YOBU 1:5 - Bibilia Kui Mdedie fo Kimochi

⁵ Mfuho fukamesia, Yobu kalaha wana wo kundu-nawaheṟemtse kwi kidaso na mwaano kipfa nalehamba, “Kofia wanawo waleuṟnda wunyamaṟi na ikuiṟingisha mrimenyi yawo wakadekio Ruwa.”

YOBU 1:5 ပူးပေါင်းရင်းမြစ်များ

MAWOOKIONYI 22:3

Abrahamu kakure ngamenyi otuko, kaṟeheṟa nzoi yake, kaduo wanake wawi handu hamu nao, na mana oke Isaki, kapaṟapaṟa na ngu kipfa kya kidasokyo kemaya modonyi, kakure, kahenda tane handu halya ewio nyi Ruwa.

MAWOOKIONYI 6:5

Mndumii kawona wunyamaṟi wo wandu nyi wung'anyi mnu wuyanenyi na orio kindo mndu aikusaṟa mrimenyi foke nyi kiwicho mkonu yose.

MAWOOKIONYI 8:20

Noe kasungusia Mndumii kitaṟa kedasia, kawuta orio indo lyiheṟemtsu na orio ilehe liheṟemtsu, kashiwika kidaso kemaya modonyi alya rasionyi.

1WAMANGI 18:31

Elia kaduo maho ikumi na hawi, kui itala lya wana wa Yakobo ulya alewonekio nyi Mndumii kawio rina lyapfo lyechiwa Israeli.

1WAMANGI 21:10

Muambuye wandu wawi wai masembo kundu wamdedie kyama na iṟingishia kya wongo ke nuleruma Ruwa na Mangi, kiidima mumduo nja, mumkape na maho kundu napfe.”

1WAMANGI 21:13

Na wandu wo wawi wai masembo, wakaida na mba wakadamia oshangunyi loke. Masembo halya hakaṟingishia Nabothi oshangunyi lo wandu, hakahamba, “Nabothi naleruma Ruwa na Mangi.” Naalyo wakamduo nja ya mṟi wakamkapa na maho itane apfa.

NEHEMIA 12:30

Kyasia wakohanyi na Walewi wakakushimbuo wo wawenyi na wandu na mongo iya na omombo lulya.

YOBU 1:11

Indi wulalu, kehoṟuo owoko lopfo nopaaye masaa hake uwone chandu echilekana na iyo na ikuruma na pata.”

YOBU 1:4

Orio kiheri wana wa Yobu wamewika mfuho ko orio umu kwi kamba; wakalaha washiki wawo icha ilya na inyo handu hamu.

YOBU 2:9

Mka oke kamwambuya kambesa, “Naawo okunda iwadana na wuhoṟotsu wopfo? Kulekanyie na Ruwa upfe nakamu kota olya kudi wukiwa.”

YOBU 27:10

Ngesa nechikuchihiṟa ko menyi matorito, na iambuya Ruwa kiheri kyose?

YOBU 41:25

Kuwode kifananyi nalyo wuyanenyipfo nyi kiumbe kilawode wuowu.

YOBU 42:8

Ko ikyo duonyi mapung'a mfungade na masuwa mfungade, muhende ko mṟundi oko Yobu, muwute mwano fomanya modonyi kipfa kyanu. Na mṟundi oko Yobu nechimuterewia, na inyi njechiadanyia kiterewo kyake, na inyi njechida njilamuwutie kihiyanyi na wutondo wonu, kipfa mulededa kya lohi kinjiwaṟi chandu mṟundi oko Yobu alewuta-pfo.”

YOBU 6:14

“Moleha isaṟia mbuya yako, naleha iindia Ruwa menyi pfinya.

YOBU 8:4

Kokoya wana wapfo waledekio Ruwa, nawataa kirianyi na wuwicho wowo.

SHIIMBO SHA DAWIDI 5:3

Mndumii, ngamenyi nyi ochiicho ṟu lyako, Ngamenyi njechiwika shiterewo shako oshangunyi lopfo na iwedia.

IWUKA 18:12

Yetro ndee o mka o Mose kawikia Mndumii-Ruwa kidaso kemaya madonyi. Aroni kacha, na wameku wose wa Waisraeli, walye kelya handu hamu na ndee o mka o Mose oshangunyi lo Ruwa.

IWUKA 19:10

Mndumii-Ruwa kawia Mose, “Kehenda ko wanduwa, nowaheṟemtse inu na ngama; wasanje na maṟao hawo,

IWUKA 24:5

kadika wanake wa wana wa Waisraeli, walya walewika kidaso kemaya modonyi, wakashinjia Mndumii-Ruwa shidaso sha ofoṟo sha mmbe.

KOHELETI 9:10

Kyose owoko lopfo lochiidima iṟunda, ṟunda na pfinya tsapfo tsose, kipfa kuwode iṟunda, ma chila, ma wuṟango, ma wulaanyi ipfo waṟumu kundu ukeri ihenda iyopfo.

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

EZEKIELI 14:14

Manya kokoya wandu wa waṟaṟu Noe, Danieli na Yobu wawekoya wai kiidi kyawo, nyi wawechikiṟo wo wawenyi tupu kipfa kya wusumuhanyi wowo.” Nyi wudo Mndumii-Ruwa ahamba.

LUKA 1:75

Luwehenda lochimhidia na wuele na wucha wusumhanyi ipfo oshangunyi loke mandi-ha lui na moo mafiri hose.

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

YOHANE 11:55

Nahong'u Pasaka ya Wayuda iwei kufui, wandu wafoi wakahenda ido na kulya Yerusalemu wawuka ipfo sangenyi lilya, Pasaka ilamshika ihoya, wahende ikuilisha.

MAWUTO HA WASU 21:26

Nalyo ili lya ngama Paulo kakusanza na wasoṟo walya kechikuilisha kimu nawo. Kilemba kido kahenda hekalunyi kehamba-ho imarisya lilya lya mkonu iya ya kiilishyo, kushike iwiko-ho kidaso kimaduma kya orio umu owo.

MAWUTO HA WASU 8:22

Kyasia wikang'u matumatu kya owicho lu lopfo noterewe Mndumii-Ruwa, kundu kokoya kechiwa noloheṟo kya makusaṟo ha ha ngoo yapfo.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 11:2

Kyamba njiimlalakya nyo na wulalaki wo Ruwa, kyamba njiweimukosya mii umu njiendie Kristo sambuṟa njikeha.

WAEFESO 6:18

Terewenyi orio kiheri mutaramo nyi Ruwa na shifuhyo sha orio mbaṟi yose, mochiterewa kiheri kyose muwodo nyi Mumuyo, Laenyi chowe mochiterewya wandu wa Ruwa wose kui matumatu na yomba.

1SAMWELI 16:5

Samweli kawawia, “Kyanjiende nyi ofoṟo. Ngacha iwikia Mndumii-Ruwa kidaso. Kyekuheṟemtsenyi nyo muwenyi luhende iwika kidaso.” Samweli kaheṟemtsa Yese handu hamu na wana wake, kawaambia na kulya mwindienyi.