YESAYA 51:1 - Bibilia Kui Mdedie fo Kimochi

¹ “Njiadanyienyi, nyo muishiha kilya kisumuhanyi; nyo mui ishiha Mndumii; ambuyeni iṟaṟa lilya mulewutoho kui ilitsana, na ṟungu lilya mulewutoho kui ilisuma.

YESAYA 51:1 ပူးပေါင်းရင်းမြစ်များ

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

2MBONYI TSA MAHERI 15:4

Kyaindi kiheri walewado nyi kiwi, walewuya Mndumii-Ruwa, Ruwa o Israeli, wakamshiha, wakambona.

SHIIMBO SHA DAWIDI 24:6

Aiki kishari kya walya wewalia Mndumii, Waishiha oshangu lopfo, Iyo Ṟuwa o Yakobo.

SHIIMBO SHA DAWIDI 94:15

Kipfa mwanduye fochiwuuya wukiilohi, na wose wawode wuhoṟotsu wo mrima wechiwuosha.

MFANANO 15:9

Njia ya mndu mbicho nyi iwichuṟye Mndumii; Indi nyi akundi mndu ekeosha mecha.

MFANANO 21:21

Moosha wulohi na isaṟia, Nechiwona moo na lohi na kiṟumi.

YESAYA 45:19

Njilededa kui kiṟika, handu ha memenyipfo; njilewia oshari lo Yakobo; Njishihenyi wulya pfo; Inyi Mndumii njideda lohi; njideda mbonyi tsa osaaṟe.

YESAYA 48:1

Adanyienyi isho wandu wa mba ya Yakobo, mokelaho kui rina lya Israeli, muwukie mṟingenyi fo Yuda; mkelya nyamu kui rina lya Mndumii na isenda rina lya Ruwa o Israeli, indi chi kui lohi-pfo na chi sungusihu-pfo.

YESAYA 48:12

“Njiadanyia inyi, iyo Yakobo; na Israeli, njilekulaha; inyi nyio mboki na mwawutsi.

YESAYA 51:4

“Njiadanyienyi inyi, nyo wandu wako, njiadanyienyi wa mkambo foko; kipfa wuwawaso wuwukie koko, na inyi njechisiṟa moo mwanduye foko, fuwe sa ya wandu.

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

YESAYA 55:6

“Shihenyi Mndumii kipfa nechiwoneka, Mlahenyi kipfa nyi ai hafui,

YESAYA 65:10

Na Sharoni yechiwa mfiṟiha fo ipo lya machondi, na pichi lya Akori pichi lya wukiwa handu helaṟa mapo ha mbe, kipfa kya wandu wako wainjishiha.

AMOSI 5:6

Shihenyi Mndumii nanyo mochikaa na moo; nalawone kechiaka cha modo ipfo kanyi ko Yosefu, modo fukarumatsa, kulechikaapfo mndu echiidima ifurumisha ipfo Beteli.

SEFANIA 2:3

Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

MATAYO 5:6

Nanga iwo wawodo nyi njaa na nyoda yelanga wusumhanyi, cha kipfa nyiwo wechika waihutso.

MATAYO 6:33

Kyaindi songuonyi ilalakia wumangi wo Ruwa na wusumuhanyi wowo, na shingi nyi mochiinengo cha shannga.

WAROMA 10:3

Kyamba ili walaweichi wuhoṟotsu wo Ruwa wakawetambahanya ikulikisha-ho wowo wawenyi nkyo kiletewa walakutambe na wuhoṟotsu wu wo Ruwa.

WAROMA 14:19

Ili nyi wudo kii luwingye isho shiende ofoṟo na isho shepfungana so luwenyi na wenyi.

WAFILIPI 3:13

Wanawawama, chi ngakuhamba njimonyi cha ili ngamaa iliwadapfo, kya indi kimu tupu kinjiwode, nyi ngahadima shilya shii mhongo njikuleshya shii mdonyi.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 2:22

Dicha malang'a halya ha ki-wanake, indi uwingye wuhoṟotsu na wuidiki na makundano na ofoṟo urianyi na wandu walya waiterewa Mndumii wawode ngoo tsiharami.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.