YESAYA 41:9 - Bibilia Kui Mdedie fo Kimochi

⁹ iyo njilekuwada wuka masiionyi ha oruka, na ikulaha wuka ipfo na ipfo, njechikuwia, iyo nyi ui mṟundi oko, njilekusambuṟa manya njilekukumbapfo;

YESAYA 41:9 ပူးပေါင်းရင်းမြစ်များ

SHIIMBO SHA DAWIDI 135:4

Cha kipfa Mndumii nalekusambuṟia o Yakobo, na Israeli, wawe wandu wake nakamu.

SHIIMBO SHA DAWIDI 94:14

Kyamba Mndumii echikumba wandu wakepfo, manya echilekia wa kyoṟa kyakepfo.

YESAYA 11:11

Na kechiwa mkonufo, Mndumii nechihoṟuo owoko loke lya kawi, kundu nakuwadie wandu wake waletsuhaa, kuwuka Ashuru, na kuwuka Misri, na kuwuka Patrosi, na kuwuka Kushi, na kuwuka Elamu, na kuwuka Shinari, na kuwuka Hamathi, na kuwuka hahadutsu kiidi kya ipalyipalyi.

YESAYA 14:1

Kipfa Mndumii nechiwuyase isaṟia Yakobo, nechisambuṟa Israeli-se, nao nechiwawikase orukenyi lowo wawenyi; mhenu nechikulunga nawo, nawo wechiwadana na mba ya Yakobo.

YESAYA 41:2

Nyiu aleira umu awukie ora lo ngamenyi, ichu ai kiidi kya wusumhanyi amlahie madendenyi hake? Amnengie wandu wa mkambo oshangunyi loke, na imshimbuo huya wamangi; nawawuta wawe cha kiluli kui oshu loke, cha muulu fulewiwito nyi wuda woke.

YESAYA 41:8

“Na iyo Israel mṟundi oko; Yakobo njilekusambuṟa; oshari lo Abrahamu, mbuya yako;

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 44:1

Adanyia wulalu iyo Yakobo mṟundi oko; na Israeli njilekusambuṟa.

YESAYA 45:4

Kipfa kya Yakobo mṟundi oko na Israeli msambuṟe oko, ngakulaha kui rina lyapfo; ngakuinenga rina lya wusuṟi, ma chandu ulanjiichi.

MALAKI 1:2

Mndumii-Ruwa nahamba, “Nyo njimukundi;” Kyaindi nanyo mukahamba, “Nyi ulukundi kuda?” “Ngesa! Esau chi monomae o Yakobo? Kyaindi ngakunda Yakobo,” Mndumii-Ruwa ahamba;

LUKA 13:29

Kochikaa kuche wandu wawuka kulya kya ora lo ngamenyi na kya ora lo kyukanyi, na kya ora lo huye na lo seri, wache damia shelyenyi sha wumangi wo Ruwa.

NGUMBUO YA MAWAWASO 14:2

Cha kipfa nyo mui waele wa Mndumii-Ruwa, Ruwa onu; Mndumii-Ruwa amemusambuṟa nyo muwe wake kiidi kya wandu wose wa wuyanenyi kose.”

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

OTAMBAHALUO LO YOHANE 5:9

Nawo wakaimba kiimbo kiihya kehamba, “Iyo usumhanyi yambya kitapu ki na ifunja mhuri yakyo kipfa nyi kuleshinjo kowetalaya Ruwa wandu kui samu yapfo wapaṟikye orio mpaṟikie na mdedye na mbaṟi na mkambo.

1SAMWELI 12:22

Kui kiṟumi kya rina lyake inene, Mndumii-Ruwa echikumba wandu wakepfo kyamba nalekunda imutana nyo muwe wandu wake.