HABAKUKI 2:20

Indi Mndumii nai hekalunyi lyake yele; wuyana wose wutsie sau oshangunyi loke.”

ZEKARIA 2:13

Tsienyi sau, oshangunyi lo Ruwa nyo moose, kipfa nakure awuka mmbenyi yake njele.

LUKA 18:13

Kyaindi msanyi ulya o okamba kahoṟoka haleshe, nalakarie ma iiria meso huye ruwehu, indi kakukapa kipeeta kahamba, ‘Hoi Ruwa, kenjisaṟia-wo inyi mokudekio!’

LUKA 5:8

Simon Petro awona adi kacha ikuhutsa alya shi-ya madende ha Yesu kahamba, “Kekure nombuke Mndumii, kipfa inyi njikeri mndu makideko.”

1TIMOTEO 1:15

Dedo liṟamtsu lisumuhanyi iindyo nyi wose likeri lile, ke Kristo Yesu amcha wuyana kundu nakiṟe wanyamaṟi, na inyi njii msongoru owo.

WACHILI 18:19

Nawo wakambia, “Tsia sau, kulatambaṟuo dumbu lyapfo, oshana naso, uwe mkohanyi odu cha ndeadu. A iyo nowona kuda? Ngesa na kechiidimika kuwade mkohanyi o mndu umu ang'u mkohanyi o kishari kimu kya Waisraeli?”