YESAYA 48:4 - Bibilia Kui Mdedie fo Kimochi

⁴ Kipfa njilemanya ke iyo nyi uwode mtolo, na nzingo yapfo nyi ya menya, na kyaanda kyapfo cha aṟeṟa;

YESAYA 48:4 ပူးပေါင်းရင်းမြစ်များ

2WAMANGI 17:14

Kyaindi walakunde iicho, wakaumiṟa mrima yawo cha wasahuyawo walawekundi iidikia Mndumii-Ruwa, Ruwa owo.

2MBONYI TSA MAHERI 30:8

Mulawade ulang'a cha wasahuye wanu, kyaindi indienyi Mndumii-Ruwa. Nchonyi na hekalunyi lyake sa aliilishie mlungana, muadapfume-pfo Mndumii-Ruwa, Ruwa onu kundu nalawawadie nyashi.

2MBONYI TSA MAHERI 36:13

Sedekia nalewa mtahachi kihadi na mangi Nebukadneza, sa awemtana nalye nyamu kui rina lya Mndumii, ke nechiwa mhendeli koke. Nalewada mkuchu kaleha idumbuya na iwuuya Mndumii-Ruwa, Ruwa o Israeli.

NEHEMIA 9:28

Kiheri ofoṟo lulewuya, wakawekunyamaṟia se, na iyo kowewada wakituwa wakawawinga. Indise kiheri waledumbuya na ikuterewa uwaashuose, kowewaadanyiase ukeri ipfo ruwehu; Iyo ku isaṟia lyapfo ling'anyi mnu, kowewakiṟa kafoi.

SHIIMBO SHA DAWIDI 75:5

“Mlairie membe tsanu huye,” mulachumie na nzingo ya wutimbiri.

SHIIMBO SHA DAWIDI 78:8

Ee-da, walawe cha wandee wawo, kishari kya mtoolo na wutimbiri, kishari kilekekusungusia mrimenyi, manya mrimenyi foke fulawei lohi ko Ruwa.

IWUKA 32:9

Mndumii-Ruwa kawiase Mose, “Inyi ngamewona wanduwa, ambuya, nyi wandu wawode nzingo njiumu;

IWUKA 33:3

washikie oruka lokeletseka maruwa na wuki; cha kipfa inyi njechichumia kiidi kyanupfo; kyamba nyo mui wandu wawode ngoo njiumu; njilashike iwaarisia njienyi.”

IWUKA 33:5

Mndumii-Ruwa kawia Mose, “Wia wana wa Waisraeli, Nyo nyi wandu muwode ngoo njiumu; kokoya ngaida na kiidi kyanu oweṟe lumu, njechimrumatsa; kyasia wulalu kuatuonyi shindo shanu sha wulole kundu njiidime imanya kindo njechimuwutia.”

IWUKA 9:7

Farao kaduma wandu, na ambuya, kuwode ma umu o wana wa Israeli alepfapfo. Kyaindi mrima fo Farao fuwei mlemeri, manya nalainenge waduwo momu wakuhendie.

MFANANO 29:1

Motutumo kafoi nao kaumiṟa mrima; Nechifunjika na limu, alechiwona mdi.

YESAYA 30:9

Kipfa wandu wa nyi wandu wa omino, wana wehamba wongo, wana walakundi iwada chile ya Mndumii;

YESAYA 46:12

Njiadanyienyi nyo muwode ngoo njitumuhari, mui haleshe na wukiilohi;

YEREMIA 19:15

“Mndumii Menyi Matorito Ruwa o Israeli nahamba adi, ‘Ambuya njechiendie mṟi fu na shihongo shafo mawicho halya hose njilededa kipfa kyafo, kipfa waumiṟa nzingo tsawo kundu walaadanyie madedo hako.’”

YEREMIA 3:3

Kipfa kya ikyo luleimo mlewi, manya kuwode mvuo ya fuli pfo, ma kudo nuwode meso ha wumeluki, koleha idumbuya ma kulawado nyi sonu.

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

YEREMIA 7:26

Indi wo walenjiicho pfo ma indehia kudu-ote! Indi wawei ikuumiṟa mrima wakawewichuo kota wandeawo.

EZEKIELI 2:4

Njikuduma ko wanawo walawode sonu, wai waminyi, na iyo nochiwawia Mndumii-Ruwa nyi ahamba adi;

DANIELI 5:20

Kyaindi kakudosa na ikuichika mnu na mrima foke fukauma kawuta shindo kui orikiki, kairo loṟikehu lo wuitoṟi kasoko wunene wulya wose.

MAWUTO HA WASU 7:51

Nyo nyi mui mudi na okuchu mulunganyi ilehya Mumuyo Mwele mulai wadine ngoo manya madu; chandu waku wanu wawewutye nanyo na wudo da.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.

NGUMBUO YA MAWAWASO 10:16

Ko ikyo, dinenyi njonyi tsa kitaṟe kya mrimayo yanu, mlawese watimbiri.

NGUMBUO YA MAWAWASO 31:27

Cha kipfa njiichi chandu muiwanyamaṟi na muwode orikiki. Kokoya molekana na Mndumii-Ruwa kiheri njii na moo njii nanyo, kechiwa kida ngamepfa?

WAEBRANIA 3:13

Kya indi ke kuikimbyanenyi orio mkonu mandi haihambo inu hose, kundu ipfo konu kulaumiṟyo mndu mrima echilembo nyi wunyamaṟi.