YESAYA 40:9 - Bibilia Kui Mdedie fo Kimochi

⁹ Iyo uiongoya Sioni ndumi njicha, Do huya fumvu lileshe; Iyo uiongoya Yerusalemu ndumi njicha, Deda na ṟu ling'anyi; Deda na ṟu lyapfo, kulaowuo; Wia mṟi ya Yuda, “Ambuyenyi, Ruwa onu.”

YESAYA 40:9 ပူးပေါင်းရင်းမြစ်များ

2MBONYI TSA MAHERI 13:4

Abiya nalehoṟoka huye ya fumvu lya Semaraimu , likeri kiidi kya mafumvu ha Efraimu, kawia wandu wa Yeroboamu na wandu wa Israeli; Njiadanyienyi iyo Yeroboamu na wandu wose wa Israeli!

YESAYA 1:1

Aiha mawonesio ha Yesaya, mana o Amozi, alehawona kiidi kya mbonyi tsa Yuda na Yerusalemu, mandi ha maheri ha Uzia na Yotham na Ahazi na Hezekia, wamangi wa Yuda.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 25:9

Kiidi kya mkonu fo wechihamba, “Ambuya ichu nyio Ruwa odu, nyio luwei imbedia nalutarame; Ichu nyio Mndumii luwei imbedia, Lukaese na ichihiyo kya okiṟo loke.”

YESAYA 35:2

Lyewaṟa shiwaṟo shifoi, na ichihiyo, ee, kui ngululu na iimba; lyechiinengo wucha wo Lebanoni, kiṟumi kya Karmeli na Sharoni; wechiwona kiṟumi kya Mndumii, na wunene wo Ruwa odu.

YESAYA 41:27

Inyi njimonyi njechiwia Sioni, Ambuya iwa nyiwo; na inyi njiinenge Yerusalemu moende mbonyi njicha.

YESAYA 44:26

Njekewanza idedo lya mṟundi oko; ngaweshitsa chila ya wadume wako; njekewia mṟi fo Yerusalemu ke nochiwada wandu kiidi kyapfo na mṟi ya Yuda, yechiwiko na inyi njisungusie handu halya hawundukie;

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

YESAYA 52:6

Koikyo wandu wako wechimanya Rina lyako; kipfa wechimanya mkonu fulya ke nyi inyi njideda; ambuya nyi inyi.”

YESAYA 58:4

Ambuyenyi nyo mukeri ikuotoya kundu mulimbane na iloyana, na ikapana nzina ya wuwicho. Mukuotoya mkonu fu fo inu na muirie ṟu lyanu huye.

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YEREMIA 22:20

Henda mṟasa Lebanoni, noirie ṟu lyapfo kiidi kya Bashani; nokoṟoṟome wuka Abarimu, kipfa wambuya wapfo waarisika.

YEREMIA 29:11

Kipfa njiichi makusaṟo njikusaṟa kyanu, Mndumii ahamba nyi makusaṟo ha ofoṟo ma chi mawicho pfo, imuinenga nyo mkusirie mafiri hanu hefurumia.

NAHUMU 1:15

Ambuya madende ha moende mbonyi njicha tsa sia hakeri icha shitoṟomosohu, na ihamba ofoṟo. Wada mkonu yapfo nnene, iyo Yuda, inutsya kyasa kyapfo, kipfa ulya mokulisa wukiwa echichase-pfo alememariso ikumbo haleshe.

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

MAWUTO HA WASU 2:14

Kyasia kukahoṟoka-ho Petro warianyi na walya ikumi na umu kairya ṟu lyake kahamba na iwawia, “Lanye wandu wa Wayuda nanyo mose mui kunu Yerusalemu. Kindo ki kyakunda itambaṟukya konu, keadanyenyi madedo hako.

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

MAWUTO HA WASU 4:29

Kyasiang'u hoi Mndumii, keambuya wo wulalu shiowesha shawo, notarame masinga hapfo, wadede idedo lyapfo wai na wukesi.

WAROMA 10:18

Ang'u njiwesenyi njihambe, Ngesa nyi waleleicho ndumi-yo? Ee-ko. Waleicho Kuwukye mangelele hawo hakadung'ana wanda ii kose, na madedo hawo hakatana hashika kulyando mtsitsio fo wuyana.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

WACHILI 9:7

Yothamu kekiicho mbonyi i, kahenda ihoṟoka fumvuhu lya Gerizimu, kadeda na ṟu lying'anyi, “Njiadanyienyi, nyo wandu wa Shekemu kokoya mukundi Ruwa namuadanyienyi nyo.