YESAYA 5:7 - Bibilia Kui Mdedie fo Kimochi

⁷ Kipfa mdemi fo msabibu, fo Mndumii menyi Matorito nyi mba ya Israeli na wandu wa Yuda, ni njana yake sa ncha, kalanga iwona mwanduye fo lohi, ate nalewona iwonyia; kalanga iwona lohi, ate kaicho kilio.

YESAYA 5:7 ပူးပေါင်းရင်းမြစ်များ

MAWOOKIONYI 4:10

Mndumii-Ruwa Kahamba: “Nkiki owuta iki samu ya monomayo injieṟeṟia ipfo terinyi.

2SAMWELI 7:10

Ngamesambuṟa handu wandu wako wa Israeli wechikaa na iwawika ho wakae mlungana. Kuwode wandu wawicho wechiidima iwawonyia sepfo cha kiheri kilya kya wachili waweichilia oruka.

YOBU 34:28

Wakatewa kieṟeṟo kya wakiwa kikashikia Ruwa, Ruwa kaicho kieṟeṟo kya iwo wailiso wukiwa.

SHIIMBO SHA DAWIDI 147:11

Mndumii nekeidikiana na walya wekemwindia, na iwedia mboṟa tsake.

SHIIMBO SHA DAWIDI 149:4

Cha kipfa Mndumii naidikianyi na wandu wake, Nekechopa wahoo ko wuwinzi.

SHIIMBO SHA DAWIDI 80:15

Na njana iya kuleidonga, kui owoko lopfo lo kulyo; na iṟamba lilya kulelyiwika, lyikawa lyikahari kui mrima fopfo.

IWUKA 3:7

Mndumii-Ruwa kahamba, “Nkya lohi ngamewona matuuro ha wandu wako wai Misri na inyi ngameicho kieṟeṟo kyawo kipfa kya walya weke wahoṟokia,

MFANANO 21:13

Mopfinyika madu hake nalaadanyie kilio kya mkiwa, O nyi echifihiṟa, kuwode momicho pfo.

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

SHIIMBO SHA SOLOMONI 7:6

Ambuya chandu ui mcha koeṟa, iyo mkunde, mana o waka.

YESAYA 1:21

Mṟifu fuwei mhendeli, fulewa fuda fumeluki! Ichu aweichuo mwanduye fo lohi, lohi iweichuo koke, indi ate wulalu nyi mbaahi!

YESAYA 1:6

Wokia owayo lo odende itane ododo kuwode hecha ma kumupfo; sile nyi shifaṟe, ngoru tsepichuka na matiinga hawuta ofia; shilashipfunge, ma ioṟowio nguo, manya ishio mafuda.

YESAYA 27:2

Mkonu fo; “Imbenyi mdemi fo msabibu,

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

YESAYA 3:15

Ili lyahamba ki, nyo iwonyia wandu wako, na ipoṟipotsa shamu sha wakiwa? Njiwesa Inyi Mndumii menyi Matoṟito.

YESAYA 3:17

Kyasia, koikyo Mndumii nechikapa wana wa waka wa Sioni, kui okuru lo njododo, na Mndumii nechishikuo sonu tsawo.

YESAYA 30:12

Kyasia kipfa kya isho Mwele o Israeli nahamba adi, “Kipfa kya imina idedo lyi na ikusiria mbonyi tsa mlemeko na wuminyi, na ikuwada na isho;

YESAYA 46:12

Njiadanyienyi nyo muwode ngoo njitumuhari, mui haleshe na wukiilohi;

YESAYA 5:2

Kasuma mfongo kaṟingichia riti, Katola pfo maho kulya demenyi, Kawaaya pfo mbeu njicha tsa msabibu, Kawika mnaṟa fo ringa kiidi kya mdemi, Kasuma na kiwaha kekamia, Kakusira ke msabibu fulya fuwechiṟaa. Ate fukawika ndunda tsa nduo.

YESAYA 59:13

kiidi kya madeko na, lukadeda kui orikiki na inyamaṟa, lukakusaṟa madedo ha wongo na ihawuta mrimenyi.

YESAYA 59:14

Mwanduye fomehaluka fukahenda nduma, na wukiilohi wuhoṟoki haleshe mnu, kipfa lohi ihalukie njia njilandari na wuhoṟotsu wochiidima iidapfo.

YESAYA 59:4

Kuwode mowesa kui wusumhanyipfo, kuwode modeda wulohi-pfo; wakusirie wulya, ideda wongo; wukakapika wukafee wuwicho.

YESAYA 62:5

Kipfa chando manake o kisoṟo aalika mana o waka, nyi wudo icho alekuwumba echiwa mii opfo; na chando menyi walyi ekechihiyo kipfa kya mpora aalika; nyi wudo Ruwa opfo echichihiyo kyapfo.

YEREMIA 12:10

Walisi wafoi wanyamaṟa dema lyako lya msabibu, wakachuma chuma oruka lui masaa hako: mdemi foko fucha wafuhaluo nuka ya msanga.

YEREMIA 24:2

Kikunja kimu kiwewode mkuyu njicha mnu cha kiheri kesambuo mkuyu ya kuwoka. Kikunja kya kawi kiwewode mkuyu njiwicho mnu tsilechiwa ma iliyo.

YEREMIA 50:46

Kwi mtiṟi fo wado shida ko Babeli wuyana wochidedema na kifihiṟo kyawo kechiichio kiidi kya mkambo ingi.”

EZEKIELI 22:29

Orio handu ipfo orukenyi kuichuo iwonyio na wasoki, wekesoka wakiwa na walya wafafa, wahenu nawo wakawehenda iwonyio kulawode isaṟa kindo.

HOSEA 10:1

Waisraeli nyi wawei cha msabibu mcha, msabibu fokeṟaa ndunda. Chandu ndunda tsikeengeṟeka, na wudo waleengeṟa iwika marasio, chandu oruka lowo luleengeṟa ikumbia, nyi wudo waleengeṟa ngo tsawo tseindia.

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.

MIKA 6:8

Iyo mndu, Ruwa amekuloṟa kilya kii kicha, kindo Mndumii-Ruwa akundi kikeri kiile; iwuta mbonyi tsa wulohi, ukunde isaṟia na ikunyiiṟa oshangunyi lo Ruwa opfo kiidi kya mchumie mcha.

HABAKUKI 1:3

Nkili unjiloṟa wuwicho, na injiolongia wuminyi? Kifa inyamaṟa na wukika shii oshangunyi loko; kuwode shiloyo na marekiano.

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

MATAYO 23:23

“Ochia lonu nyo walosha wa mawawaso na Wafarisayo mui makulembetseṟe, nyi kyailyi mokewesa wandu okamba lo shindo shilawaṟi mukada mawawaso ha wulohi, isaṟia na mwidikye, isho nsho shiwaṟi mushiwade mulechihadima isho shingi.

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

YOHANE 15:2

Orio iṟamba lipaṟikye koko likada lilawika ndunda lyo alirawuyaho. Na ili lii-pfo lyose liwika ndunda lyo alitasana liengeṟe iwika ndunda.

NGUMBUO YA MAWAWASO 15:9

Ambuyenyi mahio mawicho halakae mrimenyi yanu, mochihamba, ‘Maka fo mfungade, maka fohoṟia wasile fui kufui; mukaleha iinenga mano mayanu mkiwa kindo kyose; nechiidima ililia Mndumii-Ruwa kipfa kyanu na ikyo kikamuwiia wunyamaṟi.

YAKOBO 5:4

Ambuya, wuṟundi wo waṟundi walya walemnyo nyiwo wuifuha, na shifuha sha wawehi walya shamaa ishika henda madunyi ha Mndumii menyi matorito.