YOBU 10:1 - Bibilia Kui Mdedie fo Kimochi

¹ Ohendo loko lo moo lochisuiṟa! Njideda njechinunuwa kulawode monjiima. Kilya kitewa mrima foko fukawawa-njechikihamba.

YOBU 10:1 ပူးပေါင်းရင်းမြစ်များ

1WAMANGI 19:4

Nao kachumia ohendo lo mfiri puti kaafukia nuka ya msanga. Kyasia kashika handu kadamia wanda ya ikidi lya mretemu. Kalanga opfu kahamba, “Kyashika, njiidima se-pfo. Hoi Mndumii-Ruwa, kunjiwutie moo foko. Inyi njii mcha kota wandie wako-pfo.”

YOBU 14:13

“Kima ulenjiowisha ko waṟumu, njiwechikaapfo mṟasa nyashi yapfo ihuo; na kiheri kilya uteseheṟie kikamesia nuwechinjikumbuo.

YOBU 19:4

Ma kokoya njii mdeko, Deko lyako lyii koko njimonyi.

YOBU 5:20

Nechikukiṟa na opfu kiheri kya njaa, Kiidi kya ngapano njiwawo nechikukiṟa.

YOBU 6:26

Ngesa, mokusaṟa mochiidima injiwonyia mti fo madedo? Madedo ha mndu ahusie macha, inyi kimu na otanu tupu.

YOBU 7:11

“Njechiidima iima dumbu lyako ideda-pfo, njechideda kya matuuro ha mrima foko, njechifihiṟa kya mawawio ha mbihu foko.

YOBU 7:16

Njilehela ma njechikaa na moo mfiri yosepfo; Wanjilise wukiwa, kipfa mfiri yako yamaiida.

YOBU 9:21

Njii mwisaluche pfo, njikung'anyishie-pfo. Ngasuo ohendo lo moo foko.

YESAYA 38:15

Njihambe ki? Oo nadedie na inyi, nao amonyi nawutie isho; njechihenda kimbuho maka yako yose, Kipfa kya isukio nyi moo.

YESAYA 38:17

Ambuya; njiwekuinadye mnu kipfa kya ofoṟo loko; Kyaindi kipfa kya injikunda nolenjikiṟa na rina lyesaramaya; Kipfa nolekumba njonyamaṟo tsako tsose nduma yapfo.

YONA 4:3

Wulalu Hoi Mndumii, ngakuterewa, ukunjiwutie moo foko; kipfa nanga inyi ngapfa kota njekaa na moo.”

YONA 4:8

Nalyong'u kiheri kya mfiri mnengeṟi fomedo huye, Ruwa kadika otanu luwuka ora lo ngamenyi lurie ngumia ing'anyi, mnengeṟi fukalasa Yona oo mdohu itane auma, kalanga opfu kahamba, “Nanga ngakupfiia kota ikaa na moo.”

MAITALA 11:15

Kokoya nyi wudi ochinjiwutia, nanga onjiwaha oweṟe lumu! Kokoya unjiwodie osaṟio ipfo kyamunyi kyapfo, kulanjide njiiṟiwane na wukiwawu woko.”