YOBU 1:10 - Bibilia Kui Mdedie fo Kimochi

¹⁰ Akale kimanyikie na pata chandu iyo umringie njora tsose hamu na wa kanyi koke na orio kindo awode? Iyo kowembikia ona na masaa hake hakaengeṟeka orukenyi.

YOBU 1:10 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MAWOOKIONYI 26:12

Nao Isaki kawaya mbeu kulya orukenyi, maaka fulya kasambuo kiheo kya ihana orio imu, Mndumii kammbikia ona.

MAWOOKIONYI 30:30

Kyamba masaa hapfo hawei maangu kiheri kyo njilawemeche, naho hakaengeṟa ipfumbuka, Mndumii kakuwikia ona orio handu njilehenda. Aka wulalu, nyi indi njechiambuya sha kanyi koko?”

MAWOOKIONYI 30:43

Ko ikyo mnducho kaengeṟeka mnu, kawada shuma shifoi, na shisinga, na masinga, na ngamia na nzoi.

MAWOOKIONYI 39:5

Kikawa wokia alemmbika mohoṟokia mba yake, na shose shiipfo, Mndumii-Ruwa kawikia mba iya ya Mmisri ona, kipfa kya Yosefu. Mboṟa ya Mndumii ikakaa ko orio kyose aweshiwode kulya mba na mademenyi.

MAWOOKIONYI 49:25

Ee-da kui Ruwa o ndeo nyio echikutarama. Na kui Ruwa Menyipfinya echikuwikia mboṟa. Kui mboṟa tsa ruwehu huye. Mboṟa tsa mṟingenyi kundu kuṟungukie kui wanda, mboṟa tsa mawee na tsa wusunyi.

YOBU 1:3

masaa hake nyi machondi shiku mfungade (7,000) ngamia shiku shiṟaṟu (3,000) mbe tsiwi tsiwi mahana hatanu (500) na nzoi njika mahana hatanu (500) na waṟundi wafoi, wafoi mnu nakamu; kipfa kya wusuṟi woke kawada kiṟumi kota wandu wose wai ora lo ngamenyi lo isanga.

YOBU 29:2

A kima njiwei cha meeri yako ya kacha, cha mkonu iya Ruwa alenjiringa;

YOBU 29:6

Kiheri ndifo tsako tsiwesanjo na mafuda ha msika, iṟaṟa lyikanjiletsia meda fo mafuda!

YOBU 31:25

Kokoya njilechihiyo kipfa-kya masaa hako hawefoi, na kipfa owoko loko lulewona shindo shifoi.

YOBU 42:12

Kiidi kya maka ya Yobu ileosha Mndumii-Ruwa kambikia ona kota ilya kuwooka. Kyasia Yobu kawada machondi shiku ikumi na shiina, ngamia shiku shiṟandaṟu, mbe shiku shiwi na nzoi njika kiku kimu.

SHIIMBO SHA DAWIDI 107:38

Nao nekewainenga mboṟa wakaengeṟeka mnu, manya ekeanguṟa mapo hawopfo.

SHIIMBO SHA DAWIDI 34:7

Malaika o mndumii nekewika kiacho, kechitengetia wamkundi na iwakiṟa.

SHIIMBO SHA DAWIDI 5:12

Kipfa iyo nyi ochiwikya ona ulya awode usumhanyi; Mndumii, osaṟio lopfo lochifanana na ngawo ipfo koke.

SHIIMBO SHA DAWIDI 71:21

Samanya ilasonguo; nowenjiengeṟia wunene! Wuya-se na injiwihiṟia moo.

SHIIMBO SHA DAWIDI 80:12

Nki ili kulewunduo njomombo tsake? Wakahaa wose weida njia?

SHIIMBO SHA DAWIDI 90:17

Na wucha wo Mndumii, Ruwa odu, wuwe huyadu, na iṟunda lya mawoko hadu noliikare, ee da, iṟunda lya mawoko hadu noliṟihike.

MFANANO 10:22

Ona lo Mndumii lokesuṟisha, Ma ekesanza nalo fowa pfo.

YESAYA 5:2

Kasuma mfongo kaṟingichia riti, Katola pfo maho kulya demenyi, Kawaaya pfo mbeu njicha tsa msabibu, Kawika mnaṟa fo ringa kiidi kya mdemi, Kasuma na kiwaha kekamia, Kakusira ke msabibu fulya fuwechiṟaa. Ate fukawika ndunda tsa nduo.

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

ZEKARIA 2:5

Kipfa inyi Mndumii njechiwa omombo lo modo, njitengete njora tsose, na inyi njechiwa kiṟumi kiidi kyake.

ZEKARIA 2:8

Kipfa Mndumii menyi matorito nahamba adi, Kundu njishihe kiṟumi, nanjiduma ko wandu wa mkambo walya walemuduo wapfungo, kipfa ulya momupaaya nyo, napaaya njeche ya riso lyake.

NGUMBUO YA MAWAWASO 33:11

Hoi Mndumii-Ruwa, wikia mboṟa pfinya tsawo, noidikie maṟunda ha mawoko hawo norumatsie kuleshe pfinya tsa wakituwa wawo, pfinya tsa iwo wawasuo, walakuiriese.”

NGUMBUO YA MAWAWASO 33:27

Ruwa o mlungana nyio kidichionyi kyanu; pfinya yake iwonekanyi wuyanenyi. Nalefuna wakituwa oshangunyi lonu; nalemuwawasa: ‘Warumatsenyi.’

NGUMBUO YA MAWAWASO 7:13

Nechimukunda na imuinenga ona, nanyo mochiengeṟeka muwe luwa lyifoi; nechiwikia madema hanu mboṟa muwone shilimu, mvinyo na mafuda; nechionyisha na imuinenga mmbe na machondi hafoi ipfo orukenyi kundu aleteṟia waku wanu ke nechiwainenga.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1SAMWELI 25:16

Koduso, wawei cha omombo lo wuringi kio na mfiri kiheri kyose luweilisa machondi.