YESAYA 66:3 - Bibilia Kui Mdedie fo Kimochi

³ Ichu moshinja mbe na cha ichu awaha mndu; na ichu awuta kidaso kya ichondi nyi kimu na ichu afunja nzingo ya kite; na ichu awuta mwano foke nyi cha ichu awuta samu ya nguwe; na ichu mopfaamiṟa nyi cha ichu mowikia sanamu ona; ee, wasambuṟa njia tsawo wawenyi, na mbihu yawo ikachihiṟo nyi mawuto mawicho.

YESAYA 66:3 ပူးပေါင်းရင်းမြစ်များ

MFANANO 15:8

Mwano fo mndu mbicho fuwichuṟye Mndumii; Indi shiterewo sha mndu mhoṟotsu nyi sia yake.

MFANANO 21:27

Kyaano kya walai wecha nyi kiwichuṟiye Kii kiwicho-wicho ili mandi alasumhanyi aende.

YESAYA 44:19

Kuwode ma mndu awikie mrimenyi, ma kuwode wuṟango; ma imanya ihamba, “Njirumatsie kenga modonyi ngakoṟa mkate huya makaa; ngakoṟa nyama ngailya, a inyi ngoseṟa njihaluo kiwe kiwi kiwicho? Ale njiṟingishie na iindia itsuwa lya ikidi?

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YESAYA 57:17

Kipfa kya wuwicho wo ilanga lyake njilewado nyi nyashi, ngamkapa; ngaowisha kyamu kyako, ngarihinyika; nao kawehenda na okachu loke, kaosha makusaṟo ha mrima foke amonyi.

YESAYA 65:12

Inyi njechiwaṟehia iwoho kui oshu, na nyo wengi mochihongoma kundu mushinjo; kitewe nyi lilya njilelaha mlaidikiye; lilya njilededa mulakiicho; indi mukawuta mawicho oshangunyi loko, mukasambuṟa mbonyi njilalechihiṟo nyitso.

YESAYA 65:2

Njiambuyenyi! Njiambuyenyi! Mfiri puti njihoṟoye mawoko hako ko wandu wanyamaṟie, wandu wekeosha njia ilai njicha, wekeosha makusaṟo hawo wawenyi,

YESAYA 66:17

Wandu walya wekuilisha, na isambia shahunyi, nduma ya ichu ai makidi hawi wechilya nguwe, na masuiṟo na makokoi; wechitsitsa kimu,” Mndumii ahamba.

YEREMIA 6:20

Nkya iki njiendio mpfamiṟo fuwukie Sheba, na msanzo fofo fuwukie oruka lo kuleshe? Mwano yanu yemaya modonyi yaidikiopfo, Ma shidaso shanu shinjichihiriye-pfo.

WALEWI 2:2

numa nafuendie wana wa Aroni wakohanyiwo; nao naireho ohi lumu lo mso mmamiri na mafudaho hafo na ubani wo wose; nahong'u mkohanyi nafurumatse modonyi kiwe nyiyo ngumbuo yake rasionyi, nyi kidaso keseheṟia modonyi, kya opfamo luchihiṟie Mndumii-Ruwa.

HAGAI 2:14

Nahong'u Hagai kahamba, nyi wudo wandu wa oshari lu wai oshangunyi loko, Mndumii ahamba; na iṟunda lya mawoko hawo nawudo lyi, na orio kindo wechiwuta cha kidaso kifanyi ngafu.

NGUMBUO YA MAWAWASO 14:8

Na manya mulalye nguwe, ma chandu mbahachu tsayo tsihawanyikie kawi yekelya ngamrupfo; itso tsiterefukie mulalye nyama yatso manya ipaaya mnying'a yatso.

NGUMBUO YA MAWAWASO 23:18

Pesa tso tsose tsawukana na wuṟuhuiwo tsilawiko mwano fo kiteṟio ko Mndumii-Ruwa, Ruwa onu, ipfo hekalunyi; kyamba mndumsoṟo angu mndumka ai mṟuhui ipfo hekalunyi nyi kindo kisukiṟie Mndumii-Ruwa.

WACHILI 10:14

Hendenyi mufihiṟie maruwa ho mulesambuṟa. Halekeni hamukiṟe kiidi kya wukiwa wonu!”

WACHILI 21:25

Maheri ho kuwewode mangi kiidi kya Israeli pfo. Orio mndu nalewuta kindo kyose alewona kikeri kicha.

WACHILI 5:8

Walekusambuṟia maruwa mahenu, kukawada shida kiidi kya oruka Kyaindi kulewono msa awode oshu ang'u ngawo kiidi kya wandu shiku makumi hana (40,000) wa Israeli-pfo.