YESAYA 4:4 - Bibilia Kui Mdedie fo Kimochi

⁴ Mndumii nechikoya amesanja ngafu ya iwo wai wana wa waka wa Sioni na isanja samu ya Yerusalemu kiidi kyake, kui mumuyo fo mwanduye na mumuyo fo modo.

YESAYA 4:4 ပူးပေါင်းရင်းမြစ်များ

SHIIMBO SHA DAWIDI 51:2

Unjisanje piu na sha wuwicho woko, unjiwute wunyamaṟi woko.

SHIIMBO SHA SOLOMONI 3:11

Njoni, nyo wana wa waka wa Sioni, ambuyenyi mangi Solomoni. Aṟee oṟo aleṟiko nyi wamaye, mkonu fo ikoso lyake, mkonu fo sia ya ngoo yake.

YESAYA 1:15

Nanyo mkahoṟuo mawoko hanu, njechishinga meso hako njilechimuambuya; yee, mukaterewa shiterewo shifoi njechiichopfo; kipfa mawoko hanu haichuo samu.

YESAYA 1:25

na inyi njechikuindutsia owoko loko, njechisalaṟa wukika wonu wose, njechiwuta mbosha tsanu tsose.

YESAYA 1:31

Mndu ai ngohoda nechifanana na maṟa maumu, mawuto hawo hechiwa cha sese tsa modo, wechisaramaya handu hamu na mawuto hawo, manya kulechiwonekapfo mndu echiwakiṟa.

YESAYA 27:9

Kyasia wuwicho wo Yakobo wochiilisho wudo, na itso nyitso ndunda tsose tsembuta wunyamaṟi woke; ilyi echihaluo maho hose ha rasioni hawe cha maho maili hamapaṟe-paṟe, mṟasa mbuo na sanamu tsa mnengeṟi tsechihoṟoka-sepfo.

YESAYA 28:6

Na walya weanduo mondu iinenga pfinya waringi wa mṟi.

YESAYA 9:19

Kipfa kya nyashi ya Mndumii menyi Matorito oruka lu luirumara piu; wandu wa nawo wai cha ngu tsewika modonyi; kuwode mndu mosaṟia manomaye pfo.

YESAYA 9:5

Kipfa shisha sha ichu menyi shisha kiheri kya mtiṟi, na maṟao hamachoweṟe samu, hechikoṟo na isaramaya, hechiwa ngu tseatsia modo.

YEREMIA 9:6

Wakawumbia mbaka huya mbaka, na wongo huya wongo. Walakunde injimanya inyi. ‘Nyi inyi Mndumii-Ruwa ngahamba.’”

SHILIO 1:9

Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

EZEKIELI 22:15

Ambuya njikeri ihenda ikurahanyitsia kiidi kya mkambo ya wandu na ikukumba ipfo na ipfo kiidi kya njoruka tsingi. Njechitsitsa ngafu tsose tsii kiidi kyapfo.

EZEKIELI 36:25

Ambuyenyi njikeri ihenda iwaletsia mṟinga sa mharami, fuhende imusanja oko lonu lose hamu na sanamu tsanu tsose.

EZEKIELI 36:29

“Kyamba njikeri ihenda iwakiṟa na mawicho hanu hose, njilekiengeṟase njaa kiidi kyanu.

YOELI 3:21

Njechikapa walya wose walepusuo samu ya wandu wa Yuda; ma njechitsuhaṟa mndu ose awode-mtipfo. Nyi, Inyi inyi Ruwa Menyi Matoṟito njekekaa Sioni.”

SEFANIA 3:1

Ochia lo makideko na ifanyitso, mṟi fo wukika.

ZEKARIA 13:1

Kiidi kya mkonu fo, wandu wa mba ya Dawidi na wenyi mṟi fo Yerusalemu, wunyamaṟi wowo na ngafu shechisanjo nyi soka ya mṟinga.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.