YESAYA 66:2 - Bibilia Kui Mdedie fo Kimochi

² Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

YESAYA 66:2 ပူးပေါင်းရင်းမြစ်များ

1WAMANGI 21:29

“Uwonyi chandu Ahabu akunyiiṟa oshangunyi loko? Kipfa akunyiiṟa adi, njechiende mawicho halya mbeteseheṟie kiheri kyake pfo, indi nyi kiidi kya mana oke njechiende mawicho halya hose kiidi kya mba yake.”

2WAMANGI 22:10

Kyasia mṟehi Shafani, kawia Mangi “Mkohanyi Hilkia nanjiinenga kitapu.” Shafani kakisoma oshangunyi lo mangi.

2WAMANGI 22:11

Mangi kekiicho madedo ha kitapu kya mawawaso karanduo maṟao hake.

EZRA 10:3

Ko kipfa kya ikyo luwikese kiteṟio na Ruwa odu. Luhende ilekana na waka wa wahenu hamu na wana wawo. Luwute chandu iyo hamu na walya waowoye Ruwa wechilulosha. Luhende iwuta kudo chando mawawaso hahambie.”

EZRA 9:4

Kyaindi wandu walya waleicho mbonyi tsilya tsa wusutsu tsilewuto nyi wandu walya walewuya wusingenyi, wakacha ikuṟingichia na inyi alya wanda njiwedamie ko fowa ing'anyi itane kiheri kilya kewuta kidaso.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 119:161

Wanene walenjipfulutsa kya wulya, indi mrima foko fuowoe madedo hapfo.

SHIIMBO SHA DAWIDI 138:6

Manya chando Mndumii ai huye, nekewona mokunyiiṟa, nao naichi sa awode wutimbiri awokia kuleshe.

SHIIMBO SHA DAWIDI 34:18

Mndumii nyi ai hafui na walya wafunjikie mrima; walya wekunyiiṟa mrimenyi kawakiṟa.

SHIIMBO SHA DAWIDI 51:17

Kidaso kya Ruwa nyi ngoo ikunyiiṟie; ngoo ikunyiiṟie na ifunjika, hoi Ruwa ochiiminapfo.

SHIIMBO SHA DAWIDI 51:19

Lyong'u ochichihiṟo nyi shidaso sha lohi, na shyaano shemaya madonyi njodambiko na idasa, naho wechiwuta mmbe, huya kitaṟa kyapfo kedasia.

MFANANO 28:14

Mndu o wandu awode wusumhanyi nai nanga mkonu yose; Indi akuiwitiye mrima nechioloka ngataṟenyi

MFANANO 29:23

Orikiki lo mndu lochimsotsa Indi ulya awode mrima fokunyiiṟa nechiindyo.

YESAYA 40:26

“Irienyi meso hanu huye, muwone; nyiu aleumba ishi; akeende mbahanyi ichekeṟo lyawo ko itala; nekelaha wose kui marina; kui wunene na wuidimi woke, na kipfa nyi mndu awode pfinya tsake, kuwode ilai handu hakepfo.”

YESAYA 41:20

kundu wawone na imanya, wakusaṟe handu hamu, ke owoko lo Mndumii nlo luletana ludi. Mwele o Israeli nyio aleumba.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YESAYA 66:5

Adanyienyi idedo lya Mndumii, nyo muidedema kipfa kya idedo lyake; Wana wa wama wanu wamsuo nyo, walemukumba kipfa kya rina lyako, wahamba, “Mndumii naichiko, luidime iwona sia yanu; indi nyi wechisukio.

HOSEA 11:10

Ambuya wechicha injiosha inyi Mndumii-Ruwa, ili njechiringona cha miiso, kiheri kyo chechiringona nyi wechinjicheya wechichumia wawuka ora lo kyukanyi wechidedema.

MIKA 6:8

Iyo mndu, Ruwa amekuloṟa kilya kii kicha, kindo Mndumii-Ruwa akundi kikeri kiile; iwuta mbonyi tsa wulohi, ukunde isaṟia na ikunyiiṟa oshangunyi lo Ruwa opfo kiidi kya mchumie mcha.

HABAKUKI 3:16

Ngaicho na ndeu yako ikadedema, Momu yako ikadedema kya ṟu lilya; Ndaṟe ikaida mafuonyi, Ngadedema mtara; Kundu njiwedie mkonu fulya fo kiwi, Ili siṟi ya wandu wa mbahanyi wechicha Ikapana.

MATAYO 12:6

Kya indi ngambia, ‘Ke iya na hawode ang'anyie hekalu.’

MAWUTO HA WASU 7:50

Chi owoko loko luwikye isho shose?’

MAWUTO HA WASU 9:6

Kya indi kure nohende ipfo mṟinyi nochikaa uwio kindo kikuwaṟi iwuta.”

WAFILIPI 2:12

Nkyo kimwenenge nyo, mui wakunde wako, chando muwei waidiki mfiri yose chi mandi halya njiwei konu tupupfo kya indi wulalu kya ngoseṟa njii aleshe nanyo ke pfuṟukanyenyi wo okiio lonu kui wuowu na idedema.

WAKOLOSE 1:17

Kristo naweipfo shiwumbe shilamekaa-pfo, shikukerye-ho kui o, orio kimu handu hakyo.