YESAYA 66:16 - Bibilia Kui Mdedie fo Kimochi

¹⁶ Kipfa Mndumii naanduyana na wose wawode mbihu, kui modo na oshu loke; iwo wechiwoho nyi Mndumii wechiwa wafoi.

YESAYA 66:16 ပူးပေါင်းရင်းမြစ်များ

YESAYA 10:4

Wechihongoma wanda ya wapfungo tupu, wechioloka wanda ya iwo wai wawahe. Hamu na isho shose nyashi yake ilehalukia aleshepfo, indi owoko loke lui luhoṟwo itane wulalu.

YESAYA 27:1

Kiidi kya mfiri fo Mndumii, kui oshu loke luohi, lung'anyi, lui na pfinya, nechihoṟwo nalo lewiatani, njoka iya njiangu, na lewiatani , njoka iya yekekuoṟowia-oṟowia; nao nyi echiwaha molimo fulya fokekaa ipalyipalyinyi.

YESAYA 3:13

Mndumii nahoṟoka kundu nakuwute owingonyi, nahoṟoka kundu naanduye wandu wake.

YESAYA 30:30

Nao Mndumii nechitewa wandu waicho ṟu lyake lya wuitoṟi, nao nechiwaloṟa chandu owoko loke lokesoka, na nyashi yake ing'anyi, na olewo lo modo furumatsa, hamu na mkuma, na otanu sa lwapfinya, na mvuo ya manzaho hechelela.

YESAYA 31:8

Nlyondo Mwashuru-cho echioloka ko oshu lulai lo mndu; na oshu lulai oshu lo mndu lochimlya; nao nechidicha oshu, na wanake wake wechitaa okamba.

YESAYA 34:2

Kipfa Mndumii nasuo na iwado nyi nyashi huya wandu wa mkambo wose, na nyashi njiwawo huya mamiingi fo wamesa wake wose; nawarumatsie piu, nawawutie wahende ishinjo.

YESAYA 65:12

Inyi njechiwaṟehia iwoho kui oshu, na nyo wengi mochihongoma kundu mushinjo; kitewe nyi lilya njilelaha mlaidikiye; lilya njilededa mulakiicho; indi mukawuta mawicho oshangunyi loko, mukasambuṟa mbonyi njilalechihiṟo nyitso.

YEREMIA 25:31

Mtiṟi fochishika mtsitsionyi fo wuyana, kipfa Mndumii nahodana na mkambo fo wandu, nechianduo na wose wawode mbihu, na wawicho nechiwawuta wawoho kui oshu! Mndumii ahamba.’”

YEREMIA 25:33

“Na walya walewoho nyi Mndumii mkonu fulya wechikaapfo wokia ora lumu lo oruka itane ora lo kawi. Kuwode mowafihiṟia pfo, ma iwasanyia, ma iwaṟika; wechiwa kyala huya oruka.

YEREMIA 45:5

Ale, iyo nyi uishiha mbonyi tsikung'anyie? Kulatsishihe! Lekana natso, kipfa njechiende orumatso huye ya wandu wose. Inyi Mndumii-Ruwa ngahamba. Iyo oṟimiṟa lopfo nyi ilu: njechiringa moo fopfo orio handu ochihenda.”

YEREMIA 46:15

Nki kitewe icho ai ngarama adicha? Nki kitewe pung'a yapfo ilaidime itirisia? N'kipfa inyi Mndumii-Ruwa njilemwolotsa wanda!

EZEKIELI 28:18

Kyamba chando ngeṟo tsapfo tsiwefo na chando uwekelemba ipfo mbuchenyi tsapfo nyi ulefanyitsa handu hapfo heindia; na inyi ngasotsia modo huye yapfo kundu fuhende ikurumatsa, ngawekutana ifu huye ya isanga oshangunyi lo iwo wose wawekeri ikuambuya.

EZEKIELI 38:17

“Inyi Mndumii-Ruwa ngahamba njidi: Iyo nyi ulya njiwekusendie kui dumbu lya waikimbi wako wa Israeli ke nyi njechikuduma ulimbane na wandu wa Israeli.”

EZEKIELI 5:15

Ili mandi nyashi yako na ngapo tsako tsechikuhoya, walya wakuṟingichie wechikuambuya kinyeri wechikusalucha na ikutaluo.

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

AMOSI 7:4

Ishi nsho Mndumii-Ruwa alenjiloṟa; ambuya Mndumii-Ruwa nalelaha kundu nalimbane na modo; nafo fukakomba mṟinga fui mapichinyi ha mapalyipalyi kufui furumatse handu hahadutsu.

NAHUMU 3:15

Ipfo modo fokurumatsa; Oshu lochikulya; Lochikumeṟa cha nzihe; Kuṟeheṟe mufo cha msoṟa! Kuṟeheṟe mufo cha nzihe!

NAHUMU 3:3

Wekapana wai frasihu na njoshu tseaka-aka na mapfumu maohi; kilula kya walya wawawahe wakawa cha nungu ing'anyi ya mnying'a; itane wandu wakapa mtulia mnying'enyi yawo

ZEKARIA 14:5

Nyo nyi mochidicha muide pichinyi, kiidi kya mafumvu hawi ha Mndumii-Ruwa. Mochidicha cha waku wanu waledicha kiding'ashi kiheri kilya kya Mangi Usia o Yuda, kyasia Mndumii-Ruwa, Ruwa oko nechicha na waele wake wose piu.