YOBU 1:1 - Bibilia Kui Mdedie fo Kimochi

¹ Kuwewode mndu umu o oruka lo Usi, rina lyake nyi Yobu. Mndu chu nawei o wusumhanyi, naweowoye Ruwa kakuletsanatsana mawicho.

YOBU 1:1 ပူးပေါင်းရင်းမြစ်များ

MAWOOKIONYI 10:23

Na wana wa Aramu nyi Usi, na Huli, na Getheri, na Mashi.

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

MAWOOKIONYI 22:12

Kahamba, “Kulahoṟoye mana owoko lopfo, manya kulambutie kindo; kyamba wulalu ngamemanya ke noidikie Ruwa, kyamba kulalenjiima manachu, mana opfo kimumu mfi.”

MAWOOKIONYI 36:28

Na iwa nyi wana wa Dishani, Usi na Arani.

MAWOOKIONYI 42:18

Yosefu kawawia mkonu fo kaṟaṟu, “Wikeni mudi, mukie, kyamba ma inyi nji mhendeli o Ruwa.

MAWOOKIONYI 6:9

Iki nyi kishari kya Noe. Noe nawei mndu o wusumhanyi, mhendeli ipfo kisharinyi kyake; Noe kawa mhendeli kachumia ai na Ruwa.

2WAMANGI 20:3

“Hoi Mndumii-Ruwa ngakuterewa ukumbuo chandu njilekuṟundia kui wuhendeli wose na kui mrima foko fose na iwuta chandu uwekundi sumuhana na iyo.” Hezekia kafihiṟa amsokie nyi fowa.

1MBONYI TSA MAHERI 1:17

Wana wa Shemu nyi; Elamu, na Ashuru, na Ludi, na Aramu, na Usi, na Huli, na Getheri, na Mashi.

1MBONYI TSA MAHERI 1:42

Wana wa Eseri nyi; Bihani, na Zaawani, na Akani. Wana Dishani nyi; Usi, na Arani.

YOBU 1:8

Mndumii-Ruwa kawia Satana, “Kofia na uichi mṟundi oko elaho nyi Yobu. Ipfo wuyanenyi kose kuwode mndu chaopfo. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho.”

YOBU 2:3

Mndumii-Ruwa kawia Satana, “Kofia na uichi Mṟundi oko elaho nyi Yobu. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho. O nambanzi kiidi kya wuindi na chandu ulemkumba koko kundu njimrumatse kya wulya kulawode tewe.”

YOBU 28:28

Kiidima kawia mndu o wandu, Ambuya iindia Mndumii nyiwo wulaanyi, na ikuṟisa na wuwicho nyikyo imanya.”

YOBU 4:6

A iindiya Ruwa chifo mkusirie fopfo? Na wuhoṟotsu wopfo chifo mbedie fopfo?

YOBU 9:21

Njii mwisaluche pfo, njikung'anyishie-pfo. Ngasuo ohendo lo moo foko.

IWUKA 18:21

Ngoseṟa ya isho nochikuwonyia kiidi kya wanduwa wandu wawode wuidimi; wahendelie Ruwa, wandu wa wukilohi, wasuo mbucha tsa mbaka; wawike wusongorunyi wowo, wawe wasongoru wo wandu shiku, na wasongoru wa wandu mahana, na wasongoru wa wandu makumi hatanu, na wasongoru wa wandu ikumi;

MFANANO 14:16

Mndu mṟango nekeowuo, kadicha wuwicho; Indi tondo liwode ikuirinyisha na isohuo mondu.

MFANANO 14:2

Ichu ekechumia kiidi kya wusumhanyi nyi aowoye Mndumii; Indi ichu awode okachu kiidi kyake nekemmina.

MFANANO 16:17

Njia njinene ya mndu o wusumhanyi nyi ilekana na mawicho; Ichu mowada njia yake nyi aringa moo foke.

MFANANO 16:6

Kui osaṟio na lohi wuwicho wochisanjo; Kui iindia Mndumii wandu wechikuṟisa na wuwicho.

MFANANO 20:7

Msa asumhanyi kachumia kiidi kya wuhoṟotsu woke-le, Wana wake wechiwikyo ona iya mafurumienyi hawo.

MFANANO 3:7

Ulawe meenyi wulaanyi mesonyi hapfo, Idikia Ruwa nodiche wuwicho.

MFANANO 8:13

Iindia Mndumii nyi isuo wuwicho, Orikiki na ikushela; na njia njiwicho; Na dumbu lya wulemeshi nalyo njilisuo.

YEREMIA 25:20

Na wandu wose walesangana hamu na wamangi wose wa oruka lo Uzi, na wamangi wose wa oruka lo Wafilisti, na Asheri, na Gaza na Ekroni na mtsuhaṟo fo Ashdodi.

SHILIO 4:21

Nyo wa Edomu nyi mochiidima ikeseka wulalu, nanyo wa Uzi nyi mochiidima ichihiyo wulalu. Kyaindi kikombe ki kya sahabu nyi kechiwachea, nanyo nyi mochihenda ikinyo na inango, nanyo nyi mochichumia kiṟanguo.

EZEKIELI 14:14

Manya kokoya wandu wa waṟaṟu Noe, Danieli na Yobu wawekoya wai kiidi kyawo, nyi wawechikiṟo wo wawenyi tupu kipfa kya wusumuhanyi wowo.” Nyi wudo Mndumii-Ruwa ahamba.

EZEKIELI 14:20

Manya kokoya Noe, Danieli na Yobu wawekoya wai kiidi kyawo, inyi njii na moo, Mndumii-Ruwa nahamba wechiidima ikiṟa wana wawo wa kika na kiumipfo, shile nyi wo wawenyi tupu wechihenda ikiṟo kipfa kya wusumuhanyi wowo.

LUKA 1:6

Nawo wakawa wecha wasumhanyi ipfo sumuhana na Ruwa wawawi, wakahenda wechihendelia mawawaso hose na njopfundo tsa Mndumii tsose, ma walaṟatsie-ho kindo.

NGUMBUO YA MAWAWASO 18:13

Muwe wandu waawukie oshangunyi lo Mndumii-Ruwa, Ruwa onu.”

YAKOBO 5:11

Ambuya lokesendya nanga iwa walemkutirisia. Mukameicho ikutirisia lya Yobu na ipfo kundo Mndumii aleliinutysa mukamkuwona. Kipfa Mndumii ekesaṟya wandu saṟi ewaichio wukiwa.

1PETRO 3:11

Nadiche mawicho nahende iwuta kii kicha. Nawe mopfula ofoṟo na iluwingya.