YESAYA 57:2 - Bibilia Kui Mdedie fo Kimochi

² O nekeida kiidi kya ofoṟo; wo wekechihiyo kiidi kya shitaṟa shawo, orio umu kakuidia kiidi kya wuhoṟotsu woke.

YESAYA 57:2 ပူးပေါင်းရင်းမြစ်များ

MAWOOKIONYI 17:1

Kiheri Abramu awei mndu o maaka makumi kenda na kenda, Mndumii-Ruwa kachea Abramu, kambia, “Inyi nyi Ruwa. Menyi wuitoṟi, chumia oshangunyi loko, kulawode tewe.

2MBONYI TSA MAHERI 16:14

Naleṟiko, ikabuṟinyi sa alelipacha amonyi ngaṟahambenyi, mṟinyi fo Dawidi. Nalelaṟo isandukunyi sa liweliichuṟe nyi mpfaamo ya mbaṟi tsifoi, sa iwenjisungusie nyi waṟundi wa wuaria wung'anyi wosungusia marashi. Wakaatsa modo fung'anyi ko kiṟumi kyake.

YOBU 3:17

Ko waṟumu kuwode molisa wukiwapfo, walya waleheli wekesia moo.

SHIIMBO SHA DAWIDI 37:37

Ambuya mnu mndu mhoṟotsu, noambuye mnu mndu msalari, kipfa ifurumia lyake nyi luwa.

KOHELETI 12:7

Na kiluli iwuuya teri chandu iwei na mumuyo iwuya na ko Ruwa alefuwuta.

YESAYA 14:18

Wamangi wa wandu wa mkambo waleṟiko na kiṟumi, Orio umu kiidi kya mba yake amonyi;

YESAYA 26:7

Okondo lo ulya asumhanyi lui luhoṟotsu; Iyo ui mhoṟotsu nyi ui ihoṟotsa njia ya ulya asumhanyi.

YEREMIA 6:16

Mndumii nahamba adi, “Hoṟokenyi kiidi kya njia ing'anyi muwone, muwese mbonyi tsa okondo loko lo kacha, “Yeku njia iya njicha muhende kiidi kya njia-yo, nanyo mochiwona sia kiidi kya mrima yanu. Kyaindi walehamba ke loleha ihenda kiidi kya njia yo.

EZEKIELI 32:25

Wulalu nyi wawalaṟe handu hamu na mbahanyi tsake kiidi kya walya wose walewoho shidenyi. Wakaweṟingichio nyi shipfu sha mbahanyi tsake iwa wose walewohio shidenyi na walaweiwadine. Kiheri kyo wawei na moo nyi waweoweshiye mnu kiidi kya mkambo ya wandu, kya indi wulalu nyi wawodo nyi sonu tsing'anyi hamu na walya walewohio shidenyi.

DANIELI 12:13

Kyaindi iyo Danieli, kuhendie nohende ionyonya kipfunyi, na kiheri kyo kikashika, nochiṟuka na iambilia kiṟimiṟa kyapfo.”

MATAYO 25:21

Mndumii oke kambia, “Nyi kulewuta necha kui isinga sa licha lihendeli. Nyi uwekeri mnene o shindo shitutu koweshihendelya. Njekuwika mnene o shindo shifoi. Henda kuidye na sienyi ya Mndumii opfo.”

LUKA 1:6

Nawo wakawa wecha wasumhanyi ipfo sumuhana na Ruwa wawawi, wakahenda wechihendelia mawawaso hose na njopfundo tsa Mndumii tsose, ma walaṟatsie-ho kindo.

LUKA 16:22

Kukashika, mkiwa ulya kapfa, kahenda-dao nyi wamalaika kulya nndenyi tsa Abrahamu. Na msuṟi ulya kawepfa, kaṟiko.

LUKA 2:29

“Mndumii, wulalu omeinutsia kyasa kyapfo, inenga mṟundi opfo momu nakuhendie na ofoṟo.

LUKA 7:50

Nao kawia mka ulya “Nyi wuidiki wopfo wokukiṟa; kuhendieng'u na kipuo.”

2 WAKORINTO 5:1

Kyamba luichi ke mba ya tengo lyadu lya wanda ii ikasanjo luwode wiko liwukye ko Ruwa, mba ilanjiwike na mawoko ii ya mlungana ipfo ruwehu.

2 WAKORINTO 5:8

Indi lukarya na ikundya kya ngoseṟa isama mbihunyi fu na isamya ko Mndumii.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

OTAMBAHALUO LO YOHANE 14:13

Na ngaweicho ṟu lyededa ipfo ruwehu lyehamba, Ṟehya, Ungusu wapfu wa walepfa wai Mndumii-hu. Wawio ungusu wokia wulalu. Mumuyo ahambye, Ee-da, washike yonyonya kya mawina hawo. Kyamba mawuto hawo haitumana nawo.