YOBU 24:9 - Bibilia Kui Mdedie fo Kimochi

⁹ Kuwode wekewuto maweenyi ko pfinya ichu alawode ndee, na isoka mkiwa kilya awode kaaṟa.

YOBU 24:9 ပူးပေါင်းရင်းမြစ်များ

2WAMANGI 4:1

Kyasia mndu mka umu kiidi kya waka wa wana wa Waikimbi kacha ifihiṟia Elisha kahamba, “Mṟundi opfo mii oko nalepfa, na iyo noweichi ke mṟundi opfo naweindie Mndumii, mosile oke nacha naduo wana wako wawi masinga kipfa ndawode ketaa sile iya.”

NEHEMIA 5:5

Kekusaṟewo, mbihu yadu nyi ifananyi na mbihu ya wana wa wama wadu, na wana wadu nyi wawefananyi na wana wawo da, kyaindi lomemaa ihaluo wana wadu masinga. Wana wadu wa kika nyi masinga wulalu. Kuwode chandu lochiidima iwihiṟa kindo ki numa pfo, kyamba madema hadu na msabibu yadu ilemmaa idao nyi wandu wengi ko pfinya.”

YOBU 22:6

Iyo nolesoka manamoyo kilya kimbaṟi, kowuta nguwo tsa walya wai kitaṟe.

YOBU 24:10

Ma wakaṟahaṟaha kitaṟe kulawode maṟao, wo wakawado nyi njaa wekeduo mhanda ya kando;

YOBU 24:8

Wekechoowia ṟawuṟa ya mafumvuhu, wakawekoyana na ngaṟahamba tsa maho kulawode maowionyi.

YOBU 29:12

Kipfa njilekiṟa mkiwa awei ilyia na mngoeda alawode mndu ngamsaṟia.

YOBU 6:27

Nyo nyi mkokekaria ikapia wangoeda kuṟu kuhya; mukawekaria iwesia wambuya wanu wahuṟo!

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

NGUMBUO YA MAWAWASO 24:7

“Mndu oose kaiwa Mwisraeli odoe, kamhaluo isinga lyake, ang'u kamkumba wusingenyi, mnducho mowuta ado kimbaṟi nawoho. Nyi wudo mochitoromisha wuwicho kiidi kyanu.