YOBU 10:7 - Bibilia Kui Mdedie fo Kimochi

⁷ Iyo noichi njiwode tewe pfo, ma kuwode monjikiṟa owokonyi lopfo pfo.

YOBU 10:7 ပူးပေါင်းရင်းမြစ်များ

YOBU 10:15

Kokoya inyi, njii mbicho, ochia loko! Kokoya ndawode wuwicho, njechiidima ikuṟumisha-pfo, kipfa njiichuo ngafu, njechiambuya matuuro hako.

YOBU 11:4

Iyo nohamba: Iki ngadeda nyi lohi, Ee-da, mbode mwanduye-ko Ruwa-pfo.

YOBU 13:18

Mondu foko njikuṟeheṟie kyafo kichikichi, njiichi na pata njiwode kindo njiwutie pfo.

YOBU 23:10

Kyaindi naichi njia njikeri ihenda nayo; kamemaa injihesha, njechiwuka pfo cha sahapu.

YOBU 23:11

Odende loko luwadanyi na ndifo tsake, njiwode njia tsake tapu ma njilarendeuke.

YOBU 27:22

Kipfa Ruwa nechimkumba alemsaṟia; Nawechikunda idicha owoko loke.

YOBU 31:14

Kiheri Ruwa echinjiambuya nkiki njechiwuta? Kanjichea, njechimhaluo ki?

YOBU 31:35

A kima njiwewode mndu monjiadanyia! (Ambuya, mṟeho foko nyi ifu: Mndumii nanjihaluo) A kima mbewode mṟeho fo isho wakituwa wako walenjikumba nasho.

YOBU 31:6

(Njilekenyi na kihesha kimsumhanyi, kundu Ruwa nawone wuhoṟotsu woko).

YOBU 32:1

Kyasia wandu-wo waṟaṟu wakada ihalyuyana na Yobu, ko kipfa nawei o wusumhanyi mesonyi hake amonyi.

YOBU 33:9

Inyi nyi mwele, njilawode madeko; njiwode kindo kiwicho njiwutiepfo manya wuwicho wui kiidi kyako-pfo.

YOBU 40:8

Ngesa, na mwanduye foko nochefuilacha? Nochinjiwonyia owingo, kundu uwade wusumhanyi.

YOBU 42:7

Mndumii-Ruwa kekimaa ideda na Yobu, kawia Elifasi mtemani, “Nyashi yako yaaka huyapfo na mbuya tsapfo tsiwi kipfa mulededa wulohi na wusumhanyi woko inyi cha mṟundi oko Yobu chandu alewuta-pfo.

YOBU 9:12

Keambuya! Nekeduo kindo akundi, nyiu echiidima imiima? Ang'u nyiu echiidima imbesa: ‘Kiki uiwuta!’

YOBU 9:21

Njii mwisaluche pfo, njikung'anyishie-pfo. Ngasuo ohendo lo moo foko.

YOBU 9:22

Shose nyi kimu tupu, ko ikyo ngahamba, Ruwa nechikapa na imarisa wecha na wawicho.

SHIIMBO SHA DAWIDI 1:6

Kipfa Mudumii nyi aichi njia ya wasumhanyi, Indi kyama kya wamkika nyi kechideka.

SHIIMBO SHA DAWIDI 17:3

Nyi ulehesha ngoo yako; ulenjichea kio; Omenjitiichia kulawone kidedo Njikuteseheṟye dumbu lyako lilaashe.

SHIIMBO SHA DAWIDI 50:22

“Manyenyi isho, nyo mokehadima Ruwa, njilashike imuranduo, kulechiwoneka momuchiṟa.

SHIIMBO SHA DAWIDI 7:3

Mndumii-Ruwa oko, kokoya ndemewuta ishi, Kokoya njiwode wunyamaṟi mawokonyi hako.

YESAYA 43:13

Wokia mkonufu fo inu, nyi inyi; ma kuwode msa echiidima ikiṟa kiidi kya owoko lokopfo; inyi njechiṟunda, nyiu echiidima injiima?’”

DANIELI 3:15

Wulalu munjiwie kokoya mukusungusie wokia wulalu muteṟie ke mukaicho iranda na mtoṟiṟo na shinada na njonyi tsikapo mochiho wanda na kyaamu na iindia ruwa oko na sanamu yako ya sahabu ndeihoṟotsa. Kokoya mulateṟia ikyo na iwuta mudo, mukaengeṟa iumiṟa ngoo tsanu, nyi kya lohi mochikumbo kulya ṟungunyi lya modo foaka a nyi Ruwa uhya icho echimukiṟa na owoko loko na modo fo?”

HOSEA 2:10

Njechimuatuo nadeo kitaṟe osehu lo wakunde wake, ma kuwode mndu sa echiidima injitirimisha-pfo.

HOSEA 5:14

Kyamba inyi njechihenda iwa cha miiso ko Efraimu, na imana lya miiso ko wandu wa Yuda. Kyamba inyi njimonyi njihenda iwaranduo randuo na iwaduo, manya kuwode mndu echiidima iwakiṟa pfo.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

NGUMBUO YA MAWAWASO 32:39

Ambuyenyi, “Inyi nyio Ruwa njimonyi manya kuwode ungi shile na inyipfo. Inyi njekewaaha na iwika moo, njekewika shifaṟe ngawechiṟa, kuwode mndu echiidima iashuo icho oose ai mawokonyi hakopfo.

1WATESALONYIKYE 2:10

Nyo na Ruwa mui wangochi ke mkae iya luwemkaya nyo mui waidiki iwei ya wuhendeli na wuhoṟotsu na wusalari.

YOSHUA 22:22

“Ruwa onu, o maruwa, nyio Mndumii-Ruwa! Ruwa chu o maruwa nyio Mndumii-Ruwa! Oo nyi aichi kitewe lukawuta ludo, nyi wudo na Waisraeli wose wamanye. Kokoya iki nyi alekana na Mndumii-Ruwa ang'u iwuṟa wuidiki koke, kyasia, Mndumii-Ruwa alalukiṟe inu.