YESAYA 7:2 - Bibilia Kui Mdedie fo Kimochi

² Nduma wandu wa mba ya Dawidi wakawio ke Shamu waidikiana na Efraimu. Naho wakawuko madima kiidi kyawo, wakawado nyi kitaku cha otanu losingitsa mashidi ha ngeṟenyi.

YESAYA 7:2 ပူးပေါင်းရင်းမြစ်များ

2SAMWELI 7:16

Oshari lopfo lochichilia oruka loko mlungana.

1WAMANGI 11:32

kyaindi o nechiwada oshari lumu kipfa kya mṟundi oko Dawidi na kipfa kya Yerusalemu mṟi fulya - njilefusambuṟa kiidi kya mṟi yose ya mkambo fo Israeli.

1WAMANGI 12:16

Kyasia Wasraeli wekiwona ke Mangi awaadanyia pfo, wandu wo wakahaluo Mangi wechihamba, “Luwode ohawi lui kiidi kya Dawidi! Ma luwode kyoṟa kiidi kya mana o Yese-pfo. Kyasia hendenyi mahemenyi hanu, lanye Israeli, wulalu ringa mba yapfo kumonyi iyo Dawidi.” Nalyo Israeli wakahenda mahemenyi hawo.

1WAMANGI 13:2

Kyasia mndu cho kakapa kitohio kya rasio lilya, kui idedo lya Mndumii kahamba, “Iyo rasio, rasio, Mndumii nahamba, ‘Ambuya mana nechifeo kiidi kya mba ya Dawidi, rina lyake nyi Yosia, nao nechisingia wakohanyi wa handu ha huye, wekepfamiṟa uvumba handu hapfo na huye, na mafuo ha wandu hechikoṟo hasenekie piu.’”

2MBONYI TSA MAHERI 25:10

Kyasia, Amazia kalekia malemali walya wawukie Efraimu wawuye na kanyi kowo. Nawo wakahenda kowo wawode nyashi ing'anyi mnu ko wandu wa Yuda.

2MBONYI TSA MAHERI 28:12

Kyasia, wanene maata wa Efraimu, Azariya mana o Yohanani, Berekia mana o Meshilemothi, Yehizkia mana o Shalumu na Amasa mana o Hadlai, nawo walewe kaṟuo walemali walya walewuka shidenyi.

SHIIMBO SHA DAWIDI 11:1

Njiledichia Mndumii. Nkili muiwia mrima foko, Dicha cha kilehe mafumvunyi hanu?

MFANANO 28:1

Wawicho wekedicha walaosho nyi wandu; Wenyi wusumhanyi nyi wai wakari cha miso.

YESAYA 11:13

Na wunyenyi wo Efraimu wochiwuka, na walya wesuiṟa Yuda wechikumbo kuleshe; Efraimu echilanga Yudapfo na Yuda echisuiṟa Efraimu-pfo.

YESAYA 22:22

Na opfunguo lo mba ya Dawidi nechilumasa kosohu lyake; o nechipfunguo kulawode mopfunga; nao nechipfunga kulawode mopfunguo.

YESAYA 37:27

Nkyo kitewe wenyi mṟi walawade pfinya wakawuko madima, na ieṟewe, wakawa cha machuwo ha patenyi, cha njana tsa maṟa, cha maṟa hai kai, cha mdemi fo ngano ilamewiṟa.

YESAYA 37:35

‘Inyi njechiringa mṟifu, njifukiṟe kipfa kyako njimonyi, na kipfa kya Dawidi, mṟundi oko.’”

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YESAYA 7:13

Nao kahamba, “Adanyienyi wulalu, nyo mba ya Dawidi; Ngesa nyi kindo kitutu konu itewa wandu walehele, mṟasa mokunda Ruwa nalehele da?

YESAYA 7:17

Mndumii nechiende huye yapfo, na huye ya wandu wapfo, na huye ya mba ya ndeo, mkonu ilalemeche, wokia mkonu fulya Efraimu alewuka kiidi kya Yuda; mangi o Ashuru.”

YESAYA 7:5

Kipfa Shamu ikusaṟie mawicho huyapfo hamu na Efraimu na mana o Remalia wehamba,

YESAYA 8:12

“Muladede nyi wuṟiingi kiidi kya mbonyi tsi tsa wandu-wa wechihamba nyi wuṟiingi; mulaowuo ma iwuko madima, wuyonyi moo.

YESAYA 9:9

Na wandu wose wechimanya, wai Efraimu na ichu ekekaa Samaria, wekededa wai na orikiki na ikuirinyisha mrima yawo wehamba:

YEREMIA 21:12

lyo mba ya Dawidi! Mndumii nahamba adi; Anduonyi mwanduye ya wusumhanyi ngamenyi, mukiṟe iwo walewonyio, na iliso wukiwa kui owoko lo ichu alewuta ado, kundu nyashi yako ilawone yechiaka cha modo ikoṟe, ilawode mndu morumisha, kipfa kya wuwicho wo mawuto hanu.’

HOSEA 12:1

Orio kindo wandu wa Israeli wawuta mfiri puti nyi sha wulya na sherumatsa. Wuṟiingi, wongo, wunesi na wuwahi wuiengeṟeka kiidi kyawo. Wawadana na Waashuru na ikapa mbucha na Wamisri.

MATAYO 2:3

Mangi Herode kekiicho ado, kawuko nyi madima, handu hamu na wandu wa Yerusalemu wose.