YESAYA 48:3 - Bibilia Kui Mdedie fo Kimochi

³ Inyi njileonguo mbonyi tsa kacha wokia mboko; yee, tsilewuka dumbunyi lyako, ngahamanya; ngawewuta naho hakawoneka oweṟe nalo.

YESAYA 48:3 ပူးပေါင်းရင်းမြစ်များ

YESAYA 29:5

Indi mfoeṟa fo wakituwa wapfo fochiwa cha kiluli kisise, na mfoeṟa fo walya waoweshie fochiwa cha mafila haida; yee kioweṟe faa.

YESAYA 30:13

Nahong'u wuwicho-wu wochiwa konu cha handu halya hawundukie, kukuṟeheṟie iomboka kuwukie omombohu luleshe, na ifunjika koke kocha peṟeseng'u na limu.”

YESAYA 37:29

Na kipfa kya irihinyika lyapfo, na kipfa kya makusaṟo hapfo hafoi halenjikoya hakaida na madunyi hako, ambuya njechiwika kalapu yako kiidi kya mbuo yapfo na kimenya kya frasi dumbunyi lyapfo, na inyi njechikuwihiṟa na njia iya iya uleichea.’

YESAYA 37:7

Ambuya njechiwika mumuyo kiidi kyake, nao nechiicho ndirimo, nawuye mṟasa orukenyi loke amonyi, na inyi njechimwolotsa na oshu orukenyi loke amonyi.”

YESAYA 41:22

Waonguo na ilumanyishia chando shechiwa; waluloṟe mbonyi tsa kacha, nyi mbonyi tsiha luidime itsiwika mrimenyi, lumanye na mtsitsioni fosho; ang'u waludambuye shilya shechikaa shiche.

YESAYA 41:27

Inyi njimonyi njechiwia Sioni, Ambuya iwa nyiwo; na inyi njiinenge Yerusalemu moende mbonyi njicha.

YESAYA 42:9

Ambuya mbonyi tsa kuwoka tsametsitsa, inyi njikeri ionguo mbonyi njihya; tsilamecha njimuwia chando kechiwa.

YESAYA 43:9

Wasanyio handu hamu wandu wose wa mkambo ya wandu, nyiu kiidi kyawo echiidima ionguo idedo lyi, na iluwia mbonyi tsa kacha? Waende waṟingishi wawo, kokoya wawode wusumhanyi; ang'u waicho wahambe, “Ikyo nyi lohi.”

YESAYA 45:21

Onguonyi mbonyi, hambenyi oloho; ee da! Wadenyi chila kimu; nyiu aleloṟa ishi wokia mboko? Nyiu aleonguo mbonyi oo mawookionyi? Chi inyi Mndumii? Manya kulawode Ruwa kota inyi; Ruwa menyi wulohi, mkiṟa; kulawode ungi ngoseṟa yako.

YOSHUA 21:45

Kulakikaepfo manya kyasa kimu Mndumii-Ruwa aweteṟie Waisraeli kilaleawutsio. Shasa shose nyi shileawutsio.