YOBU 13:4 - Bibilia Kui Mdedie fo Kimochi

⁴ Kyaindi nyo muitambahana ihaluo wongo iwe lohi; nyo nyi wahanga wa wulya.

YOBU 13:4 ပူးပေါင်းရင်းမြစ်များ

NEHEMIA 6:8

Kyaindi inyi ngamdumia ndumi ngambia, “Kuwode mbonyi cha itsopfo kyamba mbonyitso nyi iyo kumonyi ukeri itsihamba itsiwuta mdonyifopfo kumonyi.

YOBU 16:2

Ngaicho madedo hafoi hafananyi na iho; nyo mose nyi wandu wewihiṟia moo welisa wukiwa.

YOBU 27:12

Ambuya, nyo mose momewona muwenyi, nki kitewe muiwuta shilawaṟi piu?

YOBU 6:15

Mbuya tsako wanjilemba cha kimeda, wakanjitaluo cha mfongo ing'anyi ilawode mṟinga.

YOBU 6:20

Wekesuo kipfa kya kikusirio kya wulya, wekeshikia shimeda-sho na iichuo nyashi.

YOBU 6:21

Nyo nyi mfananyi cha shimeda-sho, muwonyi wukiwa woko na iowuo.

SHIIMBO SHA DAWIDI 119:69

Wawode wutimbiri walenjiiria wongo, kui mrima foko fose njechiwada mapfundo hapfo.

IWUKA 20:16

Kulahambeho sha wongo kundu nowonyie odoo owingo,

YEREMIA 23:32

Ambuya inyi njii huye ya iwo wekehamba shisuku sha wongo. Mndumii ahamba, “Na idetsa wandu wako kui ndodo tsawo na ikushela lyawo lya wutondo, indi inyi njiwadumiepfo, ma njilewawasapfo, manya wechitarama wandu manya kitutupfo. Nyi inyi Mndumii ngahamba.”

YEREMIA 30:13

Kuwode motahambanyia mbonyi tsapfo-pfo, kifaṟe kyapfo kiwode mdi-pfo, iyo ochichia pfo.

YEREMIA 46:11

Hendenyi Gileadi, nyo wandu wa Misri, muonduo mdi fopfaama. Momenyo mdi ifoi kya wulya, mulawode ichia.

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 8:22

Alewo kuwode mdi fokushia kiidi kya Gileadi? Kuwode wandu wenyi wuṟango waichi mdi yechiṟa? Kiinengie wandu wako walawade oru? Nki ili mandi walehela wadi?”

EZEKIELI 34:4

Ambuya machondi halya mafafa mulehaambuyapfo, manya halya haweluo mulehaṟundiapfo, na halya hawei na shifaṟe mulehawikia mdipfo, halya haweṟahaṟaha mulehawihiṟapfo, manya halya hawedekie mulehapfulapfo. Kyaindi nyi mulewahoṟokia ko pfinya na wulang'a

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

MARIKO 2:17

Na Yesu kekiwaicho ado kawawia, “Iwo wawode oru chiwo wasaṟye mhangapfo, shila na iwo waluo. Wandu njicheye iwalaha chi iwo wasumuhanyipfo, shila na wandu wanyamaṟye.”

MARIKO 5:26

Mka-cho awemlya mnu wukiwa wung'anyi wo wahanga wafoi. Amaiye masaa awewode hose, alawone achia, kya indi kawona, kechiengeṟa iwichwowichwo.