YESAYA 5:9 - Bibilia Kui Mdedie fo Kimochi

⁹ Mndumii menyi Matoṟito nadeda madunyi hako, “Nyi kya lohi mamba hafoi hechiwa wukiwa, ye da, mamba hang'anyi, mecha, hechituṟa wandu.

YESAYA 5:9 ပူးပေါင်းရင်းမြစ်များ

2MBONYI TSA MAHERI 36:21

Na kudo kikawa ke madedo halya ha Mndumii-Ruwa sa halededo nyi mwikimbi Yeremia hakainutsio: “Oruka lochideo wukiwa lulademo ko maka (70), kihianyi na maka iya yose ya sabato sa wandu walaleiṟumisha.”

YOBU 15:28

Nalekaa kiidi kya mṟi iledeo mrapu, kiidi kya mba tsilakekao na mndu, mba-tsiwewaṟi tsiwe mfoo fo orumatso.

YOBU 20:21

Nalemarisa ilya nalatsuhaṟe ma ngoko, ko ikyo iiṟimiṟa lyake yedekadeka oweṟe.

MFANANO 15:27

Molanga fesa nyiekelisa mba yake amonyi wukiwa; Indi mosuo iinengo nyi echikaa na moo.

YESAYA 22:14

Nao Mndumii menyi Matorito katambaṟuo ishi madunyi hako, nyi kya lohi kya ndio, wuwicho wu wochiwutoho-pfo manya wochimuwukapfo mṟasa mupfe.” Mndumii ahamba, Mndumii menyi Matorito.

YESAYA 27:10

Kipfa mṟi fuwode omombo fukeri fuenyi, handu kuledeo mrapu cha nuka, mpfo kundu echilisa mahache, na mpfo kundu echilaa, na ilya maṟamba hake.

YESAYA 5:6

na inyi njechilinyamaṟa; kuwode modema ma isisapfo, lyechialutsa mbeche na msha; nyi njechiima mapuchi halalekie mvuo inose ho.

AMOSI 3:7

Nyi kya lohi kya ndiyo Mndumii-Ruwa echiwuta kindo kyose alaloṟa waṟundi wake waikimbi kiṟikyekyo kya kyaanyapfo.

AMOSI 5:11

Kyasia kipfa kya ili mokewonyia mkiwa, na imsoka ngano yake; nyo muwikie mba tsa maho matsane, indi mochikaapfo-pfo; mudemiye madema mecha ha msabibu, indi mochinyo mvinyo fo fopfo.

AMOSI 6:11

Kipfa ambuya, Mndumii nawuta iwawaso; mba ing'anyi yechikapo na iwunduyo na mba ntutu yechikapo ipaṟikye mahinga.

MATAYO 22:7

Kyasia mangi karihinyika nyashi. Kaduma siṟi tsake tsa shidenyi. Kaarisya wawahi walya wanda. Na mṟi fulya fowo kakoṟa na modo.

MATAYO 23:38

Aii mba yanu momeideyo ilawode kindo.

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.